(સપૂર્ણ સમાચાર સેવા)
મુંબઈ,તા. ૨૫
ઇસ્કિયા ફિલ્મની સિક્વલ બનાવવાની તૈયારી હાથ ધરવામાં આવી છે. હીટ ફિલ્મ ઇસ્કિયાની સિક્વલ ડેઢ ઇસ્કિયા માટે અભિનેત્રી તરીકે કંગના રાણાવતની પસંદગી કરવામાં આવી હોવાનું જાણવા મળી રહ્યુ છે. અત્રે નોંધનિય છે કે વિદ્યાબાલન સિક્વલ ફિલ્મમાં કામ કરવા જઇ રહી નથી. બોલીવૂડની અભિનેત્રીઓને જયારે જાણવા મળ્યુ કે ઇસ્કિયાની અભિનેત્રી સિક્વલ ફિલ્મમાંથી ખસી ગઈ છે. અભિનેત્રીઓમાં આ ફિલ્મને આંચકી લેવા એક પ્રકારની સ્પર્ધા શરૂ થઇ ગઈ હતી. માધુરી દિક્ષીતને લઇને પણ ચર્ચા જાગી હતી. રાની મુખર્જી પણ આ ફિલ્મ કરવા માટે તૈયાર હતી. પરંતુ હવે એવું લાગી રહ્યું છે કે કંગનાએ બાજી મારી દીધી છે. નિર્દેશક અભિષેક ચોબે કોઇપણ ટિપ્પણી કરવાની સ્થિતિમાં નથી.પરંતુ ફિલ્મ સાથે સંકાળાયેલા લોકોનું કહેવું છે કે કંગના નામ ઉપર પસંદગી થઇ ચુકી છે. ફિલ્મમાં અન્ય એક અભિનેત્રીની પસંદગી કરાય તેવી વકી છે. અરશદ વારસી અને નસીરુદ્દીન શાહ ફરી એકવાર નજરે પડશે.