(સંપૂર્ણ સમાચાર સેવા) લોસ એન્જલસ, તા.૧૩

જેનિફર લોપેજ અને માર્ક એન્થોનીએ કહ્યુ છે કે તેઓ તેમના પરિવારમાં વધુ બાળકો ઇચ્છે છે. અલબત્ત તેમના હવે વધુ બાળકો થશે કે કેમ તેને લઈને ચિંતા પ્રવર્તી રહી છે. આ દંપત્તિએ સાત વર્ષ અગાઉ લગ્ન કર્યા હતા. તેમને ત્રણ વર્ષીય જોડકા(ટિ્વન) બાળકો છે જેમાં મેક્સ અને ઇમ્મેનો સમાવેશ થાય છે. તેમના પરિવારને વધારવાનો તેમનો મુખ્ય હેતુ છે. ગયા મહિને જ એક મેગેઝિન દ્વારા વિશ્વની સર્વશ્રેષ્ઠ અને સૌથી ખુબસુરત મહિલા તરીકેનું સન્માન મેળવી ચુકેલી જેનિફર લોપેજ અને માર્ક એન્થોનીના સંબંધોમાં શાનદાર કેમેસ્ટ્રી જોવા મળે છે. જેનિફર લોપેજની કેરિયર હમેશા રોમાંચક રહી છે. ગયા મહિનામાં અન્ય તમામ ટોચની અભિનેત્રીઓને પછડાટ આપીને મોસ્ટ બ્યુટિફુલ વુમનનો તાજ જીતી ગઈ હતી.

(સંપૂર્ણ સમાચાર સેવા)

લોસ એન્જલસ, તા.૧૩

પોપ સ્ટાર અને અભિનેત્રી બિયોન્સ નોવેલ્સને લાસવેગાસમાં વર્ષ ૨૦૧૧ના બિલબોર્ડ મ્યુઝિક એવોર્ડમાં મિલેનિયમ એવોર્ડથી સન્માનિત કરવામાં આવે તેવી શક્યતા છે. હોલિવુડ ગોસિપ વેબસાઈટમાં નજીકના સુત્રોને ટાંકીને આ મુજબની માહિતી આપવામાં આવી છે. બિયોન્સ એમજીએમ ગ્રાન્ડ ગાર્ડન એરેના ખાતે આયોજીત ૨૨મી મેના દિવસના કાર્યક્રમમાં પરફોર્મ કરે તવી શક્યતા દેખાઈ રહી છે. બિલબોર્ડ મિલેનિયમ એવોર્ડથી બિયોન્સની કેરિયરને વધુ વેગ મળે તેવી શક્યતા છે. બિયોન્સની સિદ્ધી અને તેની કેરિયર દરમિયાન સંગીતના ક્ષેત્રમાં તેના યોગદાન બદલ આ એવોર્ડ તેને આપવામાં આવે તેમ માનવામાં આવી રહ્યુ છે. ઓક્ટોબર ૨૦૦૯માં બિલબોર્ડે વુમન્સ ઓફ ધ યરનો એવોર્ડ બિયોન્સને આપ્યો હતો આ ઉપરાંત ડિસેમ્બર ૨૦૦૯માં ટોપ ફિમેઈલ ર્આિટસ્ટ ઓફ ધ ડિકેડ બનવામાં પણ બિયોન્સ સફળ રહી હતી. આગામી શો માં તમામ ટોચની અભિનેત્રીઓ અને ટોચના પોપ સ્ટાર હાજરી આપે તેવી શક્યતા છે. જેમાં રિહન્ના, કન્ટ્રી સ્ટાર કિથ અર્બન, લો ગ્રીન, નિકી મિનાજ, પીટ બુલ અને ટાયો ક્રુઝનો સમાવેશ થાય છે. એવોર્ડ સમારંભમાં આ તમામ ટોચના પોપ સ્ટાર પરફોર્મ કરીને ઉપસ્થિત લોકોને રોમાંચિત કરે તેવી શક્યતા છે. બિયોન્સની લોકપ્રિયતા શરૂઆતના દિવસોથી જ સતત વધી છે.

લાસવેગાસમાં ૨૦૧૧ના બિલબોર્ડ મ્યુઝિક એવોર્ડમાં પોપસ્ટાર પરફોર્મ કરશે : બિયોન્સને સન્માનિત કરાશે

(સંપૂર્ણ સમાચાર સેવા) લોસએન્જલસ,તા. ૧૨

ઓસ્કાર વિજેતા અભિનેત્રી નતાલી પોર્ટમેન હાલ પોતાના પ્રથમ બાળકને લઈને આશાવાદી છે. નતાલીએ એવો સંકેત આપ્યો છે કે તે પરિવાર શરૂ કરવા માટે એકટગ સાથે છેડો ફાડી શકે છે. ૨૯ વર્ષીય પોર્ટમેને કહ્યું છે કે તે હોલિવુડની અન્ય અભિને૬ી આઊન્ડ્રે હેપબર્નના પગલે આગળ વધવા માંગે છે. તે પણ બાળક માટે હોલિવુડ છોડી ચુકી છે. ડાન્સ નિર્દેશક બેન્જામીન મિલીપાઈડ સાથે સંબંધ ધરાવતી નતાલી પોર્ટમેને કહ્યું છે કે તે યોગ્ય માર્ગ અપનાવવા હાલ વિચારી રહી છે. ખુબ ોછા લોકોને આ બાબતની માહિતી છે કે નતાલી અમેરિકન અને ઈઝરાયેલી નાગરિકતા ધરાવે છે. વર્ષ ૧૯૯૪માં તે અનાથ તરીકેની ભૂમિકામાં નજરે પડી હતી. ત્યારબાદથી તે સતત ચર્ચામાં રહી છે. પોર્ટમેનની યાદગાર ફિલ્મોમાં બ્યુટિફુલ ગર્લ અને એનીવેર બટ હિયરનો સમાવેશ થાય છે. તે ઓસ્કાર એવોર્ડ પણ પોતાના નામે કરી ચુકી છે. અૈતિહાસિક ડ્રામા ફિલ્મ ગોયાસ ઘોસ્ટમાં પણ તે નજરે પડી ચુકી છે.હાલ તે સૌથી વ્યસ્ત અભિનેત્રી પૈકીની એક અભિનેત્રી છે.

(સંપૂર્ણ સમાચાર સેવા)

લોસએન્જલસ,તા. ૧૨

હોલિવુડની સૌથી ખુબસુરત અભિનેત્રીઓ પૈકીની એક ઈવા મેન્ડેસની ખુબસુરતીને લઈને મોટા ભાગની મહિલાઓ ખુબ પ્રભાવિત છે ત્યારે ઈવા મેન્ડેસે હવે તેની ખુબસુરતી માટેનું રહસ્ય જારી કર્યું છે. ઈવાનું કહેવું છે કે બિકનીમાં ફોટો શુટ કરવાના કારણે તેને તેની ખુબસુરતી જાળવી રાખવામાં મદદ મળે છે. ૩૭ વર્ષીય અભિનેત્રીએ કહ્યું છે કે ફોટો શુટ માટે શરીરને આકર્ષક રાખવામાં આવે તે જરૂરી છે. ઈવાએ કહ્યું છે કે ફોટો શુટ વારંવાર કરવાની ફરજ પડે ચે. જેથી તે સ્લીમ રહે તે જરૂરી છે. સ્લીમ રહેવા માટે ઈવા મેન્ડેસ ચોકલેટ-ચિપ્સ કુકીઝ અને એવી કોઈ અન્ય ટેસ્ટી ચીજો ખાતી નથી.

ચરબીમાં વધારો કરે ેતેવી કોઈ ચીજ તે ખાતી નથી. ઈવા મેન્ડેસ ખાવાની ચીજવસ્તુઓને લઈને ખુબ સાવધાન રહે છે. અમેરિકન અભિનેત્રી અને મોડલ ઈવાએ વર્ષ ૧૯૯૦માં એકટગની શરૂઆત કરી હતી. શરૂઆતના ગાળામાં નાના નાના રોલ મળ્યા હતા. જો કે તે ટુંક સમયમાં પોતાની કુશળતા રજૂ કરવામાં સફળ રહી હતી. ત્યારબાદ તે કેટલીક યાદગાર ફિલ્મમાં કામ કરી ચુકી છે. તેની યાદગાર ફિલ્મોમાં ઘોસ્ટ રાઈડર, વી ઓન ધ નાઈટ અને લાસ્ટ નાઈટનો સમાવેશ થાય છે. તેની અન્ય ઘણી ફિલ્મો પણ ધુમ મચાવી ચુકી છે.ફલોરીડામાં મિયામી નજીક તેનો જન્મ થયો હતો. તે લોસએન્જલસમાં ઊછરીને મોટી થઈ હતી. તેની માતાની તેની કેરિયરમાં મોટી ભૂમિકા રહી છે.

ચોકલેટ, ચિપ્સ, કુકીઝ, ચરબી વધે તેવી ચીજવસ્તુઓનો ઊપયોગ હોલિવુડ સુપરસ્ટાર મેન્ડેસ હાલમાં ટાળે છે