ઝારખંડ ઃ માર્ગ અકસ્માત સર્જાતા ૧૨ લોકોના મોત

ઝારખંડમાં શ્રદ્ધાળુઓમાં ટ્રેલર-ટ્રક ઘુસી જતાં ૧૨ શ્રદ્ધાળુઓના મોત થયા છે. પ્રાપ્ત માહિતી મુજબ આ બનાવથી શ્રદ્ધાળુઓમાં આઘાતનું મોજુ ફરી વળ્યું હતું. સરસ્વતી માતાના વિસર્જન સરઘસની અંદર ટ્રેલર-ટ્રક ઘુસી ગયા હોવાની ઘટના બની છે. પોલીસ અધિકારીઓએ માહિતી આપતા કહ્યું છે કે, ડ્રાઇવરે કાબૂ ગુમાવતા ટ્રેલર-ટ્રક શ્રદ્ધાળુઓના કાફલામાં ઘુસી ગઈ હતી. આ બનાવમાં અન્ય ૧૫ શ્રદ્ધાળુઓ ઘાયલ થયા હતા જે પૈકી કેટલાકની હાલત ગંભીર જણાવવામાં આવી છે. કેટલાક શ્રદ્ધાળુઓના ઘટનાસ્થળે જ મોત થઇ ગયા હતા. ઇજાગ્રસ્તોને સારવાર માટે ખસેડવામાં આવ્યા હતા. બાગોદર હોસ્પિટલમાં આઠ લોકોના મોત થયા હતા. મુખ્યમંત્રી રઘુવર દાસે બનાવ અંગે દૂખવ્યક્ત કરીને એક એક લાખ રૃપિયાની આર્થિક સહાયતાની જાહેરાત કરી છે. રાહત કામગીરીમાં મદદરુપ થવા માટેનો આદેશ પણ કરવામાં આવ્યો છે. સ્થાનિક ધારાસભ્યો પણ તપાસ અર્થે પહોંચી ગયા છે. શ્રદ્ધાળુઓ સરસ્વતી પૂજા માટે એકત્રિત થયા હતા.