૨.૬૮ કરોડથી વધારેના ખર્ચા : નવા રાઉટર લેવાશે

(સંપૂર્ણ સમાચાર સેવા)

અમદાવાદ, તા. ૧૩

અમદાવાદ શહેરમાં નવસંરચના પામેલા ૬૪ વોર્ડમાં નવી ૨ એમબીપીએસની લીઝ લાઇન લેવા અંતર્ગત નવા તમામ સેન્ટરના ડેટા લાઇન માટે રૂા. ૨.૬૮ કરોડથી વધુના ખર્ચે નવા રાઉટર ખરીદવામાં આવશે. આ માટે તાજેતરમાં મળેલી સ્ટેન્ડિંગ કમિટીની બેઠકમાં કવોલીફાઇડ બીડર્સ પૈકી એલ૧ બીડરને કોન્ટ્રાક્ટ સોંપવા મ્યુનિ. સત્તાધીશોએ નિર્ણય કર્યો હતો. જો કે આ કંપનીને કોન્ટ્રાક્ટ આપવા સંદર્ભે મ્યુનિ. વિપક્ષે રજુઆત કરતાં જણાવ્યું હતું કે, તંત્ર દ્વારા માલ સપ્લાય કરતી મૂળ કંપનીનો જ સંપર્ક કેમ નથી કરાતો. અન્ય કંપનીઓ પાસેથી પણ કામગીરી કરાવી શકાય છે. ઉપરાંત મ્યુનિ. દ્વારા સંસ્થા પાસેથી લેવાતી સેવા પણ નિયમિત અને યોગ્ય જાળવણી સાથે થવી જોઇએ. એમ વધુમાં રજુઆત કરાઇ હતી.