(સંપૂર્ણ સમાચાર સેવા)                                        લોસએન્જલસ,તા. ૨૭

ફ્રાન્સની લોકપ્રિય અભિનેત્રી ઇવા ગ્રીન હજુ પણ તેના બાળપણના ડ્રામા ટીચર પાસેથી અક્ટીંગ ક્લાસમાં વિશેષ પ્રકારની ટિપ્સ લઈ રહી છે. આ ઉપરાંત ટિપ્સ આપવા માટે ફિલ્મી સેટ ઉપર પણ ડ્રામા ટીચરને તે સતત આમંત્રણ આપતી રહે છે.

ઇવા ગ્રીનને ફ્રાન્સની એક લોકપ્રિય અભિનેત્રી તરીકે ગણવામાં આવે છે. ઇવા ગ્રીન હજુ પણ એક્ટીંગ ક્લાસમાં જાય છે તેવા સમાચારથી તેના ચાહકોને પણ આશ્ચર્ય થયુ છે. ઇવા ગ્રીને પોતે એક ઇન્ટરવ્યૂમાં આ મુજબની વાત કરી હતી. ઇવા ગ્રીનને ટાંકીને વેબસાઈટ અહેવાલમાં જણાવવામાં આવ્યુ હતુ કે તેની ડ્રામા ટીચર પાસેથી ઘણુ શિખવા મળ્યુ છે.

૩૦ વર્ષીય સ્ટાર અભિનેત્રીની યાદગાર ફિલ્મોમાં કિંગડમ ઓફ હેવનને ગણવામાં આવે છે. આ ઉપરાંત કસિનો રોયલમાં પણ ડેનિયલ ક્રેગ સાથે તે ચમકી હતી. બોન્ડ ફિલ્મમાં તેની ભૂમિકાને ચાહકો હજુ ભૂલ્યા નથી. ઇવા ગ્રીન હાલમાં ટીમ બર્ટોનની આગામી ફિલ્મ ડાર્ક શેડોમાં કામ કરી રહી છે. આ ફિલ્મમાં ઇવા ગ્રીન જોની ડેપની પત્નીની ભૂમિકામાં નજરે પડશે. આગામી નવા સાહસને લઈને તે ખુબજ નર્વસ હોવાની વાત પણ તે કરી ચુકી છે. આ ફિલ્મમાં જોની ડેપ જેવા ટોપક્લાસ અભિનેતા સાથે કામ કરી રહી છે તેથી તેને થોડીક ચિંતા હતી. પરંતુ તે પોતાની ભૂમિકા શ્રેષ્ઠ રીતે અદા કરી રહી છે. ડેનિયલ ક્રેગે બોન્ડ ફિલ્મમાં કામ કરતી વેળા ઇવા ગ્રીનની ભારે પ્રશંસા કરી હતી.

પોતાની જુની ડ્રામા ટીચર પાસેથી જરૂરી ટિપ્સ મેળવે છે : ડાર્ક શેડોમાં જોની ડેપની પત્નિની ભૂમિકા

જેમ્સ બોન્ડ સ્ટાર ડેનિયલ ક્રેગે વેઝની સાથે લગ્ન કર્યા

(સંપૂર્ણ સમાચાર સેવા)

લોસ એન્જલસ,તા. ૨૭

જેમ્સ બોન્ડ સ્ટાર અભિનેતા ડેનિયલ ક્રેગે આખરે ન્યૂયોર્કમાં એક ગુપ્ત કાર્યક્રમમાં બિ્રટિશ અભિનેત્રી અને મોડલ રાચેલ વેઝ સાથે લગ્ન કરી લીધા છે. આગામી ફિલ્મ ડ્રીમ હાઉસના સેટ ઉપર આ બંને મળ્યા બાદથી એક બીજાના પ્રેમમાં હતા. ન્યૂયોર્કમાં એક ગુપ્ત કાર્યક્રમમાં ૨૨મી જુનના દિવસે બંનેએ લગ્ન કરી લીધા હતા. આ લગ્ન વિધિમાં ડેનિયલ ક્રેગની ટીનેજ પુત્રી ઇલ્લા અને રાચેલ વેઝનો પાંચ વર્ષીય પુત્ર હેનરી તથા બંને પરિવારના કેટલાક નજીકના સભ્યો તથા લોકો ઉપસ્થિત રહ્યા હતા. બિ્રટનની લોકપ્રિય ટીવી ચેનલ સ્કાય ન્યૂઝે કહ્યુ છે કે આ સમાચારને ડેનિયલ ક્રેગના પ્રકાશક રોબિન બોન દ્વારા પણ સમર્થન આપી દેવામાં આવ્યુ છે. જોકે આ અંગે વધારે માહિતી આપવામાં આવી નથી. રાચેલ વેઝના સંબંધો તેના લાંબા ગાળાના પાર્ટનર અને તેના પુત્રના પિતા ડેરેન એરોનોફસ્કાય સાથે તૂટી ગયા હતા. તેમની વચ્ચે ૧૦ વર્ષ સુધી સંબધો રહ્યા હતા. બીજીબાજુ ડેનિયલ ક્રેગના સંબંધો તેની પ્રેમિકા સતસુકી મિશેલ સાથે થોડાક સમય પહેલા જ તૂટી ગયા હતા. હાલમાં આ બંને એકલા હતા. ડિ્રમ હાઉસ ફિલ્મના શુટિંગ દરમિયાન બંનેની ઓળખ થઈ હતી. ત્યારબાદથી બંનેના સંબધો દિનપ્રતિદિન મજબુત બન્યા હતા.

લગ્ન કાર્યક્રમમાં બંને પરિવારોના નજીકના સભ્યો અને બંને કલાકારોના બાળકો ઉપસ્થિત : અટકળોનો અંત

(સંપૂર્ણ સમાચાર સેવા) લોસ એન્જલસ,તા. ૨૭

સીન સિટી અને અનસ્ટોપેબલ જેવી યાદગાર ફિલ્મોમાં કામ કરી ચુકેલી અભિનેત્રી રોસારિયો ડાઉસને કહ્યુ છે કે તેની માતાના છુટાછેડા થઈ ગયા છે તે બાબતને લઈને તેને કોઈ હતાશા થઈ નથી. તે હવે ખુશી અનુભવી રહી છે કારણ કે તે હવે તેની માતાની સાથે રહી શકશે. ૩૨ વર્ષીય ડાઉસેનને ટાંકીને અહેવાલમાં જણાવવામાં આવ્યુ છે કે તેની માતાની સાથે તે ન્યૂયોર્કમાં રહેવાની યોજના ધરાવે છે. તે પોતાની માતાને ખુબ મિસ કરી રહી હતી. પોતાની માતાના છુટાછેડા અંગે પુછવામાં આવતા ડાઉસેને કોઈ પ્રતિક્રિયા આપી ન હતી. એક કાર્યક્રમ દરમિયાન હોસ્ટ તરીકેની ભૂમિકામાં રહેલા જય લેનોએ તેના સ્ટેપ પિતા અંગે પ્રશ્ન કરતા રોસારિયો ડાઉસેને આવો પ્રશ્ન ન કરવા લેનોને સાફ શબ્દોમાં કહ્યુ હતુ. 

(સંપૂર્ણ સમાચાર સેવા)                                      લોસ એન્જલસ,તા. ૨૭

અભિનેત્રી એમ્મા સ્ટોન સ્પાઈડર મેનના સહ અભિનેતા એન્ડ્રુ ગારફિલ્ડ સાથે હાલ ડેટિંગ કરી રહી હોવાના અહેવાલ મળ્યા છે. એન્ડ્રુ ગારફિલ્ડના સંબંધો મે મહિનામાં જ તેની લાંબા ગાળાની ગર્લફ્રેન્ડ સેનોન વુડવર્ડ સાથે તૂટી ગયા હતા. સૂત્રોને ટાંકીને અહેવાલમાં જણાવવામાં આવ્યુ છે કે એક ફિલ્મના શુટિંગ દરમ્યાન એમ્મા સ્ટોન અને ગારફિલ્ડ નજીક આવ્યા હતા. જો કે તે વખતે આ બંનેએ સંબંધોને લઈને કોઈ વાત જાહેર કરી ન હતી. ગારફિલ્ડે પોતાના મિત્રોને કહ્યુ હતુ કે એમ્મા સ્ટોન સાથે તે ડેટિંગ કરી રહ્યો છે. એમ્મા સ્ટોનને ક્રેગ ગિલેસ્પીની રોમેન્ટિંક હોરર ફિલ્મ પ્રાઈડ એન્ડ પ્રેજયુડાઈસ એન્ડ ઝોમ્બીસમાં લીડ રોલની ઓફર કરવામાં આવી હતી. સૂત્રોએ કહ્યુ છે કે ઇઝી એની લોકપ્રિય અભિનેત્રી નતાલી પોર્ટમેનને ફિલ્મમાંથી તારીખ નહી મળવાના કારણે પડતી મુકવામાં આવ્યા બાદ એલિઝાબેથ બેનેટની ભૂમિકા કરવા અતિ ઉત્સુક બની છે. નતાલી પોર્ટમેન પાસે હાલ ઘણી ફિલ્મો હોવાથી તથા અન્ય કામોમાં વ્યસ્ત હોવાના કારણે સમય નથી જેના પરિણામ સ્વરૂપે તે એલિઝાબેથ બેનેટની ફિલ્મમાં તે ખસી ગઈ છે. એલિઝાબેથ બેનેટની ફિલ્મ શેઠગ્રેહામ સ્મિથ દ્વારા લખવામાં આવેલા પુસ્તક પર આધારીત છે. એન્ડ્રુ ગારફિલ્ડ અને સ્ટોન વચ્ચે વધતા જતા સંબંધોને લઈને સમગ્ર હોલિવુડમાં હાલ ચર્ચા ચાલી રહી છે. બે જણા ટૂંક સમયમાં જ સંબંધોની સત્તાવાર જાહેરાત કરે તેવી શક્યતા છે.

સ્પાઈડરમેનના અભિનેતા એન્ડ્રુ ગારફિલ્ડ અને ઇઝી એની અભિનેત્રી હાલમાં કોઈ વાત કરવા ઇચ્છતી નથી