(સપૂર્ણ સમાચાર સેવા)
ન્યૂયોર્ક,તા. ૨૫
અમિરીકાના ઘણા પ્રાંતોમાં સજાતિય સંબંધોને હવે માન્યતા મળવા લાગી ગઈ છે. ન્યૂયોર્કમાં પણ સજાતિય લગ્નને હવે માન્યતા આપી દેવામાં આવી છે. અમેરિકાના ન્યૂયોર્કમાં સજાતિય સંબંધોને માન્યતા આપવા માટે છેલ્લા કેટલાક દિવસથી જોરદાર ઝુંબેશ ચાલી રહી હતી. સજાતિય લગ્નને માન્યતા આપનાર અમેરિકાના છઠ્ઠા પ્રાંત તરીકે ન્યૂયોર્ક બની ગયુ છે. અમેરિકામાં એક પછી એક રાજયોમાં આ કાયદાને લાગુ કરવાની બાબત વર્ષ ૨૦૧૨માં યોજાનાર પ્રમુખની ચુંટણી તથા કોગ્રેસની ચુંટણી સાથે સંબંધીત છે.
આ એક સામાજિક મુદ્દો બની ગયો છે. આ કાયદાને સ્વીકાર કરવાની માંગ સતત ફેલાઈ ગઈ છે. અમેરિકામાં ૫૦ પૈકી છ રાજયોમાં સજાતિય લગ્નને માન્યતા મળી ચુકી છે. કેટલાક રાજયો આ દિશામાં આગળ વધી રહ્યા છે. પરંતુ ૩૯ રાજય આ કાયદાની વિરુદ્ધમાં છે. આ ૩૯ રાજયોમાં સજાતિય સંબંધો ઉપર સંપૂર્ણપણે પ્રતિબંધ છે.