મમતાએ બંગાળમાં અને જયાએ તમિળનાડુમાં બોલાવેલો સપાટો
ાશ્ચિમ બંગાળ, તમિળનાડુ અને કેરળ તથા પુડ્ડુચેરીમાં આખરે સત્તા બદલાઈ વિવિધ ભ્રષ્ટાચારના કેસના કારણે કરુણાનિધીનો તમિળનાડુમાં સફાયો થયો
(સંપૂર્ણ સમાચાર સેવા)
નવી દિલ્હી,તા. ૧૩
પશ્ચિમ બંગાળમાં મમતા બેનરજીના નેતૃત્વમાં તૃણમૂળ કોંગ્રેસ અને જે. જયલલિતાના નેતત્વમાં અન્નાદ્રમુકે આજે તમિળનાડુમાં જોરદાર સપાટો બોલાવ્યો હતો. બંગાળમાં આશરે ૩૪ વર્ષથી ચાલતા ડાબેરીઓના એકચક્રી શાસનનો અંત આવી ગયો છે.પશ્ચિમ બંગાળ, તમિળનાડુ, કેરળ અને કેન્દ્ર શાસિત પ્રદેશ પુડ્ડુચેરીમાં સત્તા બદલાઈ ગઈ છે. પશ્ચિમ બંગાળમાં મમતા અને તમિળનાડુમાં જયલલિથાની તાજપોશીની તૈયારીઓ પણ શરૂ થઈ ચુકી છે. બંને પક્ષોમાં ખુશીનું મોજુ ફરી વળ્યુ છે. બીજી બાજુ તમિળનાડુમાં જયલલિતાએ કરૂણાનિધીના નેતૃત્વમાં ડીએમકેનો સફાયો કરી દીધો છે. કેરળ અને બંગાળમાં ડાબોરીઓનો સફાયો થયો છે. તમિળનાડુ અને પુડ્ડુચેરીમાં ડીએમકે-કોંગ્રેસના શાસનનો અંત આવી ગયો છે. આસામમાં તરૂણ ગોગોઇ તેમની સત્તા ટકાવી રાખવામાં સફળ રહ્યા છે. પશ્ચિમ બંગાળમાં ૧૯૭૭ બાદથી પ્રથમ વખત ડાબેરી મોરચાને હારનો સામનો કરવો પડ્યો છે.
૨૯૪ વિધાનસબાની બેઠકો માટે થયેલી ચૂંટણીમાં તૃણમૂળ કોંગ્રેસ અને કોંગ્રેસના ગઠબંધને શાસક ડાબેરી મોરચાને પછડાટ આપી દીધી છે. મમતાના નેતૃત્વમાં આ ગઠબંધન બે તૃતિયાશ બહુમતિ મેળવવાની દિશામાં આગળ વધી રહ્યું છે. મમતા બેનરજીને એકલા હાથ સરકાર બનાવવા માટેની સીટ બને તેવી વકી છે. તૃણમૂળ છેલ્લા સમાચાર મળ્યા ત્યાં સુધી ૨૧૭ બેઠક ચુકી છે. અને ૯૧ પર લીડ છે. છેલ્લા સમાચાર મુજબ ડાબેરીઓને મોટો ફટકો પડ્યો છે. આ પક્ષ છેલ્લા સમાચાર મુજબ ૬૦ સીટ મેળવી ચુક્યું છે. રાજયના મુખ્યપ્રધાન બુદ્ધદેવ ભટ્ટાચાર્ય જાદવપુર વિધાનસભા બેઠક પરથી હારી ગયા છે. ડાબેરીઓની હાલત કફોડી છે તેવા સંકેત થોડાક સમય પહેલા યોજાયેલી ચૂંટણીથી જ મળવા લાગી ગયા હતા.
બુદ્ધદેવ ભટ્ટાચાર્યે રાજીનામુ પણ આપી દીધુ છે. બીજી બાજુ તમિળનાડુમાં કરૂમાનિધીનો સફાયો થયો છે. જયલતિલાની તાજપોશી હવે નક્કી થઇ ગઇ છે.ભ્રષ્ટાચારના કારણે કરૂણાનિધીના પક્ષનો સફાયો થયો છે. તમિળનાડુમાં જયલલિતાની તાજપોશી નિશ્ચિત બનતા તેમના સમર્થકોમાં ઉત્સાહનું મોજુ ફરી વળ્યુ છે. ડીએમકે ગઠબંધનની કારમી હાર થઈ છે. ડીએમકેના નેતા પર ભ્રષ્ટાચારના વ્યાપક આક્ષેપો થતા તેમની હાલત કફોડી બની છે. કરુણાનિધીની પણ પ્રતિષ્ઠા દાવ પર લાગી ગઈ હતી. તેમની પુત્રી કાનીમોઝી પર ધરપકડ થવાનો ખતરો તોલાઈ રહ્યો છે. પાર્ટીના મોટા નેતા અને ભૂતપૂર્વ દૂરસંચાર પ્રધાન એ રાજા ટુજી કૌભાંડ મામલામાં જેલમાં પહોંચી ચુક્યા છે. રાજાની મદદથી સ્પેક્ટ્રમ હાંસલ કરનાર કંપની સ્વાન ટેલિકોમ દ્વારા કલેગનર ટીવીને ૨૦૦ કરોડ રૂપિયા આપવાના મામલામાં સીબીઆઈ તપાસ ચલાવી રહી છે. કાનીમોઝીની સામે સીબીઆઈ ચાર્જશીટ દાખલ કરી ચુકી છે. ભ્રષ્ટાચારના કારણે કરુણાનિધીની કારમી હાર થઈ છે. આવી જ રીત. કેરળમાં ભ્રષ્ટચારના કારણે ઉથલપાથલની સ્થિતિ સર્જાઈ છે. કોગ્રેસના નેતૃત્વમાં યુડીએફને નજીવી બહુમતિ મળી છે. તમામ ૧૪૦ બેઠકોના પરિણામ જાહેર થઈ ચુક્યા છ.ે જેમાં યુડીએફના ખાતામાં ૭૨ અને એલડીએફના ખાતામાં ૬૮ બેઠકો આવી છે. રાજયમાં દર વખતની જેમ જ આ વખતે પણ સત્તા પરિવર્તન થયુ છે. જો કે યુડીએફનો દેખાવ અગાઉ જેવો શાનદાર રહ્યો નથી. બીજીબાજુ આસામમાં કોગ્રેસને શાનદાર જીત મળી છે. તરુણ ગોગઈ કોગ્રેસને સત્તામાં જાળવી રાખવામાં સફળ રહ્યા છે. આસામમાં કોગ્રેસે ૭૪ બેઠકો કબજે કરી છે. અસામ ગણ પરિષદને ૧૧ બેઠકો મળી છે. ભાજપે પાંચ બેઠકો જીતી છે. એકલા હાથે ચુંટણી લડનાર કોગ્રેસને પૂર્ણ બહુમતિ મળી છે. આવી જ રીતે કેન્દ્ર શાસિત પ્રદેશ પુડ્ડુચેરીમાં પણ ઓલ ઇન્ડિયા એનઆર કોગ્રેસ અને અન્નાદ્રમુક ગઠબંધનને બહુમતિ મળી છે.
ારિણામોની સાથે સાથે….
(સંપૂર્ણ સમાચાર સેવા) ચેન્નઈ, તા.૧૩
* પશ્ચિમ બંગાળમાં તૃણમૂલ કોગ્રેસનો જોરદાર સપાટો
* પશ્ચિમ બંગાળમાં ડાબેરીઓનો સંપૂર્ણ સફાયો થયો
* તૃણમૂલે સત્તા કબજે કરી
* જંગી બહુમતિ મેળવીને મમતા બેનર્જીએ સપાટો બોલાવ્યો
* પશ્ચિમ બંગાળ, તમિળનાડુ, કેરળ અને પુડ્ડુચેરીમાં સત્તા બદલાઈ
* કેરળ અને પશ્ચિમ બંગાળમાં ડાબેરીઓના કિલ્લા પડ્યા
* આસામમાં તરુણ ગોગોઈ સત્તા જાળવી રાખવામાં સફળ
* પશ્ચિમ બંગાળમાં ૧૯૭૭ બાદ પ્રથમ વખત ડાબેરીઓની હાર
* તૃણમૂલ-કોગ્રેસે બે તૃત્યાંસ બહુમતિ મેળવી
* ડાબેરી મોરચાને મોટી પીછેહઠ સાંપડી
* રાજયના મુખ્યમંત્રી બુદ્ધ દેવ ભટ્ટાચાર્યએ રાજીનામુ આપ્યુ
* બુદ્ધદેવ જાદવપુર વિધાનસભા સીટથી ૧૬૦૦૦ મતે હારી ગયા
* તૃણમૂલના મનિષ ગુપ્તાએ મુખ્યમંત્રીને હાર આપી
* સ્થાનિક ચુંટણીમાં હારનો સિલસિલો જારી રહેતા ડાબેરીઓમાં કરુણ રકાશ
* તમિળનાડુમાં ડીએમકેનો સફાયો થયો
* જયલલિથાની તાજપોશી નિશ્ચિત થઈ
* ભ્રષ્ટાચારના કારણે ડીએમકેના પ્રધાનોની કારમી હાર થઈ
* રાજા ટેલિકોમ કૌભાંડમાં જેલમાં પહોંચી ગયા હોવાથી પક્ષને ફટકો
* કેરળમાં યુડીએફને નજીવી બહુમતિ મળી
* આસામમાં તરુણ ગોગોઈને સતત ત્રીજી વખત સત્તા મળી
* ૧૨૬ પૈકી કોગ્રેસને ૭૪ બેઠકો મળી
* આસામ ગણ પરિષદને ૧૧ બેઠકો મળી
* એકલા હાથે ચુંટણી લડનાર કોગ્રેસને ગયા વખતની સરખામણીમાં પૂર્ણ બહુમતિ
* પુડ્ડુચેરીમાં ઓલઇન્ડિયા એનઆર કોગ્રેસ અને અન્નાદ્રમુકના ગઠબંધનને બહુમતિ