(સપૂર્ણ સમાચાર સેવા) લોસએન્જલસ,તા. ૨૫
હોલિવુડની સુપરસ્ટાર અભિનેત્રી અને ર્ચાિલઝ એન્જલ્સ તરીકે જાણીતી કેમરુન ડાયઝે કહ્યુ છે કે તે યુવા સ્ટારથી નફરત કરે છે. ઉભરી રહેલા નવા સ્ટાર પાસે એક્ટિંગનો સતત અભાવ દેખાઈ રહ્યો છે. આ ઉપરાંત સારા વર્તનથી પણ તેઓ વાકેફ નથી. ૩૮ વર્ષીય અભિનેત્રીએ કહ્યુ છે કે તે એવા યુવા અભિનેતાઓ સાથે કામ કરીને થાકી ગઈ છે કે જે માને છે કે હોલિવુડના બારણા તેમના માટે હમેશા ખુલ્લા રહેવા જોઈએ. કેમરુને એમ પણ કહ્યુ છે કે એક્ટિંગ અંગે કોઈ પણ કુશળતા નહીં હોવા છતાં આ કલાકારો હોલિવુડમાં ટકી રહેવા માટે મથામણ કરી રહ્યા છે. કેમરુનને ટાંકીને સૂત્રોએ કહ્યુ છે કે ધ માસ્ક સ્ટાર વિતેલા વર્ષોના સુપરસ્ટારની પ્રશંસા કરતા થાકતી નથી. કેમરુનનું કહેવુ છે કે થોડાક સમય પહેલા સુધી હોલિવુડના કલાકારો ખુબજ મહેનત કરતા હતા અને એક્ટિંગ પ્રત્યે ગંભીર હતા પરંતુ વર્તમાન યંગસ્ટાર આ ચીજમાં માનતા નથી. તેઓ અતિ ઝડપથી લોકપ્રિય થવા ઇચ્છે છે. આજના બાળકો એવુ માને છે કે નાણાં અને લોકપ્રિયતા સરળતાથી મળી શકે છે.