સીઆઈડી ક્રાઈમમાં ફરિયાદ થઈ હતી
સુરતમાં આરોપીઓ ઉપર રૂપિયા પડાવી લઈને જમીનના કાગળિયા માટે લટકાવી રાખવાનો સંગીન આરોપ હતો
(સંપૂર્ણ સમાચાર સેવા)
સુરત,તા.૧૧
સુરતની સોસણન લગાડી જેવી જમીન મામલે સતત ફરિયાદો સામે આવે છે ત્યારે સુરતના કોસાડની એક જમીન વેચ્યા બાદ રૂપિયા ૧૨ કરોડ પડાવી લઇને જમીન મલિકને દસ્તાવેજ નહિ કરી આપી છેતરપિંડી કરતા જમીન માલિક સામે આ મામલે સીઆઇડી ક્રાઇમમાં ફરિયાદ કરતા પોલીસે ગુનો નોંધી આરોપી દેસાઈ બંધુઓની ધરપપકડ કરી છે સુરતના અડાજણ ખાતે રહેતા વિપુલ પટેલે કોસાડ ખાતે આવેલી ૧૩૦૫૦ ચોરસ મીટર જગ્યા વેચાણ કરવાની હોવાથી આ જમીનના મલિક પિન્ટુ દેસાઈ, અશ્વિન દેસાઈ અને દેવાંગ દેસાઈનો સંપર્ક કર્યો હતો. જોકે પિન્ટુ પોતાના હિસ્સાની જમીન ૧૫ કરોડ માં વેચવા માંગતો હતો. જોકે આ જમીનનો સોદો નક્કી કર્યા બાદ વિપુલ ભાઈ દ્વારા જમીને લઇને આ દેસાઈ બંધુને રૂપિયા ૧૨ કરોડ ચૂકવી આપ્યા હતા અને સોદા ખાતે કરી આપ્યો હતો. જોકે જમીનમાં બ્લોક વિભાજનનો સમય લાગશે જેને લઈને દસ્તાવેજ કરી આપ્યો ન્હોતો. જોકે સુરતમાં જમીન સોનાની લગાડી કહેવાય જેના દિવસે દિવસે ભાવ વધતા આ દેસાઈ બધુંની નજર બગડતા પહેલા સોદાખત વિપુલ ભાઈ પાસેથી પડાવી લઈને દસ્તાવેજ ન કરી આપી છેતરપિંડી કરી રહ્યા હતા. જેને લઈને જમીન ખરીદનાર વિપુલ ભાઈને ખબર પડીકે આ જમીન આ ભાઈઓ વેચવાની ફિરાકમાં ફરી રહ્યા છે. જોકે વિપુલ ભાઈ એ ક્યાં દસ્તાવેજ અથવા રરૂપીયા ૧૨ કરોડ રૂપિયા પરત માંગતા જમીનના ભાવ વધી ગયા છે, જો વધુ રૂપિયા આપશો તો દસ્તાવેજ કરી આપવાની વાત કરી હતી. જોકે આ દેસાઈ બંધુ વિપુલ ભાઈ સાથે છેતરપિંડી કરતા હોવાનું લાગતા તેમણે આ મામલે સુરત ઝ્રૈંડ્ઢ ક્રાઇમમાં ફરિયાદ નોંધાવતા પોલીસે આ મામલે ગુનો નોંધી આ દેસાઈ બધું માંથી પિન્ટુ અને અને તેના ભાઈ આશિષ દેસાઈની ધરપકડ કરી તેમના વિરુદ્ધ ગુનો દાખલ કરી વધુ તપાસ શરુ કરી છે. ઉલ્લેખનીય છે કે સુરત શહેરમાં જમીન-મકાનના પ્રકરણો દિનપ્રતિદિન વિવાદમાં આવતા હોય છે. રાજ્યના આર્થિક પાટનગરમાં જમીનોની અને મિલકતની અદવાતમાં ખૂન જેવા સંગીનો ગુનાઓ પણ આકાર લેતા હોય છે. દરમિયાન તાજેતરમાં જ વિવાદિત શૈલેષ ભટ્ટ અને બિલ્ડરની વચ્ચે ચાલી રહેલી તકરાર ચર્ચાની એરણે છે ત્યારે વધુ એક કરોડો રૂપિયાનું જમીન કૌભાંડ સામે આવ્યું છે. જોકે, આ મામલે હાઇપ્રોફાઇલ જમીનનો હોવાના કારણે સીઆઈડી ક્રાઇમની ફરિયાદમાં તાત્કાલિક પગલાં ભરવામાં આવ્યા છે.

અમદાવાદીઓના ૧૭.૪ લાખ ઈ-મેમોનો દંડ બાકી
એક વર્ષમાં શહેરના ૧૧૧ ચાર રસ્તા પર લાગેલા કેમેરા દ્વારા કુલ ૨૬.૩ લાખ ઈ-મેમો જનરેટ કરવામાં આવ્યા
(સંપૂર્ણ સમાચાર સેવા)
અમદાવાદ,તા.૧૧
અમદાવાદ ટ્રાફિક સિગ્નલ્સ પર કેમેરા લાગી જતા અમદાવાદીઓ નિયમોનું પાલન કરતાં થયાં છે. જોકે, જે લોકોને સુધરવું જ નથી, તેઓ કેમેરાને પણ ગાંઠવાનું નામ નથી લઈ રહ્યાં. ૨૦૧૮થી શહેરમાં ટ્રાફિકના નિયમો તોડતા કેમેરામાં ઝડપાયેલાં લોકોનાં ઈ-મેમો ઘરે મોકલવામાં આવે છે, પરંતુ અમદાવાદીઓએ હજુય ૧૭ લાખ મેમો ભર્યા જ નથી. છેલ્લા એક વર્ષમાં અમદાવાદના ૧૧૧ જેટલા ટ્રાફિક જંક્શ પર લાગેલા કેમેરા દ્વારા કુલ ૨૬.૩ લાખ ઈ-મેમો જનરેટ થયા હતા. જેમાંથી ૮.૯ લાખ મેમોનો જ ૧૮.૫ કરોડ જેટલો દંડ ભરાયો હતો. જ્યારે, ૧૭.૪ લાખ જેટલા ના ભરાયેલા મેમોના દંડની રકમ ૪૦.૩ કરોડ રુપિયા જેટલી થવા જાય છે. આમ, લગભગ ૪૫ ટકા જેટલા ઈ-મેમો ભરાયા જ નથી. બીજી તરફ, કુલ ૨૬.૩ લાખ ઈ-મેમોના દંડની ૫૮.૮ કરોડની રકમમાંથી ૧૮.૫ કરોડનો દંડ જ લોકોએ ભર્યો છે. મતલબ કે, દંડની રકમની વસૂલાત તો અડધાથી પણ ઓછી છે. કેટલાક ઈ-મેમો તો છેક ૨૦૧૯ના છે, કે જેમનો દંડ હજુ સુધી નથી ભરાયો. આમ, ના ભરાયેલા ઈ-મેમોના દંડની રકમ ૪૦ કરોડ રુપિયા જેટલી થવા જાય છે. અમદાવાદીઓનું આ મામલે વર્તન સમજવા માટે ઈન્ટરનેશનલ ઈન્સ્ટિટ્યૂટ ઓફ ઈન્ફોર્મેશન ટેક્નોલોજી હૈદરાબાદ અને દિલ્હી સ્થિત ઈન્દ્રપ્રસ્થ ઈન્સ્ટિટ્યૂટ ઓફ ટેક્નોલોજી દ્વારા સરવે કરવામાં આવ્યો હતો. જેમાં ૨૬.૩ લાખ જેટલા ઈ-મેમોનું એનાલિસિસ કરાયું હતું. અમદાવાદીઓએ આ ગાળામાં ૧૦૦૦ રુપિયાથી ઓછો દંડ હોય તેવા ૮.૯ લાખ ઈ-મેમો ભર્યા હતા, જેની ટકાવારી કુલ ઈ-મેમોના ૩૪ ટકા જેટલી થાય છે. જોકે, દંડની રકમ ૧,૦૦૦ રુપિયાથી વધારે હોય તેવા કિસ્સામાં માત્ર ૧૯ ટકા ઈ-મેમો જ ભરવામાં આવ્યા છે. સરવેમાં એ પણ જાણવા મળ્યું હતું કે ઓવરસ્પીડિંગના ઈ-મેમો લોકો ભરી દે છે, પરંતુ બીઆરટીએસ લેનમાં ઘૂસવા બદલ મળેલો મેમો ભરવાનું પ્રમાણ ઓછું છે. એવું પણ ધ્યાને આવ્યું છે કે ઈ-મેમો ના ભરનારાઓમાં મોટાભાગના લોકો વારંવાર નિયમો તોડે છે, અને તેમના નામે એકથી વધુ ઈ-મેમો જનરેટ થયા છે. સરવેમાં મળેલી માહિતી અનુસાર, ૫૭ ટકા ઈ-મેમો રિપિટેડ ઓફેન્ડર્સને ઈશ્યૂ થયેલા છે. સપ્ટેમ્બર ૨૦૧૯માં ટ્રાફિકના નિયમો કડક બનાવાયા હતા, અને દંડની રકમમાં પણ જંગી વધારો કરાયો હતો. નવાઈની વાત એ છે કે, સપ્ટેમ્બર ૨૦૧૯માં જનરેટ થયેલા ઈ-મેમોની સંખ્યા સપ્ટેમ્બર ૨૦૧૮માં જનરેટ થયેલા ઈ-મેમો કરતા ૧૫ ટકા વધારે હતી.