મુખ્યમંત્રી આનંદીબેન પટેલે કન્યા શિક્ષણ સાથે જ કુપોષણ મુક્તિ માટે સમાજ શક્તિ ને વ્યાપક સ્તરે જોડવાનું આહવાન કર્યું છે. જો દિકરી શિક્ષીત હશે તો બે કુળ તારશે અને બાળક કુપોષણ મુક્ત હશે તો તંદુરસ્ત સમાજ તંદુરસ્ત નાગરિકનું ઘડતર થશે તેવો વિશ્વાસ તેમણે વ્યક્ત કર્યો હતો. મુખ્યમંત્રીએ જેતપુરમાં સરદાર પટેલ કેળવણી મંડળના ઉપક્રમે રાણીબેન બાવનજીભાઈ હિરપરા શૈક્ષણિક સંકુલમાં વિવિધ વિભાગોનું લોકાર્પણ કર્યું હતું. આ અવસરે રાજકોટ જિલ્લાના કુપોષિત બાળકોને પોષક આહાર પુરક પોષણ માટે રૃપિયા ૧૧ લાખનો ચેક મુખ્યમંત્રીને અર્પણ કરવામાં આવ્યો હતો. આનંદીબેન કહ્યું કે, ગુજરાતના યુવાનો યુવતીઓને આવા આધુનિક જ્ઞાન સંપદાથી સજજ કરી રાજયના આવી રહેલા ૮૨ હજાર કરોડના ઔદ્યોગિક રોકાણો સાથે તાલ મિલાવતા રોજગાર અવસરો આપવાની દિશામાં પણ સેવાભાવી શિક્ષણ સંસ્થાઓ વિચારે તેવું વાતાવરણ સર્જવું જોઈએ.

આનંદીબેન પટેલે કન્યા શિક્ષણની મહત્તા ધરાવવા સાથે ટેકનોલોજી યુક્ત આધુનિક જ્ઞાન સંપન્ન સમાજથી જ શ્રેષ્ઠ રાજય રાષ્ટ્રનું નિર્માણ શક્ય બને છે. તેવો સ્પષ્ટ મત વ્યક્ત કર્યો છે. આ સંદર્ભમાં તેમણે કહ્યું કે સમયાનુકુલ પરિવર્તન સાથેનું શિક્ષણ વિજ્ઞાન મેળવીને યુવા પેઢી પોતાની કારકિર્દીનું ઘડતર કરવા સાથે હાર્દભરી અપીલ કરતા કહ્યું કે દિકરીઓ ઉચ્ચત્તર માધ્યમિક શિક્ષણમાં વિજ્ઞાન, ગણિત, અંગ્રેજી, જેવા ગહન વિષયો પ્રત્યે વિશેષ રસ લે તે આવશ્યક છે. સમાજના શ્રેષ્ઠીઓની પણ આ સેવાદાયિત્વ ભાવના હોવી જોઈએ. તેમ તેમણે ઉમેર્યું હતું. મુખ્યમંત્રીએ કન્યા શિક્ષણ માટે સમાજમાં જાગૃતિ આવી રહી છે. તેની સરાહના કરતા એવી અપીલ પણ કરી હતી કે દીકરા દિકરી વચ્ચેનો ભેદભાવ મિટાવવાની કન્યા ભૂણ હત્યા અટકાવવાની અને દિકરીઓને કુળદિપક જેમ જ વધાવવાની સમાજ જાગૃતિ એટલી જરૃરી છે. તેમણે જેન્ડર ઈમ્બેલેન્સ પુરુષ સ્ત્રી અસમાનતાના અનેકાનેક દ્રષ્ટાંતો આપતા માતાઓ બહેનો દીકરીઓને સ્પર્શતા વિવિધ રોગો માટે અમદાવાદમાં મધર એન્ડ ચાઈલ્ડ હોસ્પિટલ શરૃ કરીને માતા બાળકોને સ્પર્શતા વિવિધ રોગો માટે અમદાવાદમાં મધર એન્ડ ચાઈલ્ડ હોસ્પિટલ શરૃ કરીને માતા બાળકોને રોગમુક્ત રાખવાની નેમ દર્શાવી હતી. આનંદીબેન માતૃવાત્સલ્ય ભાવ સભર વક્તવ્યમાં ઉમેર્યું કે, દીકરા દિકરીનો ભેદ રાખવામાં ક્યાંકને ક્યાંક જાણ્યે અજાણ્યે પુરુષ પ્રધાન સમાજ વ્યવસ્થા જવાબદાર છે.

તેમણે કહ્યું કે, રાજય સરકારના પ્રયાસોને સમાજના મળી સહયોગને પરિણામે હવે એક હજાર દીકરાએ દીકરીના સંખ્યામાં વધારો કરી શક્યા છીએ. આપણે આ અસંતુલન હજુ પણ વધુ દુર કરવું છે. મુખ્યમંત્રીએ રાજય સરકાર દ્વારા સરકારી હોસ્પિટલોમાં હાથ ધરાઈ રહેલા આરોગ્ય તપાસણી અભિયાન, બેસ્ટ સર્વાઈકલ કેન્સર, ગર્ભસ્થ શિશુના રોગો, દુર કરવાની અદ્યતન સારવાર, વાંકાચૂંકા હાથ પગના અંગો, ધરાવતા બાળકની શસ્ત્રક્રિયા જેવા અભિયાનોનો વ્યાપક લાભ લેવા અનુરોધ કર્યો હતો.  પાણી પુરવઠા મંત્રી વિજયભાઈ રૃપાણીએ કહ્યું કે, ગુજરાતના વિકાસમાં સામાજીક યોગદાનમાં ખાસ કરીને પટેલ સમાજની સંસ્થાઓ દ્વારા કન્યાશિક્ષણની આહલેક જગાવવામાં આવી છે જે અન્યો માટે પ્રેરણારૃપ છે. ખોડલધામ ટ્રસ્ટના પ્રમુખ નરેશભાઈ પટેલે પ્રાસંગિક પ્રવચનમાં શૈક્ષણિક સંસ્થાઓને આધુનિક ટેકનોલોજીથી સજજ થવા જણાવ્યું હતું.

શહેરના શ્યામલ ચાર રસ્તા પર આવેલા ટાઈટેનિયમ સીટી સેન્ટરના બેઝમેન્ટમાં આજે બપોરે અચાનક ભીષણ આગ લાગી હતી. આ ઘટના બનતા આખા મોલમાં દોડધામ મચી જવા પામી હતી અને તમામ દુકાનો બંધ કરી દેવાઈ હતી. આ ઘટનાની જાણ ફાયરબિગ્રેડને કરતાં તાબડતોડ ઘટના સ્થળે પહોંચી આવ્યા હતા અને સતત પાણીનો મારો ચલાવી આગને કાબુમાં લેવાની કામગીરી શરૃ કરી હતી. આ ઘટનામાં ચાર વ્યક્તિઓ ફસાયા હતા તેમને ફાયરના જવાનો દ્વારા સલામતથી બહાર કાઢવામાં આવ્યા હતા. કલાકોના જહેમત બાદ ફાયરના જવાનોએ આગને કાબુમાં લીધી હતી. આ ઘટનાની જાણ આનંદનગર પોલીસને કરતાં તાત્કાલિક ઘટના સ્થળે પહોંચી આવ્યા હતા અને તપાસ શરૃ કરી હતી. આ ઘટનામાં કોઈ જાનહાનિ થવા પામી ન હતી. હજુ સુધી આગ લાગવાનું ચોક્કસ કારણ જાણવા મળ્યું ન હતું.

ફાયરબિગ્રેડના સુત્રો મુજબ, શ્યામલ ચાર રસ્તા પર આવેલા ટાઈટેનિયમ સીટી સેન્ટરના બેઝમેન્ટમાં આજે ૫ઃ૩૦ વાગ્યાની સુમારે અચાનક આગ લાગી હતી. આ ઘટના બનતા આખા મોલમાં દોડધામ મચી જવા પામી હતી અને ભય પ્રસરી જવા પામી હતી. આગને પગલે તમામ દુકાનોને બંધ કરી દેવાઈ હતી. આ ઘટનાની જાણ ફાયરબિગ્રેડ ને કરતાં તાબડતોડ ઘટના સ્થળે દોડી આવ્યા હતા અને સતત પાણીનો મારો ચલાવી આગને બુઝાવવાની કામગીરી શરૃ કરી હતી. આગને પગલે ૩ મહિલા અને એક પુરુષ ફસાઈ ગયો હોવાનું જાણવા મળ્યું હતું. ફાયરના જવાનો દ્વારા રેસ્કયુ ઓપરેશન હાથ ધર્યું હતું અને તમામ લોકોને સુરક્ષીત બચાવી લેવાયા હતા. કલાકોના જહેમત બાદ ફાયરના જવાનોએ આગને કાબુમાં લીધી હતી.

આ ઘટનામાં પાર્કિગમાં પાર્ક કરેલા વાહનો બળીને ખાક થઈ ગયા હતા. આ ઘટનાની જાણ આનંદનગર પોલીસને કરતાં તાત્કાલિક ઘટના સ્થળે પહોંચી આવ્યા હતા અને તપાસ હાથ ધરી હતી. આ ઘટના શોર્ટ સર્કિટના કારણે લાગી હોવાનું અનૂમાન છે. જો કે, હજુ સુધી કોઈ ચોક્કસ કારણ જાણવા મળ્યું ન હતું. આ ઘટનામાં કોઈ જાનહાનિ થવા પામી ન હતી. આ અંગે પોલીસે ગુનો નોંધી વધુ તપાસ હાથ ધરી છે.