(સંપૂર્ણ સમાચાર સેવા)

લોસએન્જલસ,તા. ૧૬

યુવાપેઢીમાં ભારે લોકપ્રિય સ્ટાર જસ્ટીન બીબર અમેરિકાના પ્રમુખ બરાક ઓબામા દ્વારા આપવામાં આવેલા વચનને પૂર્ણ કરશે. ઓબામાએ અમેરિકામાં થયેલા ૯-૧ના હુમલામાં માર્યા ગયેલા એક વ્યક્તિની પુત્રીને તેના ફેવરીટ સ્ટાર બીબરને મળાવવાની વાત કરી હતી. ઓબામાએ વચન આપ્યા બાદ આ યુવતિ બીબરને મળવાની રાહ જોઇ રહી હતી. હવે બીબર ઓબામાના વચનને પૂર્ણ કરવા તે યુવતિને મવશે.

૧૪ વર્ષીય પેટોનવાલે ન્યુયોર્કમાં થયેલા ભીષણ ત્રાસવાદી હુમલામાં પોતાના પિતાને ગુમાવી દીધા હતા. હવે ઓબામાના સુચન બાદ બીબર પોતાની ફેનને મળશે. પેટોન બીબરની ખુબ મોટી ચાહક છે. તે હમેંશા બીબરને મળવા ઇચ્છતી હતી. પેટોન પહેલા પણ ટ્વીટર મારફતે સંદેશ મોકલીને બીબરને પોતાની દુખભરી સ્ટોરી કહી ચુકી છે. આ યુવતિએ લખ્યું હતું કે તેની લાફિ ખુબ દુખી છે. તેના સંગીત વગર તે જીવિત રહી શકે નહી.

બીબરે જવાબ નહી આપતા પેટોને ઓબામાને પત્ર લખ્યો હતો. ઓબામા ત્યારબાદ પેટોનને મળ્યા હતા અને કહ્યું કે તેઓ બીબરને ઓળખે છે. ઓબામાએ તેને બીબર સાથે મળવવાની ખાતરી પણ આપી હતી. હવે લોકપ્રિય પોપસ્ટાર બીબરે કહ્યું છે કે તે પ્રમુખ ઓબામાની સલાહ માનીને પેટોનને મળશે. જસ્ટીન બીબર આજે વિશ્વના સૌથી લોકપ્રિય યુવા હસ્તી પૈકી એક છે. તેના ચાહકોની સંખ્યા પણ હવે કરોડોમાં પહોંચી હોવાનું જાણવા મળી રહ્યું છે. કેનેડિયન પોપ એન્ડ આરએન્ડબી સ્ટાર બીબરે વર્ષ ૨૦૦૮માં તમામનુ ધ્યાન ખેંચ્યું હતું. તેનો આલ્બમ વન ટાઇમ વર્ષ ૨૦૦૯માં રજૂ કરવામાં આવતા ભારે ધુમ મચી ગઇ હતી. તે કેનેડામાં ટોપ ટેનમાં પહોંચી ગયો હતો.

આતંકવાદી હુમલામાં પોતાના પિતા ગુમાવનાર કિશોરીને ઓબામાએ ફેવરીટ સ્ટારને મળાવવાની ખાતરી આપી

બીબર પ્રોફાઇલ……..

(સંપૂર્ણ સમાચાર સેવા) લોસએન્જલસ,તા. ૧૬

નામ : જસ્ટીન ડ્રુ બીબર

જન્મ તારીખ : પહેલી માર્ચ ૧૯૯૪

હાલની વય : ૧૭ વર્ષ

જન્મ સ્થળ : સ્ટ્રેટફોર્ડ, ઓનટારિયો, કેનેડા

પ્રોફેસન : સિંગર, સોંગરાઇટર, મ્યુઝિશિયન, અભિનેતા

સક્રિય વર્ષ : ૨૦૦૯થી

લેબલ્સ : આઇલેન્ડ, આરબીએમજી

(સંપૂર્ણ સમાચાર સેવા) લોસએન્જલસ, તા.૧૬

લોકપ્રિય અભિનેત્રી એમા વોટસને કહ્યું છે કે તે હોલિવુડમાં બેસ્ટ ડ્રેસ્ડનો એવોર્ડ ચોક્કસપણે જીતી ગઇ છે. પરંતુ વસ્ત્રોની પસંદગી કરવાની બાબત હમેંશા મુશ્કેલરૂપ હોય છે. ૨૧ વર્ષીય એમા વોટસને કહ્યું છે કે વય મુજબ વસ્ત્રો પહેરવાની બાબત હમેંશા સરળ હોતી નથી. એમાએ કહ્યું છ ેકે વય મુજબ તે વસ્ત્રો પહેરાની કોશિસ કરે છે પરંતુ આ બાબત શક્ય નથી. એમાએ કહ્યું છ ેકે અભિનેતા ડેનિયલ રેડક્લીફ તેના ભાઇ સમાન છે. ઇંગ્લિશ અભિનેત્રી અને મોડલ હેરી પોટર ફિલ્મોની સીરીઝ મારફતે લોકપ્રિય થઇ છે. નવ વર્ષની વયમાં તે હરમીવન તરીકે ભૂમિકા અદા કરી રહી છે. તે સ્કુલના દિવસોથી એક્ટિંગ કરતી રહી છે. હેરી પોટરની ફિલ્મોમાં તે સતત કામ કરી ચુકી છે. જે સાબિત કરે છે કે તે ખુબ કુશળ છે. હેરી પોટરની અંતિમ ફિલ્મમાં પણ તે ભૂમિકા અદા કરવા જઇ રહી છે. હેરી પોટર ફિલ્મો મારફતે તેની લોકપ્રિયતા વધી છે. તે કેટલાક એવોર્ડ જીતી ગઇ છે. ઉપરાંત તેની આવક પણ ૧૦ મિલિયન પાઉન્ડથી વધારે પહોંચી ગઇ છે. મોડલિંગ સાથે વોટ્સને તેની કેરિયર શરૂ કરી હતી.

(સંપૂર્ણ સમાચાર સેવા)

લોસએન્જલસ,તા ૧૬

હોલિવુડની લોકપ્રિય અભિનેત્રી હેડન પેનેટટરીના તેના બોક્સર બોયફ્રેન્ડ સાથે આખરે છુટાછેડા થઇ ગયા છે. ૧૮ મહિના સુધી તેમના સંબંધ રહ્યા બાદ બન્ને અલગ પડી જતા છેલ્લા કેટલાક દિવસથી તેમના સંબંધોને લઇને ચાલી રહેલી અટકળોનો અંત આવી ગયો છે. બોક્સર વ્લાદીમીર ક્લીટચકો સાથે સંબંધ તુટી જવાના કારણો અંગે કોઇ માહિતી મળી નથી. પરંતુ એમ કહેવામાં આવે છે કે વ્લાદીમીર અને તેમની વચ્ચે મતભેદો સપાટી પર આવી ગયા હતા.

જર્મન મેગેઝીન દ્વારા મેળવવામાં આવેલા નિવેદનમાં જણાવવામાં આવ્યું છે કે લાંબા અંતરના સંબંધોને જાળવવા માટે બન્નેને મુશ્કેલી પડી રહી હતી. છુટાછેડા લેવાનો નિર્ણય પારસ્પરિક રીતે લેવામાં આવ્યો છે. અમારા મિત્રો તરીકેના સંબંધ આગામી દિવસોમાં પણ યથાવત રહેશે. હેડનની પ્રશંસા કરતા તેના છુટા પડેલા બોયફ્રેન્ડે કહ્યું છે કે એકબીજા પ્રત્યે અમારી ભાવના હમેંશા સારી રહી છે.

છુટાછેડા થયા હોવા છતાં પણ મિત્રો તરીકે એકબીજાની સાથે રહેવાની જાહેરાત : પારસ્પરિક સંમતિથી અલગ

(સંપૂર્ણ સમાચાર સેવા)

લંડન,તા. ૧૫

ફ્રાન્સના પ્રમુખ નિકોલસ સરકોઝીના પત્નિ અને ગ્લૈમરસ મોડલ કાર્લા બ્રુનીએ દાવો કર્યો છે તેઓ બિ્રટનના મહારાણી કરતા વધારે લોકપ્રિય છે.કાર્લા બ્રુની હાલ મિડિયામાં સતત ચર્ચામાં છે. એવા સમાચારમળી રહ્યા છે કે કાર્લા બ્રુની ટુંક સમયમાં બાળકને જન્મ આપનાર છે. આ સમાચારને લઇને લઇને એકબાજુ જોરદાર ચર્ચા છે. બીજી બાજુ નિકોલસ સરકોઝી અને બ્રુની ખુબ ખુશ છે. બિ્રટનની મહારામી કરતા વધારે લોકપ્રિય હોવાનો દાવો કરીને કાર્લાએ નવી ચર્ચા છેડી દીધી છે. વુડી એલનની નવી ફિલ્મ મિડનાઇટ ઇન પેરિસમાં પોતાની ભૂમિકા અંગે ચર્ચા દરમિયાન કાર્લા બ્રુનીએ આ દાવો કર્યો હતો. આ ફિલ્મ કાન્સ ફિલ્મ ફેસ્ટીવલમાં પણ દર્શાવવામાં આવી હતી.

બિ્રટનના જાણીતા અખબાર ડેલી ટેલિગ્રાફે કહ્યું છે કે ઇલીસી પેલેસ ખાતે સરકોઝી સાથે એલનની બ્રેકફાસ્ટ મિટિગ દરમિયાન બ્રુનીના રોલ મામલે ચર્ચા થઇ હતી. ત્યારબાદ ફિલ્મમાં કાર્લા બ્રુનીને ભૂમિકા મળી હતી. ડિરેક્ટર અંગે વાત કરતા બ્રુનીએ કહ્યું છે કે પત્રકાર પરિષદમાં કેટલાક તેને એવા પુછવામાં આવ્યા હતા જે જટિલ હતા.કાર્લા બ્રુની ઇટાલો ફ્રેન્ચ સોંગ રાઇટર, સિંગર અને ભૂતપૂર્વ મોડલ તરીકે છે. ફેબ્રુઆરી ૨૦૦૮થી તે નિકોલસ સરકોઝી સાથે લગ્ન કરી ચુકી છે. ઇટાલીમાં જન્મ થયા બાદ તે જુદી જુદા રીતે ધીમે ધીમે લોકપ્રિય થઇ હતી.

કાર્લા બ્રુની હાલમાં સગર્ભા હોવાના અહેવાલ છે : વુડી એલનનની સરકોઝીની સાથે મિટિંગ બાદ ફિલ્મ મળી

કાર્લા બ્રુની પ્રોફાઇલ…

(સંપૂર્ણ સમાચાર સેવા) લંડન,તા.૧પ

નામ : કાર્લા ગિબરેટા બ્રુની ટેડેસ્ચી

જન્મ તારીખ : ૨૩ ડિસેમ્બર ૧૯૬૭

જન્મસ્થળ : ટુરિન, ઇટાલી

નાગરિકતા : ફ્રેન્ચ, ઇટાલિયન

નિવાસસ્થાન : પેરિસ

પ્રોફેશન : સિંગર, સોંગરાઇટર મોડલ

પતિ : નિકોલસ સરકોઝી (લગ્ન ૨૦૦૮)

બેસ્ટ કિસ’નો એવોર્ડ ફરી પેટિન્સન જ જીતે તેવી વકી

(સંપૂર્ણ સમાચાર સેવા)

લોસ એન્જલસ, તા.૧૩

લોકપ્રિય અભિનેતા રોબર્ટ પેટિન્સનને આશા છે કે તે આ વખતે બેસ્ટ કિસ માટેનો એવોર્ડ જીતી જશે. ટિ્વલાઈટ સ્ટાર અભિનેતા રોબર્ટ પેટિન્સને કહ્યુ છે કે જો તે આગામી એમ ટીવી મુવી એવોર્ડમાં બેસ્ટ કિસ ટ્રોફી જીતવામાં નિષ્ફળ રહેશે તો તેને ચોક્કસપણે આઘાત લાગશે. પેટિન્સનનું કહેવુ છે કે ટિ્વલાઈટ સાગામાં ક્રિસ્ટિન સ્ટિવર્ટ સાથેના તેના કિસીંગ સીનને બેસ્ટ કિસ માટેનો એવોર્ડ મળશે. આ કિસીંગ સીનને લઈને વિશ્વભરમાં ચર્ચા જાગી હતી. ૨૪ વર્ષીય અભિનેતા રોબર્ટ પેટિન્સન છેલ્લા બે વર્ષથી આ ટ્રોફી જીતી રહ્યો છે. આ વખતે પણ તે આ ટ્રોફી જીતી જવા માટે આશાવાદી છે. રોબર્ટ પેટિન્સને કહ્યુ છે કે તેની ગર્લફ્રેન્ડ સ્ટિવર્ટ સાથે આ વખતે તે એવોર્ડ જીતીને વધારે ખુશ રહેશે. આ જ કેટેગરીમાં સહ અભિનેતા ટેલર લોટનર સાથે પણ સ્ટિવર્ટની પસંદગી કરવામાં આવી છે. એમ ટીવી મુવી એવોર્ડને લઈને જોરદાર ચર્ચા ચાલી રહી છે. આ કેટેગરીમાં તેને અન્ય જે કલાકારો ટક્કર આપનાર છે તેમાં નતાલી પોર્ટમેન અને મિલા કુનિસનો સમાવેશ થાય છે. આ ઉપરાંત હેરિપોટર એન્ડ ધ ડેથલીહેલોસ પાર્ટ ૧માં એમ્મા વોટસન અને ડેનિયલ રેડક્લિફના કિસીંગ સીનની પસંદગી પણ થઈ શકે છે. ઇન્શેપ્શન ફિલ્મના કિસિંગ સીનને પણ લોકો ભૂલી શક્યા નથી. આ ફિલ્મમાં એલેન પેજ અને જોસેફ ગોર્ડોન-લેવીટના કિસીંગ સીનની ભારે ચર્ચા જાગી હતી. એમ ટીવી એવોર્ડની તૈયારીઓ યુદ્ધના ધોરણે ચાલી રહી છે. આ એવોર્ડ કાર્યક્રમમાં ટોચના અભિનેતાઓ અને અભિનેત્રીઓ ઉપસ્થિત રહે તેવી શક્યતા છે. રોબર્ટ પેટિન્સનનો આ ક્ષેત્રમાં હમેશા દબદબો રહ્યો છે.

ટિ્વલાઈટ સાગામાં ક્રિસ્ટિન સ્ટિવર્ટ સાથેના તેના કિસીંગ સીનની પસંદગી કરવામાં આવે તેવી પેટિન્સનને આશા

બેસ્ટ કિસ એવોર્ડ માટે કોણ કોણ દાવેદાર…..

(સંપૂર્ણ સમાચાર સેવા) લોસ એન્જલસ, તા.૧૩

૧. રોબર્ટ પેટિન્સન-ક્રિસ્ટિન સ્ટિવર્ટ(ટિ્વલાઈટ સાગા)

૨. એલેન પેજ-જોસેફ ગોર્ડોન ડેવિટ(ઇન્શેપ્શન)

૩. એમ્મા વોટસન-ડેનિયલ રેડક્લિફ(હેરિપોટર એન્ડ ધ ડેથલીહેલોસ)

૪. નતાલી પોર્ટમેન-મિલાકુનિસ (બ્લેકસ્વાન)

૫. ટેલર લોટનર-ક્રિસ્ટિન સ્ટિવર્ટ(ટિ્વલાઈટ સાગા)