(સંપૂર્ણ સમાચાર સેવા)
મુંબઈ,તા. ૧૨
બોલિવુડની લોકપ્રિય અભિનેત્રી શિલ્પા શેટ્ટી હાલમાં સગર્ભા હોવાના અહેવાલ મળ્યા છે. જો કે આ સમાચારને સમર્થન મળી રહ્યું નથી. શિલ્પા શેટ્ટી આઈપીએલની મેચોમાં હાલ આનંદ માણી રહી છે. જો કે તે સગર્ભા હોવાના અહેવાલ મળ્યા બાદ બોલિવુડમાં અટકળોનો દોર શરૂ થઈ ગયો છે. ૨૨મી નવેમ્બર ૨૦૦૯ના દિવસે બે વર્ષ સુધી સંબંધ જાળવ્યા બાદ રાજ કુન્દ્રા અને શિલ્પા શેટ્ટીએ લગ્ન કર્યા હતા. હવે બન્ને નવા સભ્યને આવકારવા માટે તૈયાર છે. શિલ્પા પ્રથમ વખત માતા બનવા જઈ રહી છે. જયારે કુન્દ્રા અગાઊના લગ્ન બાદ પણ એક વખત પિતા બની ચુકયા છે. રાજે અગાઊ કવિતા નામની યુવતિ સાથે લગ્ન કર્યા હતા. ત્યારબાદ કવિતાએ નવમી સપ્ટેમ્બર ૨૦૦૬ના દિવસે પુત્રી દિલિનાને જન્મ આપ્યો હતો. અહેવાલ મુજબ શિલ્પા લાંબા સમયથી માતા બનવાની ઈચ્છા દરાવતી હતી. વર્ષ ૨૦૦૯માં એવા મિડિયા અહેવાલ આવ્યા હતા કે શિલ્પા પરિવાર શરૂ કરવા માટે ખુબ ઊત્સુક છે. એ વખતે શિલ્પાએ કહ્યું હતું કે તે બાળકોને ખુબ પસંદ કરે છે. બે બાળકોની ઈચ્છા શિલ્પા વ્યકત કરી ચુકી છે. શિલ્પાના નવા ભવ્ય આવાસમાં રેડીમેડ નર્સરી છે. શિલ્પા નવેમ્બર ૨૦૦૯માં રાજ સાથે લગ્ન કરી વધુ ચર્ચામાં આવી ગઈ હતી. શિલ્પાએ સેલિબિ્રટી બિગ બ્રોધર શોમાં ચેમ્પિયન બનીને માત્ર બિ્રટનમાં જ નહી બલ્કે વિશ્વભરમાં લોકપ્રિયતા મેળવી હતી. આ દંપતિએ આઈપીએલમાં રાજસ્થાન રોયલ્સની ટીમમાં શેર ખરીદી લીધા હતા.
રાજ- શિલ્પા શેટ્ટી પરિવારમાં નવા સભ્યને આવકારવા માટે ખુબ ઊત્સુકઃબોલિવુડમાં સમાચાર મામલે સસ્પેન્સ