(સંપૂર્ણ સમાચાર સેવા)

અમદાવાદ, તા. ૧૩

દેશભરમાં ચકચાર જગાવનાર સૌહરાબુદ્દીન બનાવટી એન્કાઉન્ટર અને કૌશરબીબીની ભેદી હત્યા કેસમાં જેલના સળિયા પાછળ ધકેલાયેલા સસ્પેન્ડેડ પોલીસ અધિકારી નરેન્દ્ર અમીને સીબીઆઇ કોર્ટમાં જામીન માટે અરજી કરી એવી રજુઆત કરી હતી કે, જો આ કેસના આરોપી અમિત શાહને જામીન મળી જાય તો મને પણ જામીન મળવા જોઇએ. સીબીઆઇએ આ મામલે નરેન્દ્ર અમીનના જામીનનો વિરોધ કરતાં એવી રજુઆત કરી હતી કે, આ કેસમાં અમિત શાહનો રોલ માત્ર કાવતરાના આરોપી તરીકે છે. જયારે અમીનની ભૂમિકા કૌશરબીની હત્યા સુધીનો છે. માટે તેમની સરખામણી કરી શકાય નહીં.

અમીનને જામીન મુક્ત કરવામાં આવે તો કેસના પુરાવા સાથે ચેડાં થવાની પુરેપુરી શક્યતા રહેલી છે. અમીનને જામીન નહીં આપવા સીબીઆઇએ કોર્ટમાં સખત વાંધો લીધો હતો.

(સંપૂર્ણ સમાચાર સેવા)

અમદાવાદ, તા. ૧૩

જિલ્લા સૈનિક કલ્યાણ અને પુનર્વસવાટ કચેરીના ઉપક્રમે છેલ્લાં પાંચ વર્ષમાં નિવૃત્ત થયેલ માજી સૈનિકોને અથવા સ્વ. માજી સૈનિકોના ધર્મપત્નીઓ અથવા તેમના એક સંતાનને ર્આિથક રીતે પગભર થવાના ઉદ્દેશથી સી.સી.સી. સમકક્ષ કમ્પ્યુટર કોર્સની વિના મૂલ્યે તાલીમ આઇ.ટી.આઇ., કુબેરનગર, અમદાવાદ ખાતે આપવામાં આવશે. તેમજ તાલીમ સફળ રીતે ત્રણ મહિના પુરી કરનારને રૂા. ૫૪૦૦/ સ્ટાઇપેન્ડ આપવામાં આવશે. અમદાવાદ અને ગાંધીનગર જિલ્લામાં કમ્પ્યુટરની તાલીમ લેવા ઇચ્છતા વ્યક્તિઓએ પોતાનું નામ અને મોબાઇલ નંબરની માહિતી ફોન દ્વારા અથવા રૂબરૂ જિલ્લા સૈનિક કલ્યાણ અને પુનર્વસવાટ કચેરી, થલતેજ અમદાવાદ ખાતે નોંધાવવાની રહેશે.

(સંપૂર્ણ સમાચાર સેવા)

અમદાવાદ, તા. ૧૩

માનસિક રોગથી પીડાતા દર્દીઓને જરૂરી સારવાર મળી રહે તે માટે સમાજ સુરક્ષા ખાતા દ્વારા સંચાલિત માનસિક સ્વાસ્થ્ય કેન્દ્ર ખાતે સાયક્યાટ્રીકની વિના મૂલ્યે સારવાર આપવામાં આવે છે. જેનો લાભ લેવા માનસિક સ્વાસ્થ્ય કેન્દ્ર અમદાવાદની યાદીમાં જણાવાયું છે. વિશ્વનાથ ભુવન, સંન્યાસ આશ્રમની બાજુમાં, આશ્રમ રોડ ખાતે કાર્યરત આ કેન્દ્ર ખાતે બાળકો માટેનું પ્લે-ગ્રુપ વિના મૂલ્યે કાર્યરત છે જેનો જરૂરિયાત મંદ લાભાર્થીઓને લાભ લેવા વધુમાં જણાવાયું છે.

(સંપૂર્ણ સમાચાર સેવા)

અમદાવાદ, તા. ૧૩

શાળાઓના પડતર પ્રશ્નોને વાચા આપવા માટે ગુજરાત રાજય શાળા સંચાલક મહામંડળ સંકલન સમિતિ દ્વારા રાજયના શાળા સંચાલકોનું મહાઅધિવેશન તા. ૨૫મી મેને બુધવારના રોજ પ્રેક્ષાભારતી હોલ ગાંધીનગર ખાતે રાખવામાં આવ્યું છે.

અમદાવાદ ગાંધીનગર હાઇવે કોબા સર્કલ પાસે પ્રેક્ષાભારતી ખાતે અખિલ ગુજરાત રાજય શાળા સંચાલક મહામંડળના પ્રમુખ નારણભાઇ પટેલ અને ગુજરાત રાજય શાળા સંચાલક મહામંડળના પ્રમુખ અંબુભાઇ પટેલ માધ્યમિક અને ઉચ્ચતર માધ્યમિક શિક્ષણ આપતી શાળાઓ સામે સરકારની અન્યાયી અને અવિશ્વાસ નીતિ-રીતિ લડતના મંડાણ કરવા માટે આ મહાઅધિવેશન બોલાવ્યું છે. જેમાં ૧૦ હજાર જેટલા શાળા સંચાલકો આ મહાઅધિવેશનમાં ઉપસ્થિત રહેશે.

એગિ્રકલ્ચર, રેઇન વોટર હાર્વેસ્ટિંગ, ફોરેન્ટ્રી મેને. કોર્સ, સંરક્ષણ ક્ષેત્રે, હેલ્થ અને મેડીકલ ટુરીઝમ મહત્વના કોર્સ

(સંપૂર્ણ સમાચાર સેવા)

અમદાવાદ, તા. ૧૩

ધો. ૧૨ બોર્ડ સાયન્સનું ગઇકાલે પરિણામ જાહેર થઇ ગયા બાદ વિદ્યાર્થીઓ ફક્ત એન્જિનીયરીંગ, ફાર્મસી અને મેડીકલ ક્ષેત્રે જ કારકિર્દી ઘડવાનું મુનાસીબ સમજે છે પરંતુ આ ત્રણ ક્ષેત્ર સિવાય એનિમલ ન્યૂટિ્રશન, રેઇન વોટર હાર્વેસ્ટિંગ, અર્થ સાયન્સિસ અને ફોરેસ્ટ મેનેજમેન્ટ સહિત રાષ્ટ્રીય પ્રવેશ પરીક્ષા દ્વારા પણ કારકિર્દી ઘડી શકે છે.

ધો. ૧૨ સાયન્સ પછી શું કરવું ? તેને લઇ વિદ્યાર્થીઓની સાથે વાલીઓ પણ મુશ્કેલીમાં મૂકાયા છે. વાલીઓ પોતાના બાળકોની માર્કશીલ લઇ તજજ્ઞો પાસે સલાહ લેવા પહોંચી જાય છે. અને ફક્ત એન્જિ., ફાર્મસી અને મેડીકલમાં જ પ્રવેશની ચર્ચાઓ કરે છે. પરંતુ આ ત્રણ ક્ષેત્ર સિવાય અન્ય ક્ષેત્રમાં પણ નોકરી મોટી તક છે. સાથો સાથ ઉંચા પગાર મળે છે. વિદ્યાર્થીઓને એગિ્રકલ્ચરલ યુનિર્વિસટીના અભ્યાસક્રમોમાં, રેઇન વોટર હાર્વેસિંગ, અર્થ સાયન્સિસ, પબ્લિક હેલ્થ, ફાર્માકોવિવિલન્સ, ક્લિનિકલ એન્જિ., મેડીકલ ટુરીઝમ, ફોરેન્ટ્રી મેનેજમેન્ટનો કોર્સ સહિત રાષ્ટ્રીય પ્રવેસ પરીક્ષા આપી વિવિધ ક્ષેત્રે પ્રવેશ લઇ કારકિર્દી ઘડી શકાય છે. આ ઉપરાંત ઇન્ડિયન આર્મી, એવિએશન મેનેજમેન્ટ અને સંરક્ષણ ક્ષેત્રે એરમેનની કારકિર્દી પણ ઘડી શકાય છે. વિદ્યાર્થી-વાલીઓના માર્ગદર્શન માટે પ્રદેશ કોંગ્રેસ ભવન ખાતે ખાસ વ્યવસ્થા કરાઇ છે. દરરોજ મોટી સંખ્યામાં વાલીઓ માર્ગદર્શન મેળવે છે. વિદ્યાર્થીઓને મૂંઝવતા પ્રશ્નોનું પણ નિરાકરણ આવી શકે છે.

ભાવનગરમાં સૌથી વધુ ૪૨.૬ ડિગ્રી અને અમદાવાદમાં ૪૧.૦૪ ડિગ્રી મહત્તમ તાપમાન : રોગચાળો વધ્યો છે

(સંપૂર્ણ સમાચાર સેવા)

અમદાવાદ, તા. ૧૩

આગ ઓકતી ગરમીના મારાથી સામાન્ય જનજીવન વ્યાકુળ બન્યું છે. આજે ભાવનગરમાં સૌથી વધુ ૪૨.૬ ડિગ્રી મહત્તમ તાપમાન નોંધાતા સ્થાનિકો કાળઝાળ ગરમીથી ત્રાહિમામ પોકારી ઉઠ્યા હતા. બીજી બાજુ અમદાવાદ શહેરમાં પણ ઉકળાટ સાથે ગરમીનો પારો ૪૧.૦૪ ડિગ્રી રહેતાં બપોરના સુમારે બહાર નીકળવું મુશ્કેલ બન્યું હતું.

રાજયના મોટાભાગના વિસ્તારોમાં ઉનાળાએ કાળઝાળ સ્વરૂપ ધારણ કર્યું હોય એમ ચામડી દઝાડતી ગરમીથી લોકો ત્રાહિમામ પોકારી ઉઠ્યા છે. દરિયાકાંઠાના વિસ્તારોમાં પણ ઉકળાટ સાથેની અસહ્ય ગરમીથી જનજીવન પ્રભાવિત બન્યું છે. આજે રાજયના ભાવનગર સૌથી વધુ ૪૨.૬ ડિગ્રી મહત્તમ તાપમાન રહેતાં લોકોએ ઘર-ઓફિસોની અંદર રહેવું જ યોગ્ય માન્યું હતું. બીજી બાજુ સામાન્ય ચહલપહલના અભાવે જાહેર માર્ગો તથા મુખ્ય બજારો સુમસામ ભાસતા હતાં.

દરમિયાન મધ્ય ગુજરાતના અમદાવાદ શહેરમાં પણ ૪૧.૪ ડિગ્રી મહત્તમ તાપમાન રહેતાં શહેરીજનો તોબા પોકારી ઉઠ્યા હતા. તીવ્ર ગરમીથી બચવા લોકોએ એસી-પંખા તથા ઠંડાપીણાની મદદ લીધી હતી. સતત જારી રહેલી આગ ઓકતી ગરમીથી વૃદ્ધો અને બાળકોની હાલત સૌથી વધુ કફોડી બની હતી.

દરમિયાન રાજયના અન્ય વિસ્તારો અંતર્ગત સુરેન્દ્રનગરમાં ૪૧.૭, રાજકોટમાં ૪૧.૦૧, ડીસા ૪૧, ઇડર ૪૦.૬, વડોદરા ૪૦, સુરતમાં ૩૩, ભુજમાં ૩૭, નલિયા ૩૪.૨, દ્વારકા ૩૦.૬, ઓખામાં ૩૧.૯, પોરબંદર ૩૩, કચ્છ-માંડવી ૩૫.૯, વલસાડ ૩૩.૦૮, વલ્લભવિદ્યાનગર ૩૮.૬, કંડલામાં ૩૫.૫ અને વેરાવળમાં ૩૩.૩ ડિગ્રી મહત્તમ તાપમાન રહ્યું હતું. દરમિયાન આગામી સમયમાં પણ ગરમીનું મોજું જારી રહેશે. જેના પગલે લોકોએ હજુ પણ કાળઝાળ ગરમીનો સામનો કરવો પડશે. દરમિયાન રોગચાળાના કારણે પણ લોકો પરેશાન થયેલા છે.