૧૦૦ ટકાવાળી શાળા ઘટીને ૩૨ : ૧૦ ટકાથી ઓછા પરિણામવાળી શાળા વધીને ૪૮ થઇ : ૮૨૭૯ને પરિણામમાં સુધારા : ગુજકેટનું પરિણામ જાહેર

(સંપૂર્ણ સમાચાર સેવા)

અમદાવાદ, તા.૧૨

ગુજરાત માધ્યમિક શિક્ષણ બોર્ડ દ્વારા માર્ચ-૨૦૧૧માં લેવાયેલી ધોરણ ૧૨ સાયન્સની પરીક્ષાનું ૬૯.૧૬ ટકા પરિણામ આવ્યુ છે. જે ગત વર્ષ કરતા ૬.૬૧ ટકા પરિણામ ઓછુ આવ્યુ છે. આ વખતે સૌથી વધુ પરિણામ કડી કેન્દ્રનું ૯૬.૬૩ અને પંચમહાલ જિલ્લાનું ૮૨.૨૮ ટકા આવ્યુ છે. આ વખતે ૧૦૦ ટકા પરિણામવાળાની સંખ્યા ઘટીને ૩૨ થઇ છે અને ૧૦ ટકા પરિણામવાળા વધી ૪૮ થઇ છે. એ૧ ગ્રેડ સાથે ૩૪૪ અને એ૨ ગ્રેડ સાથે ૪૯૭૧ વિદ્યાર્થીઓ આવ્યા છે. સૌથી વધુ પરિણામ વિર્દ્યાિથનીઓનું ૭૧.૭ ટકા આવ્યુ છે જયારે એક વિષયમાં ૮૨૯૭ વિદ્યાર્થીઓના પરિણામમાં સુધારણાની જરૂરિયાત છે. સાયન્સમાં અમદાવાદ શહેરમાં ૬૪૭૯ અને અમદાવાદ ગ્રામ્યમાં ૩૩૯૭ વિદ્યાર્થીઓ પ્રમાણપત્ર મેળવવાના પાત્ર બન્યા છે. જયારે ૯૯થી ઊપર પર્સન્ટાઇલ રેન્ક મેળવનાર એ ગ્રુપમાં ૫૩૭ અને બી ગ્રુપમાં ૨૦૮ વિદ્યાર્થીઓ છે. જયારે મેથ્સમાં ૧૦૦ માર્ક વિદ્યાર્થીઓની સંખ્યા ૩૦ છે. આ ઊપરાંત આજ રોજ જાહેર થયેલા ગુજકેટના પરિણામમાં ૯૯થી ઊપર પર્સન્ટાઇલ રેન્ક મેળવનાર એ ગ્રુપમાં ૬૮૭ અને બી ગ્રુપમાં ૨૬૧ વિદ્યાર્થીઓ છે.ગુજરાત શિક્ષણ બોર્ડ દ્વારા જાહેર કરાયેલા ધો-૧૨ સાયન્સના પરિણામમાં પ્રથમ વખત ટોપટેનની યાદી જાહેર કરવામાં આવી નથી. બોર્ડ પ્રથમ વખતે વિદ્યાર્થીઓને ગ્રેડ અને પર્સન્ટાઇલ રેન્ક આપવામાં આવ્યા છે. આ વખતે માર્કસીટમાં પાસ-નાપાસ જાહેર કરવામાં આવ્યા નથી. ચાલુ વર્ષે બોર્ડ દ્વારા માર્ચ ૨૦૧૧માં લેવાયેલી ધોરણ ૧૨ સાયન્સની પરીક્ષામાં કુલ ૯૧૪૪૪માંથી ૬૩૩૭૪ વિદ્યાર્થીઓ અને ૨૮૦૭૦ વિર્દ્યાિથનીઓ નાધાઇ હતી. આમાંથી કુલ ૬૨૪૮૧ વિદ્યાર્થીઓ પ્રમાણપત્ર મેળવવાને પાત્ર બનતાં પરિણામ ૬૯.૧૬ ટકા આવ્યું છે. જે ગતવર્ષના ૭૫.૭૭ ટકા કરતા ૬.૬૧ ટકા ઓછુ આવ્યુ છે. આ વખતે સૌથી વધુ પરિણામ કડી કેન્દ્રનું ૯૬.૬૩ ટકા અને ઓછુ પરિણામ વડાલી કેન્દ્રનું ૨૫.૨૧ ટકા આવ્યુ છે. આવી જ રીતે સૌથી વધુ પરિણામ પંચમહાલ જિલ્લાનું ૮૨.૨૮ ટકા અને ઓછુ પરિણામ નર્મદા જિલ્લાનું ૩૦.૬૭ ટકા આવ્યુ છે. આ વખતે ૧૦૦ ટકા પરિણામ ધરાવતી શાળા ૩૨ છે જે ગતવર્ષે ૬૫ હતી આવી જ રીતે ૧૦ ટકાથી ઓછા પરિણામવાળી સંખ્યા ગતવર્ષની ૬ શાળાની સરખામણીમાં ૪૮ શાળા થઇ છે. આ વખતે વિદ્યાર્થીઓનું પરિણામ ૬૭.૩૪ ટકા આવતા વિર્દ્યાિથનીઓનું ૭૧.૭ ટકા પરિણામ સાથે બાજી મારી ગઇ છે. સાયન્સમાં ૯૯થી ઊપર પર્સન્ટાઇલ રેન્ક મેળવનાર એ ગ્રુપમાં ૫૩૭ અને બી ગ્રુપમાં ૨૦૮ વિદ્યાર્થીઓ છે. આ વખતે પણ સાયન્સમાં અંગ્રેજી માધ્યમનું ૭૫.૧૨ ટકા કરતા ગુજરાતી માધ્યમનુું ૬૮.૪૬ ટકા સાથે ઓછુ પરિણામ આવ્યુ છે. આ વખતે ગેરરીતિના ૨૩ કેસ નાધાયા છે. જયારે ગતવર્ષે ૧૮ કેસ હતા. આ વખતે એ ગ્રુપના ઊમેદવારો ૪૬૪૪૬(૭૨.૩૧ ટકા), બી ગ્રુપના ઊમેદવારો ૧૫૯૮૯(૬૧.૯૩ ટકા) અને એબી ગ્રુપના ઊમેદવાર ૪૬(૧૨.૯૯ ટકા) પરિણામ આવ્યુ છે. ૧૦૦ ટકા માર્ક પ્રાપ્ત કરનાર વિદ્યાર્થીઓની સંખ્યા વિષય પ્રમાણે જોઇએ તો મેથ્સમાં ૩૦, કેમેસ્ટ્રીમાં ૩, ફિઝિકસમાં ૬, બાયોલોજી ૮ અને કોમ્પ્યુટરમાં બે વિદ્યાર્થીોનો સમાવેશ થાય છે. ધો-૧૨ સાયન્સમાં ૨૦ ટકા પાસગ સ્ટાન્ડર્ડથી ૧૫ વિદ્યાર્થીઓ પાસ થયા છે. આ વખતે સાયન્સમાં ૧૧૧ વિકલાંગ વિદ્યાર્થીઓમાંથી એ૧ ગ્રેડમાં એક પણ વિદ્યાર્થી આવ્યા નથી.  વિકલાંગ વિદ્યાર્થીઓનું પરિણામ ૭૯.૨૮ ટકા આવ્યુ છે. ગ્રેડ પ્રમાણે વિદ્યાર્થીઓની સંખ્યામાં એ૧ ગ્રેડમાં ૩૪૪, એ૨ ગ્રેડમાં ૪૭૭૧, બી૧ ૧૧૨૭૨, બી૨ ૧૫૪૮૦, સી૧ ૧૭૯૯૫, સી૨ ૯૯૨૧, ડી ૨૪૯૮ અને ઇ૧ અને ઇ૨ ગ્ડમાં ૨૮૦૮૪ વિદ્યાર્થીઓનો સમાવેશ થાય છે. આમ કુલ  ડી કે તેથી ઊપરના ગ્રેડવાળા કુલ ૬૨૪૮૧ વિદ્યાર્થીઓ પ્રમાણપત્ર મેળવવાને પાત્ર બનશે. આ વખતે ૯ વિષયમાં ૨ વિદ્યાર્થીઓને પરિણામ સુધારવાની જરૂરિયાત છે. આજ જાહેર થયેલા પરિણામમાં અમદાવાદમાં ૬૪૭૯ અને અમદાવાદ ગ્રામ્યમાં ૩૩૯૭ વિદ્યાર્થીઓ પ્રમાણપત્ર મેળવવાને પાત્ર છે. જયારે આજરોજ જાહેર થયેલા ગુજકેટના પરિણામમાં પર્સન્ટાઇલ રેન્ક ૯૯ મેળવનાર એ ગ્રુપમાં ૬૮૭ અને બી ગ્રુપમાં ૨૬૧ વિદ્યાર્થીઓ છે.

હાઈકોર્ટના ઓર્ડરને મ્યુ. તંત્ર ઘોળીને પી ગયું : મ્યુનિ.તંત્ર-પોલીસ કમિશનર વિરુદ્ધ કાર્યવાહીની હિલચાલ :ઝૂંપડાઓ નહ તોડવા હાઈકોર્ટે ૬ઠ્ઠીએ આદેશ કર્યો અને કોર્પોરેશને આદેશની પરવા કર્યા સિવાય ઝૂંપડાઓ તોડ્યા

(સંપૂર્ણ સમાચાર સેવા)

અમદાવાદ, તા. ૧૨

અહસાના પૂજારી મહાત્મા ગાંધીના આશ્રમથી માંડ પચાસ ડગલા દૂર આવેલા દૂધેશ્વર નદી કિનારે વસતા શ્રમજીવી લોકોની હાલત ઊપર આભ અને નીચે ધરતી જેવી થઈ ગઈ છે. શ્રમજીવીઓને તેમના ઝૂંપડાઓમાંથી હટાવવા તંત્રએ કોઈ જ કસર બાકી રાખી નથી. છેલ્લાં દસ દિવસોથી આ શ્રમજીવીઓ અંગ્રેજો કરતાં પણ બદતર તંત્ર સામે લડી રહ્યા છે. પરંતુ તેમનું સાંભળવા કોઈ તૈયાર નથી. જયારે બીજી તરફ વોટના રાજકારણ માટે ચૂંટણી ઢંઢેરામાં અમદાવાદને સગાપોરની હરોળમાં મુકવા માટે માત્ર એક હજાર દિવસમાં રિવરફ્રન્ટ પ્રોજેકટ પુરો કરવાનું વચન આપનાર મોદી સરકાર હવે ૧૩ વર્ષ પછી જાગી છે અને ગમે તે ભોગે રિવર ફ્રન્ટ પુરો કરવા અધીરી બની છે. હાઈકોર્ટે ૬ મેના રોજ આ તમામ ઝૂંપડા જૈસે થે તે સ્થિતિમાં રાખવા ઓર્ડર કર્યો છે. તેમ છતાં અહસાના પુજારી ગાંધીના મૂલ્યને પણ મ્યુનિ. સત્તાવાળાઓ જાણે ઘોળીને પી ગયા હોય તેમ હાલમાં પણ ઝૂંપડાવાસીઓ પર દમન ગુજારવાનું ચાલુ રાખ્યું છે. માહિતી એવી છે કે દૂધેશ્વર બિ્રજ નીચે આવેલા સાબરમતી નદીના પટ્ટમાં છેલ્લાં ૨૦ વર્ષથી શ્રમજીવી લોકો ઝૂંપડા બાંધીને રહે છે. રિવર ફ્રન્ટ પ્રોજેકટને લઈ સરકાર દ્વારા સર્વે પણ કરાયો હતો.જેમાં તમામ ઝૂંપડાઓના નંબર આપી રહીશોને સર્વેની સ્લીપો પણ આપવામાં આવી હતી. ૨૦૧૦માં સાબરમતી નદીને અડીને આવેલા કે જયાં હાલમાં રિવરફ્રન્ટ બની ગયો છે તેવા ઝૂંપડાવાસીઓને મકાનો પણ ફાળવાયા હતા. પરંતુ રિવરફ્રન્ટને આગળ વધારવા અન્ય ઝૂંપડા ખસેડવા પડે તેવી સ્થિતિ હતી. આ તમામ મકાનોનો પણ સર્વે કરાયો હતો. જો કે તેમ છતાં આ ઝૂંપડાઓને કોઈપણ વૈકલ્પિક વ્યવસ્થા કરી આપ્યા વિના અને નોટીસ પાઠવ્યા વિના ગત તા. ૪મે

રોજ સવારે પોલીસ કાફલા સાથે આવેલી કોર્પોરેશનની ટીમે બુલડોઝર ફેરવવાનું શરૂ કરી દીધું હતું. જે કામગીરી હાલમાં પણ ચાલુ છે. તંત્રએ ઓચતા ઝૂંપડા તોડવાનું શરૂ કરતાં ઝૂંપડાવાસીઓએ હાઈકોર્ટમાં ઘા કરી હતી. જેથી હાઈકોર્ટે ૬ઠ્ઠી મે ના રોજ ઓર્ડર કર્યો હતો કે દૂધેશ્વર બિ્રજ નીચેના ઝૂંપડાઓ જૈસે થે તેવી સ્થિતિમાં રહેવા દેવા. તેમ છતાં તંત્ર દ્વારા હાલમાં પણ ડિમોલેશનની કામગીરી પુરજોશમાં ચાલી રહી છે. બે હજારથી વધુ ઝૂંપડાવાસીઓની સ્થિતિ હાલમાં બદતર બની ગઈ છે. હાઈકોર્ટના ઓર્ડર બાદ પણ છેલ્લાં પાંચ દિવસથી આ કામગીરી ચાલુ છે. ગઈકાલે ઝૂંપડાવાસીઓએ પોતાના વકીલ દ્વારા કોર્પોરેશનના અધિકારીઓ અને પોલીસ કમિશનર સહિતના અધિકારીઓને લેખિત જાણ કરી હતી કે, હાઈકોર્ટે ૬ઠ્ઠી મેના રોજ ઝૂંપડાઓ જે સ્થિતિમાં છે તે સ્થિતિમાં રહેવા દેવા માટેનો ઓર્ડર કર્યો છે. તેમ છતાં પણ ગઈકાલે સવારથી જ પોલીસ કાફલા સાથે બુલડોઝર સહિતની ટીમ પહાચી ગઈ હતી. તંત્ર દ્વારા ઝૂંપડાવાસીઓને માત્ર ઠાલા વચનો આપવામાં આવી રહ્યા છે. જયારે બે ઘર થયેલા ઝૂંપડાવાસીઓની પુકાર સાંભળનાર કોઈ નથી. હવે બસ જોવાનું એ છે કે સગાપોરની હરોળમાં અમદાવાદમાં મુકાય તે પહેલાં ઝુંપડાવાસીઓને મકાન મળે છે કે પછી આ રીતે જ તેમના પર દમન ચાલુ રહેશે.

નિવાૃત્ત જસ્ટીસ ડી. પી. બુચ કમિટી પર નજર

(સંપૂર્ણ સમાચાર સેવા)

અમદાવાદ, તા. ૧૨

ઝૂંપડાવાસીઓના પુનઃ સ્થાપના અને પુનઃવસન માટે નિવાૃત્ત જસ્ટીસ ડી. પી. બુચની કમિટી રચવામાં આવી છે. તમામ ઝૂંપડાવાસીઓએ મકાન માટે કમિટીમાં અરજી કરી છે.

જેથી હવે તમામ ઝૂંપડાવાસીઓની નજર કમિટી ઊપર જોડાઈ છે. આગામી દિવસોમાં કમિટીમાં નિર્ણય લેવાશે તેને લઈ ઝૂંપડાવાસીઓ પણ માન્ય રાખવા તૈયાર છે. પરંતુ હાલમાં ઝૂંપડાવાસીઓ ઊપર આભ અને નીચે ધરતી જેવી સ્થિતિમાં જીવી રહ્યા હોવાની કમિટી ઝડપી નિર્ણય લે તેમ પણ ઝૂંપડાવાસીઓ આશા સેવી રહ્યા છે.