ટેસ્ટ કેરિયર ઉપર વિશેષ ધ્યાન આપવાનો હેતુ : વર્ષ ૨૦૧૫ના વર્લ્ડકપમાં રમવા માટે આશાવાદી

(સપૂર્ણ સમાચાર સેવા)

વેલિગ્ટન,તા. ૨૫

ન્યૂઝીલેન્ડના ભૂતપૂર્વ કેપ્ટન ડેનિયલ વેટોરીએ ટેસ્ટ કેરિયરને લંબાવવાના હેતુસર વનડે ક્રિકેટમાંથી અનિશ્ચિત સમય સુધી બ્રેક લેવાની આજે જાહેરાત કરી હતી. ડેનિયલ વેટોરીને મર્યાદિત ઓવરોની ક્રિકેટમાં એક ટોંચના બોલર તરીકે ગણવામાં આવે છે. વિશ્વના અગ્રણી વનડે ઓલરાઉન્ડરોમાં નવમાં સ્થાને રહેલા ૩૨ વર્ષીય વેટોરીએ કહ્યું છે કે તે વર્ષ ૨૦૧૫ના વર્લ્ડકપ સુધી ટીમમાં પરત ફરી શકે છે. પરંતુ આ ગાળામાં તે ટેસ્ટ ક્રિકેટ ઉપર વધારે ધ્યાન કેન્દ્રીત કરવા માંગે છે. ડેેનિયલ વેટોરી ન્યૂઝીલેન્ડ તરફથી હજુ સુધી ૧૦૫ ટેસ્ટ મેચો રમી ચુક્યો છે. વેટોરીએ કહ્યું છે કે, વનડેમાંથી ટૂંકા ગાળા માટે બ્રેક લેવા માટે કોઇ નિશ્ચિત કારણ નથી કારણ પ્રાથમિક છે. પોતાના શરીરની ફિટનેસને જાળવી રાખવાનો તેનોં હેતું છે. ટેસ્ટ ક્રિકેટમાં ન્યૂઝીલેન્ડનું નેતૃત્વ કરવા તે સંપૂર્ણપણે તૈયાર છે. નેતૃત્વ કરીને તે ટીમને આગળ વધારશે. વેટોરીએ કહ્યું છે કે થોડાક સમય માટે બ્રેક લેવાથી વનડે ક્રિકેટમાં પરત ફરવાની તેની તકો વધારે સારી થશે. જો તમામ બાબતો તેની ગણતરી મુજબ આગળ વધશે તો ૨૦૧૫ના વર્લ્ડકપમાં તે ફરી રમશે. આ વર્ષની શરૂઆતમાં જ ન્યૂઝીલેન્ડના કેપ્ટન તરીકે વેટોરીએ રાજીનામું આપ્યું હતું. વેટોરીએ ૨૭૨ વનડે અને ૨૮ ટ્વેન્ટી મેચો રમી છે. છેલ્લા વિશ્વકપમાં ન્યૂઝીલેન્ડની ટીમ સેમીફાનલમાં હારી ગઈ હતી. વેટોરી ૧૮ વર્ષની વયે ન્યૂઝીલેન્ડનું પ્રતિનિધિત્વ કરનાર સૌથી યુવા ખેલાડી બન્યો હતો. ૧૯૯૭માં ઇગ્લેન્ડ સામે તેની પ્રથમ ઇનિગ્સમાં ૯૮ રન આપી ૨ વિકેટ ઝડપી હતી. તે એવા ૮ ખેલાડીઓમાં સામેલ છે જે ૩૦૦થી વધુ ટેસ્ટ ક્રિકેટ અને ૩ હજાર રન બનાવી ચુક્યા છે. ભારતના કપિલદેવે ૪૦૦ વિકેટ અને ૪ હજાર રન બનાવ્યા હતા. વેટોરી પહેલાથી જ ૪ હજાર ૧૬૭ રન અને ૩૪૫ વિકેટ લઇ ચુક્યો છે.

ડેનિયલ વેટોરી પ્રોફાઇલ

(સપૂર્ણ સમાચાર સેવા) વેલિગ્ટન,તા. ૨૫

નામ : ડેનિયલ લુકા વેટોરી

જન્મ તારીખ : ૨૭મી જાન્યુઆરી ૧૯૭૯

જન્મ સ્થળ : ઓક્લેન્ડ, ન્યૂઝીલેન્ડ

વર્તમાન વય : ૩૨

નિકનેમ : ડેમ

હાઇટ : ૬ ફુટ ૩ ઇંચ

બેટિંગ સ્ટાઇલ : લેફટ હેન્ડ

બોલિંગ સ્ટાઇલ : સ્લો લેફટ આર્મ

રોલ : ઓલરાઉન્ડર

રાષ્ટ્રીય ટીમ : ન્યૂઝીલેન્ડ

ટેસ્ટ પ્રવેશ : ૬ઠી ફેબ્રુઆરી ૧૯૯૭ (ઇગ્લેન્ડ વિરૂદ્ધ)

છેલ્લી ટેસ્ટ : ૧૯મી જાન્યુઆરી ૨૦૧૧ (પાકિસ્તાન વિરૂદ્ધ)

વનડે પ્રવેશ : ૨૫મી માર્ચ ૧૯૯૭ (શ્રીલંકા વિરૂદ્ધ)

છેલ્લી વનડે : ૧લી ફેબ્રુઆરી ૨૦૧૧ (પાકિસ્તાન વિરૂદ્ધ)

વનડે શર્ટ નંબર : ૧૧

ટેસ્ટ-વનડે : ૧૦૫-૨૬૬

ટેસ્ટ-વનડે રન : ૪૧૬૭-૨૦૫૨

ટેસ્ટ-વનડે સદી : ૬-૦

ટેસ્ટ-વનડે અડધી સદી : ૨૨-૪

ટેસ્ટ-વનડે વિકેટ : ૩૪૫-૨૭૯

મહિલાઓના વર્ગમાં બીજી ક્રમાંકીત ખેલાડી ઝોનારેવા હારી : મારિયા સારાપોવા, વિનસ વિલિયમની આગેકૂચ

(સપૂર્ણ સમાચાર સેવા)

લંડન,તા. ૨૫

લંડનમાં ઓલ ઇંગ્લેન્ડ ક્લબ ખાતે રમાઈ રહેલી વિમ્બલ્ડન ટેનિસ ચેમ્પિયનશીપમાં મોટા અપસેટ સર્જાયા છે. એકબાજુ પુરૂષોના વર્ગમાં ત્રણ વખતના રનર્સઅપ રહી ચુકેલા એન્ડી રોડીકની હાર થઈ છે. જયારે બીજીબાજુ મહિલાઓના વર્ગમાં વેરા ઝોનારેવા ફેંકાઈ ગઈ છે. બીજાબાજુ મહિલાઓના વર્ગમાં જ રશિયન ગ્લેમર ગર્લ મારિયા સારાપોવા હારતા હારતા સહેજમાં જ બચી ગઈ છે. સારાપોવાએ સંઘર્ષપૂર્ણ મેચમાં બિ્રટનની ૧૭ વર્ષીય રોબસન પર જીત મેળવી હતી. આઠમો ક્રમાંકીત એન્ડી રોડીક ફેંકાઈ જતા ચાહકોને હતાશા થઈ હતી. વર્ષ ૨૦૦૯માં એન્ડી રોડીક અને રોઝર ફેડરર વચ્ચે થિ્રલર અને અૈતિહાસિક મેચ રમાઈ હતી જેમાં એન્ડી રોડીકની હાર થઈ હતી. સ્પેનના સર્વ અને વોલી ખેલાડી લોપેજ સામે રોડીક ૭-૬(૭-૨), ૭-૬(૭-૨) અને ૬-૪થી હારી ગયો હતો. લોપેજ સામે એન્ડી રોડીકે અગાઉ તેની તમામ સાતેય મેચ જીતી છે. પરંતુ સ્પેનના આ ખેલાડીએ આ વખતે રોડીકને પછડાટ આપીને તેને હારનો સ્વાદ ચખાડ્યો હતો. એન્ડી રોડીકને તેના પાવરગેમ રમવાની લોપેજે તક આપી ન હતી. ૪૪માં ક્રમાંકીત ખેલાડીએ મોટો અપસેટ સજર્યો હતો.

૨૮ વર્ષીય રોડીક વિમ્બલ્ડનમાં છેલ્લા ચાર પૈકી ત્રણમાં ચોથા રાઉન્ડને પણ પાર કરી શક્યો નથી. સેન્ટરકોર્ટ ઉપર રમાયેલી આ મેચમાં અમેરિકન ખેલાડીએ રમત જોરદાર રમી હતી પરંતુ છેલ્લી ઘડીએ તે હિમ્મત હારી ગયો હતો. બીજીબાજુ પુરૂષોનાવર્ગમાં જ બિ્રટિશ ખેલાડી એન્ડી મરે અંતિમ ૧૬માં પહોંચી ગયો છે. મરેએ સેન્ટકોર્ટમાં ક્રોએશિયાના ઇવાન ઉપર ૬-૪, ૪-૬,૬-૧,૭-૬(૭-૪)થી જીત મેળવી હતી. ચોથો ક્રમાંકીત મરે હવે ક્વાર્ટર ફાઈનલમાં સ્થાન મેળવવા માટે સોમવારે ૧૭માં ક્રમાંકીત ખેલાડી ફ્રાન્સના રિચર્ડ ગ્રાસકેસ સામે રમશે. એન્ડી મરે ૧૯૩૬માં ફ્રેડ પેરીએ જીત મેળવ્યા બાદ વિમ્બલ્ડન ચેમ્પિયન બનનાર પ્રથમ બિ્રટિશ ખેલાડી બનવા સ્વપ્ન ધરાવે છે. મહિલાઓના વર્ગમાં બાજી ક્રમાંકીત ખેલાડી ઝોનારેવા બલ્ગારિયાની પીરોન કોવા સામે ૬-૨,૬-૩થી હારી ગઈ હતી. પીરોન કોવા હવે પાંચ વખતની વિમ્બલ્ડન ચેમ્પિયન વિનસ વિલિયમ સામે રમશે. વિનસે સ્પેનની મારિયા જોસ ઉપર ૬-૦, ૬-૨થી જીત મેળવી હતી. પાંચમી ક્રમાંકીત ખેલાડી સારાપોવાએ રોબસન ઉપર ૭-૬(૭-૪), ૭-૩થી જીત મેળવી હતી. વર્ષ ૨૦૦૪ની ચેમ્પિયન હવે ચેકગણ રાજયની ઝાકોપાલોવા સામે ટકરાશે.