પોલીસે નરાધમ વૃદ્ધની ધરપકડ કરી
દુધ લઈને લિફ્ટમાં આવી રહેલી કિશોરીના ખભા પર હાથ મુકી નરાધમ વૃદ્ધે અશ્લિલ હરકત કરી : વધુ તપાસ
(સંપૂર્ણ સમાચાર સેવા)
સુરત,તા.૧૩
સુરતમાં સતત બાળકી અને કિશોરી સાથે શારીરિક છેડછાડની ઘટનાઓ સામે આવી રહી છે, ત્યારે ગતરોજ સુરતના લીંબાયત વિસ્તારમાં ૧૨ વર્ષીય કિશોરી દૂધ લઈ ઘરે પરત ફરતી હતી ત્યારે એપાર્ટમેન્ટની લિફ્ટમાં ૬૫ વર્ષના વૃધ્ધે કિશોરીની શારીરિક છેડતી કરી હતી. જોકે કિશોરીએ સમગ્ર ઘટના પરિવારને કહેતા પરિવારે પોલીસ મથકે દોડી આ વુધ્ધ વિરુદ્ધ ફરિયાદ નોંધાવતા પોલીસે નરાધમ વુધ્ધની ધરપક્ડ કરી તેના વિરુદ્ધ કાર્યવાહી શરૂ કરી. પ્રાપ્ત માહિતી અનુસાર, સુરતમાં છેલ્લા લાંબા સમયથી બાળકી સાથે કિશોરીની શારીરિક છેડછાડની સતત ઘટના સામે આવી રહી છે, ત્યારે ગતરોજ આવી વધુ એક ઘટના સામે આવી છે. સુરતના લીંબાયત વિસ્તારમાં રહેતા પરિવારની ૧૨ વર્ષની બાળકી સવારે તેના કાકી ઘરે આવ્યા હોય મમ્મીએ કહેતા ૯ વાગ્યે સોસાયટીના પાર્લરમાં દૂધ લેવા ગઈ હતી. કિશોરી દૂધ લઇ લિફ્ટમાં ઉપર ચઢતી હતી ત્યારે તેના જ કોમ્પલેક્ષમાં પાંચમા માળે રહેતા ૬૫ વર્ષના ભુપતભાઇ પુનાભાઈ ઝાલોંરા તેની સાથે પ્રવેશ્યા હતા. તેમણે લિફ્ટનો દરવાજો બંધ કરી તરત જ કિશોરીના ખભા ઉપર હાથ મૂકી છાતી દબાવવા માંડી હતી. કિશોરીએ પકડમાંથી છૂટવા પ્રયાસ કરતા વૃદ્ધે તેના ગુપ્તાંગના ભાગે હાથ ફેરવ્યો હતો. તે સમયે જ પોતાનો ફ્લોર આવતા કિશોરી વૃદ્ધને ધક્કો મારી બહાર નીકળીને ઘરમાં ચાલી ગઈ હતી. જોકે, મમ્મીને દૂધની થેલી આપી તે કંઈ પણ કહ્યા વિના બીજા રૂમમાં ચાલી જતા તેની માતાએ રૂમમાં ગઈ ત્યારે તે રડતી હતી. કારણ પૂછતાં કિશોરીએ લિફ્ટમાં બનેલી ઘટના અંગે કહેતા તરત માટે દીકરી સાતે બનેલી ઘટના તેના પિતાની કહીને આ મામલે ફરિયડ કરવા પોલીસ મથકે દોડી ગયા હતા અને આ વૃદ્ધ સામે શારીરિક છેડછાડની ફરિયાદ નોંધાવતા પોલીસે તાત્કાલિક આ વૃદ્ધની ધરપકડ કરી તેના વિરુદ્દ કાયદેસરની કાર્યવાહી કરી વધુ તપાસ શરુ કરી છે.

ગડ્ડી ગેંગના મકસુદને પોલીસે ઝડપી પાડ્યો
સુરતમાં લાંબા સમયથી ગડ્ડી ગેંગ સક્રિય હતી, વેપારીઓ-રોકાણકારને ડોલર આપવાના નામે આ ગેંગ છેતરતી હતી
(સંપૂર્ણ સમાચાર સેવા)
સુરત,તા.૧૩
સુરતમાં છેલ્લા લાંબા સમયથી ગડ્ડી ગેંગ સક્રિય થઈ હતી. આ ગેંગ વેપારીઓ અને રોકાણકારોને ડૉલર આપવાના નામે છેતરતી હતી. આ ગેંગે સુરતના લાલગેટ વિસ્તારમાં એક યુવાનને ડોલર આપવાની લાલચ આપીને તેની પાસેથી રોકડા રૂપિયા ચાર લાખ લઈને રૂમાલમાં ડોલરની જગિયા પર કાગળની ગદ્દી આપીને છેતરપિંડી કરવાની ઘટના બાદ છેતરપીંડીનો ભોગ બનનારે આ મામેલ પોલીસમાં ફરિયાદ કરતા પોલીસે આરોપીને ઝડપી પાડી તેના વિરુદ્વ કાર્યવાહી કરી છે. સુરતમાં છેતરપિંડી કરતી અનેક ગેંગ સક્રિય થઈ છે ત્યારે લાલગેટ વિસ્તરમાં રહેતા એક યુવાને છેલ્લા લાંબાસમયથી સક્રિય થયેલ ગડ્ડી ગેંગ દ્વારા લોકો સાથે છેતરપિંડી કરવામાં આવી રહી છે ત્યારે સુરતના લાલગેટ વિત્તરમાં રહેતા એક યુવાન ને રૂપીયાના બદલામાં ૨૦ ડોલરની ૧૨૫૩ નંગ નોટો આપવાની લાલચ આપી ફરિયાદી પાસેથી રોકડા રુપીયા ૪,૦૦,૦૦૦ / – લઈ જઈ ડૉલરની જગ્યાએ પેપરના કાગળની થપ્પીઓ રૂમાલમાં વિંટાળી આપી ભાગી જઈ અગાઉથી કાવત્રુ રચી એકબીજા ની મદદગીરી કરી ફરીયાદી સાથે છેતરપીંડી ઠગાઈ કરી હતી. આ બાબતે પોલીસ મથકમાં ભોગ બનનારે ફરિયાદ નોંધાવતા પોલીસે આ મામલે ગુનો નોંધી આરોપીને પકડવા ચક્રો ગતિમાન કર્યા હતા. ત્યારે બાતમીના આધારે એક આરોપી ને છપરાભાઠા અમરોલી ખાતેથી મકસુદ ઉર્ફે કિરણ નશદિન શેખને પોલીસે ઝડપી પડ્યો હતો. ત્યારે આરોપીએ મકસુદ ઉર્ફે કિરણે કબૂલ્યુ હતું. તેણે જણાવ્યું હતું કે તેઓ શહેરમાં ડૉલરની હેરફેરના નામે લોકોને ભોગ બનાવી અને પૈસા છેતરપિંડી કરે છે. જોકે પકડાયેલ આરોપી પૂછપરછ કરતા આરોપી એ કરેલ ગુનાની કબૂલાત કરતા લાલગેટ પોલીસે આસિયામ વિરુદ્ધ કાયદેસરની કાર્યવાહી કરી વધુ તપાસ શરુ કરી છે. સુરત શહેરમાં અનેક રોકાણકારો ટેક્સથી બચવા માટે રોકડમાં રોકાણ કરતા હોય છે ત્યારે આ કિસ્સો તમામ લોકો માટે ચેતવણીરૂપ છે. દરમિયાન પોલીસની તપાસમાં આ આરોપી કુખ્યાત ગડ્ડી ગેંગનો સભ્ય હોવાનું જાણવા મળ્યું છે ત્યારે પોલીસ દ્વારા પણ આવા ગુનેગારોના કાવતરાનો ભોગ બનતા લોકોને અટકાવવા માટે અપીલ કરવામાં આવી છે કે જો કોઈ આવી વ્યક્તિ સોદો કરવા આવે તો તમામ ખરાઈ કર્યા બાદ જ લેવડદેવડ કરવી જોઈએ.

દારૂ ઘુસાડવા બૂટલેગરનો નવો કીમિયો
વલસાડ એલસીબીએ ૧૦.૧૫ લાખની કિંમતનો દારૂ અને ટ્રક મળીને ૧૭.૮૧ લાખનો મુદ્દો માલ ઝડપી પાડ્યો
(સંપૂર્ણ સમાચાર સેવા)
વલસાડ,તા.૧૩
કોરોના મહામારીના કહેર વચ્ચે પણ બુટલેગરો માહોલનો ગેરલાભ લઇ રાજ્યમાં વિદેશી દારૂની હેરાફેરી કરી રહ્યા હોવાના કિસ્સા પ્રકાશમાં આવી રહ્યા છે. વલસાડ જિલ્લાના પારડી નજીકથી પોલીસે દવાની આડમાં વિદેશી દારૂની હેરાફેરી કરતા એક ટેમ્પોને ઝડપી પાડયો હતો અને અંદાજે રૂપિયા ૧૭.૮૧ લાખની કિંમતના મુદ્દામાલ પણ જપ્ત કર્યો હતો. મહત્વપૂર્ણ છે કે છેલ્લા કેટલાક મહિનાથી દેશભરમાં કોરોના મહામારીનો કેર વર્તાઈ રહ્યો છે અને દારૂની છૂટ ધરાવતા પડોસી સંઘપ્રદેશ દમણની સરહદો પણ મહિનાઓ સુધી સીલ કરી દેવામાં આવી હતી આથી થોડે અંશે વિદેશી દારૂની હેરાફેરી પર રોક લાગી હતી પરંતુ હવે અનલૉકમાં રાજ્યના પડોશી સંઘપ્રદેશ દમણની બોર્ડર પણ ખોલી દેવામાં આવતા બુટલેગરોને જાણે મોકળું મેદાન મળ્યું છે. અને વિદેશી દારૂની હેરાફેરી ના કિસ્સાઓ વધી રહયા છે. વલસાડ એલસીબી પોલીસને મળેલી બાતમીના આધારે એલસીબી ટીમ અમદાવાદ મુંબઈ નેશનલ હાઈવે પર વોચ માં હતી એ દરમિયાન જ હાઇવે પરથી પુરઝડપે પસાર થતા એક ટેમ્પોને રોક્યો હતો,અને ત્યારબાદ તપાસ કરી હતી.પોલીસે ટેમ્પો ચાલકને ટેમ્પોમાં શું ભર્યું છે તેની પૂછપરછ કરતાં ટેમ્પો ચાલકે ટેમ્પોમાં ભરેલ દવા ના બોક્સના બિલ પણ રજૂ કર્યા હતા. આમ પ્રથમ દ્રષ્ટિએ ટેમ્પોમાં દવાના બોક્સ ભરેલા હતા અને ટેમ્પો ચાલકે તેના બિલ પણ રજૂ કર્યા હતા.પરંતુ પોલીસને પાકી બાતમી મળી હોવાથી આ દવાના બોક્સ ખોલી અને તપાસ કરતાં પોલીસ પણ ચોંકી ગઈ હતી કારણકે ટેમ્પોમાં ભરેલા દવા ના બોક્સ અને મેડિકલના સામાનની આડમાં વિદેશી દારૂનો મોટો જથ્થો ભરેલો હતો. આથી પોલીસે ટેમ્પોનો કબજો લઇ ટેમ્પોચાલક દિલીપ નામના વ્યક્તિની ધરપકડ કરી પારડી પોલીસ સ્ટેશન લઇ જઇને તપાસ હાથ ધરી હતી.. પોલીસની પ્રાથમિક તપાસમાં વિદેશી દારૂનો જથ્થો દમણથી સુરત તરફ લઈ જવામાં આવી રહ્યો હતો.અને પોલીસને ચકમો આપવા માટે બુટલેગરોએ દવાના બોક્સમાં વિદેશી દારૂનો જથ્થો ભરેલો હતો. તેમ છતાં પોલીસે બુટલેગરની આ ચાલાકી ને ઝડપી પાડી હતી અને ટેમ્પો માં ભરેલ ૧૦.૧૫ લાખની કિંમતનો વિદેશી દારૂનો જથ્થો અને ટેમ્પો મળી અંદાજે ૧૭.૮૧ લાખની કિંમતના મુદ્દામાલ જપ્ત કરી ટેમ્પોચાલક દિલીપ પ્રભુરાયની ધરપકડ કરી હતી.

સંતાન પ્રાપ્તિની વિધિના નામે લૂંટ થતી હતી
માતાજીનું સ્થાનક બનાવી ૪-૫ વર્ષથી દુઃખ દર્દ દૂર કરવા નામે ૧૦ હજારથી ૫ લાખ સુધીની ફી વસુલી કરી લૂંટ
(સંપૂર્ણ સમાચાર સેવા)
સુરત,તા.૧૩
સુરતના સરથાણા વિસ્તારમાં પોતાના ઘરમાં મેલડી માતાનું મંદિર બનાવી છેલ્લા ૧૮ વર્ષથી માનતા, ટેક, જોવાનું કામ કરતી ભૂઇમાની ધતિંગલીલાને ભારત જન વિજ્ઞાન જાથાએ ખુલ્લી પાડી હતી. બનાવ પોલીસ મથક સુધી જતાં ભૂઇમા અને તેમના પૂત્રે સોગંદનામામાં હવે આવી કોઇ પ્રવૃત્તિ નહીં કરવાનું કબૂલાતનામું લખી આપ્યું હતું. મુળ ભાવનગરના અને ૧૮ વર્ષથી સરથાણાના અવધ, સુભાષ પાર્ક ખાતે રહેતાં લાભબેન વશરામભાઇ અણધણે ઘરમાં જ મેલડી માતાજીનું સ્થાનક બનાવી ૪-૫ વર્ષથી દુઃખ દર્દ દૂર કરવા, સંતાન પ્રાપ્તિ જેવી વિધિના નામે ૧૦ હજારથી ૫ લાખ સુધીની ફી વસુલતા હોવાની ફરિયાદ સતત સામે આવતી હતી જોકે સુરત સાથે પાલીતાણા પાસેના ગામના લોકો પણ આ માતા આવનારા આવનાર ભક્તો પાસેથી સોના ચાંદી છત્ર સાથે અનેક ભેટ સોગાદો પણ મેળવતી હતી. જોકે આ માતાની સતત ફરિયાદના આધારે ભારત વિજ્ઞાન જાથાના આગેવાનો પોલીસની મદદ આ મહિલાનો ભાંડો ફોડવા પોંહચીયા હતા ત્યારે આ મહિલાનો દીકરો પોલીસ અને ભારત વિજ્ઞાન જાથાના લોકો સાથે દાદાગીરી કરવા લાગ્યો હતો. જોકે પોલીસે આ મહિલાના દીકરાને પોલીસની ભાષામાં સમજાવ્યો હતો જોકે મહિલાને પોલીસે અને ભારત વિજ્ઞાન જાથાના આગેવાનો એ ચમત્કાર કરી બતાવ કહ્યું હતું. જેને લઈને આ મહિલાની તમામ હકીકત સામે આવતી જતા આ મહિલા પોતે પાંખડ કરી લોકોને છેતરતી હોવાનું કબૂલાત કરી હતી.
જોકે મહિલાની કબૂલાત બાદ ભવિષ્યમાં આવી રીતના પાંખડ નહિ કરવાની લેખિતમાં બાંહેધરી આપી હતી. જોકે પહેલા દુકાન અને કારખાનું હતુ પણ વેપાર ચોપાટ થીજતા ધાર્મિકતાની આડમાં આ ધુણવાનો વેપાર શરૂ કર્યો હતો. જોકે આ વેપાર થકી થયેલા નુકસાન કવર કરવામાં તેમને સફળતા મળી હતી. જેને લઈને આ વેપાર શરુ રાખ્યો હતો. જોકે આ મામલે સરથાણા પોલીસે આ મહિલા વિરુદ્ધ ફરિયાદ આપવા આવશે તો તે ફરિયાદ લઈને આ મહિલા વિરુદ્ધ કાર્યવાહીપણ કરવાની ત્યારી પોલીસે બતાવી છે.