શહેરમાં ગરમીના પ્રમાણમાં ફરીથી વધારો : પારો ૪૧.૫

અમદાવાદ ગરમીના પ્રમાણમાં આજે આંશિક વધારો નોંધાયો હતો અને બપોરના ગાળામાં લોકોએ વધુ ગરમીનો અનુભવ કર્યો હતો. તીવ્ર ગરમીનું પ્રણામ ઘટ્યું છે પરંતુ એકાએક રોગચાળાનું પ્રમાણ વધી ગયું છે. પાણીજન્ય અને મચ્છરજન્ય રોગના કેસો વધી ગયા છે. આજે અમદાવાદમાં મહત્તમ તાપમાન ૪૧.૫ ડિગ્રી નોંધાયું હતું જ્યારે લઘુત્તમ તાપમાન ૨૭.૫ ડિગ્રી રહ્યું હતું. રાજ્યમાં જે વિસ્તારમાં સૌથી વધુ મહત્તમ તાપમાન નોંધાયું હતું તેમાં સુરેન્દ્રનગરનો સમાવેશ થાય છે. સુરેન્દ્રનગરમાં પારો ૪૧.૮ રહ્યો હતો. અમદાવાદમાં ગાજવીજ સાથે વરસાદી ઝાપટાની આગાહી કરવામાં આવી છે જેથી વાતાવરણમાં ઠંડક રહી શકે છે. રેડ એલર્ટની જાહેરાત કર્યાના થોડાક દિવસ બાદ જ એએમસી દ્વારા હવે ગ્રીન ઝુંબેશ હાથ ધરવામાં આવી છે. વરસાદની હવે ઉત્સુકતાપૂર્વક રાહ જોવામાં આવી રહી છે.