(સંપૂર્ણ સમાચાર સેવા)
લોસએન્જલસ,તા. ૧૭
રોમાંચ અને કલ્પનાની અદ્ભુત દુનિયા પાઇરેટ્સ ઓફ ધ કેરેબિયન સિરીઝની ફિલ્મમાં જોવા મળે છે. આ જ કારણે આ સીરીઝની અનેક ફિલ્મો બની ચુકી છ. તમામ ફિલ્મોને ઉલ્લેખનીય સફળતા મળી છે. દુનિયાના દરેક છેડે આ ફિલ્મના ચાહકો રહે છે. હવે આ સીરીઝની ચોથી ફિલ્મ પાઇરેટ્સ ઓફ ધ કેરેબિયનઃ ઓન સ્ટ્રેજર ટાઇડ્સનો લોકો ઉત્સુકતાપૂર્વક ન્તિજાર કરી રહ્યા છે. આ ફિલ્મ ભારતમાં ૨૦મી મેના દિવસે રજૂ કરવામાં આવનાર છે.
રોબ માર્શ દ્વારા નિર્દેશિત આ ફિલ્મમાં જોની ડેપ અને પેનેલોપ ક્રુઝની યાદગાર ભૂમિકા છે. કેપ્ટન જૈક સ્પેરોના રસ્તામાં એન્જેલિકા નામની મહિલા આવી જાય છે. એન્જેલિકા માટે જૈકનો કોઇ મત નથી. ક્યાયેક તેને ડર લાગે છે કે તે તેને પસંદ કરવા લાગ્યો છે. ક્યારેય એમ માને છ કે તે તેને પસંદ કરતી નથી. કેટલીક વખત તે તેના પર શંકા પર કરે છે. ફાઉન્ટેન ઓફ યુથની શોધ કરતી વેળા આ બન્ને અનેક પ્રકારના પડકારોનો સામનો પણ કરે છે. જોની ડેપ અને પેનેલોપ ક્રુઝે તેમની કુશળતા એક્ટિંગમા ફરી સાબિત કરી છે. સ્પેનિશ અભિનેત્રી પેનેલોપ ક્રુઝ ઓસ્કાર એવોર્ડ પણ જીતી ચુકી છે. ઓસ્કાર ેવોર્ડ જીતનાર તે પ્રથમ સ્પેનિશ અભિનેત્રી છે.
રોમાંચ-કલ્પના પર આધારિત પાઈરેટ્સ ઓફ કેરેબિયન સિરિઝની ચોથી ફિલ્મ ભારતમાં ૨૦મી મેએ રજુ કરાશે