(સંપૂર્ણ સમાચાર સેવા) નવી દિલ્હી,તા. ૨૭
માર્કેટ રેગ્યુલેટર સેબી વર્ષ ૨૦૦૩-૨૦૦૬ના કરોડો રૂપિયાના આઈપીઓ કૌભાંડમાં તેની તપાસ પુનઃ શરુ કરવાની તૈયારીમાં છે. એક વર્ષથી વધુ સમયના ગાળા બાદ આઈપીઓ કૌભાંડમાં ફરી તપાસ શરૂ થઈ રહી છે. તેની પોતાની કમિટિ દ્વારા કરવામાં આવેલા આક્ષેપોના મામલામાં પણ તપાસ કરવામાં આવશે. સેબી ૩૦મી જુનના દિવસે યોજાનારી તેની આગામી બોર્ડ મિટિંગમાં ચર્ચા વિચારણા કરશે. બે સભ્યની કમિટિની તપાસમાં ઘણા પાસાઓ હશે. સેબી દ્વારા તપાસ હાથ ધરવામાં આવનાર છે તેવા અહેવાલ આવ્યા બાદથી ફરી એકવાર આઈપીઓ સાથે સંકળાયેલી કંપનીઓમાં દહેશત ફેલાઈ ગઈ છે.