સાઉથ વેલ્સના હોસિલી બિચ ઉપર એક સાથે ૪૦૦ લોકો નગ્ન થઇને ન્હાવા કુદી પડ્યા : પાણી ઠંડુ હોવા છતાં ભરપૂર મસ્તી માણી
(સપૂર્ણ સમાચાર સેવા)
લંડન,તા. ૨૫
લંડનમાં સાઉથ વેલ્સના હોસિલી બિચ ઉપર તાજેતરમાં જ એક વિશેષ પ્રકારનો રેકોર્ડ સર્જાયો હતો. આ રેકોર્ડ ન્યૂડ અથવા તો નગ્ન ન્હાવા માટેનો સર્જાયો હતો. સાઉથ વેલ્સના હોસિલી બિચ ઉપર ૨૦મી જુનના દિવસે ૪૦૦ જેટલા લોકોએ એક સાથે ન્યૂડ થઇને ન્હાવાનો રેકોર્ડ કર્યો હતો. આ લોકો દુનિયાના જુદા જુદા ભાગોથી આવ્યા હતા. અને અહી એકત્રિત થયા હતા. નગ્ન થઇને ન્હાવાના આ વિશ્વ રેકોર્ડમાં આ તમામ લોકો જોડાયા હતા. આ વિશેષ પ્રકારના નગ્ન સ્નાનના આયોજકો અને તેમા ભાગ લેનાર લોકોનો માનવુ છે કે આનાથી પહેલા ક્યારે પણ આટલી જંગી સંખ્યામાં લોકોએ નગ્ન થઇને ન્હાવામાં ભાગ લીધો નથી. આ લોકોએ કહ્યું હતું કે આ અગાઉ ૨૫૦ લોકોએ એકસાથે ન્યૂડ થઇને ન્હાવામાં ભાગ લીધો હતો. પરંતુ આમાં આ વખતે ૪૦૦ લોકો જોડાયા હતા. આ ચર્ચાસ્પદ ન્હાવાની સ્પર્ધામાં ભાગ લેનાર લોકો સોમવારે સવારથી જ સાઉથ વેલ્સના હોસિલી બિચ ઉપર પહોંચી ગયા હતા. સવારે ૮ વાગે આ તમામ લોકો પોતાના વસ્ત્રોને લગભગ ફાડી નાંખીને પાણીમાં કુદી પડ્યા હતા. આ લોકોની મસ્તી ટૂંકમાં જ મુશ્કેલીમાં ફેરવાઇ ગઇ હતી. કારણ કે બિચમાં પાણી ખુબ જ ઠંડું હતુ છતાં પણ આ લોકોએ નગ્ન થઇને ન્હાવા માટેની ભરપુર મજા માણી હતી. બિ્રટેનમાં વારંવાર આ પ્રકારના વિશેષ આયોજનો કરવામાં આવે છે. જેમાં દુનિયાભરમાંથી લોકો પહોંચે છે. આ ન્યૂડ સ્નાનની પણ એક પરંપરા રહી છે.