સુશાંત માટે માતાના દરેક શબ્દોનું મહત્વ હતું
અભિનેતા સુશાંતસિંહ રાજપૂતને પિતાની એકલતાની સતત ચિંતા રહેતી, ૪ બહેનો પર આ એકલો ભાઈ હતો
(સંપૂર્ણ સમાચાર સેવા)
નવી દિલ્હી, તા. ૧૫
સુશાંતસિંહ રાજપૂત માતાના પ્રેમને ક્યારેય ભૂલી શક્યો નહીં. મૃત્યુના ૧૦ દિવસ પહેલાં તેણે ઈંસ્ટાગ્રામ પર તેની માતાને યાદ કરીને જુસ્સાદાર પોસ્ટ લખી હતી. સુશાંત ચાર બહેનોમાં એકમાત્ર ભાઈ હતો. માતા ઉષા સિંહના શબ્દો તેના માટે એક ખૂબજ મહ્ત્વના હતા. માતાએ ઘણા સમય પહેલા પુત્રના મુંડનની માનતા રાખી હતી. તેમણે સંકલ્પ કર્યો હતો કે તે પુત્રને તેમના પિયરનાં મંદિરમાં વાળ ઊતરાવશે. પરંતુ વિવિધ કારણોસર, મુંડનનો કાર્યક્રમ મોકૂફ રહેતો આવ્યો હતો. દરમિયાન ૨૦૦૨ માં તેની માતાનું અવસાન થયું. તે સમયે સુશાંત ૧૬ વર્ષનો હતો. સુશાંત તેની માતાના મૃત્યુથી ઘેરા શોકમાં હતો. પછી તેણે તેની મોટી બહેનમાં માતાની છબી જોવાની શરૂઆત કરી. માતાનું નિધન થયું પણ તે સુશાંતના દીલમાં હંમેશા જીવંત હતી. તે ભૂલી ન શક્યો કે તેની માતાએ તેના માટે મુંડનની માનતા રાખી હતી. પહેલા તો અભ્યાસ દરમિયાન તેને સમય ન મળ્યો. પછી, તેના વ્યસ્ત ટેલિવિઝન અને ફિલ્મોના કારણે, તેનું મુંડન ટળતું રહ્યું. છેવટે ૧૭ વર્ષ પછી ૨૦૧૯ માં, તે પૂર્ણિયાના બદહરવા કોળીમાં તેમના પૂર્વજોના ઘરે પરત ફર્યો. તેના માતુ ખગેરિયા જિલ્લાના ચૌતમ બ્લોકના બોર્ની ગામના હતા. સુશાંતે માતાના પિયરમાં માણસા દેવી મંદિરમાં પોતાનું મુંડન કરાવ્યું હતું. જોકે મુંડનનાં સંસ્કાર બાળપણમાં જ કરવામાં આવે છે, પરંતુ સુશાંતે તે ૩૩ વર્ષની ઉંમરે કરાવ્યા, કારણ કે તે તેની માતાની ઇચ્છા હતી. સુશાંતના પિતાનું નામ કૃષ્ણ કુમાર સિંહ છે, જે હવે સરકારી નોકરીમાંથી નિવૃત્તિ લીધા બાદ પટનાના રાજીવ નગરમાં રહે છે. સુશાંતની ચાર બહેનો પરિણીત છે અને જુદા જુદા શહેરોમાં રહે છે. સુશાંતના પિતાની સંભાળ પટનામાં લક્ષ્મી નામની નોકરાણી દ્વારા લેવામાં આવે છે. સુશાંત લક્ષ્મીને ખૂબ માન આપતો હતો અને તેને દીદી કહેતો હતો. સુશાંતે આશરે એક અઠવાડિયા પહેલા ઘરે ફોન કર્યો હતો. સુશાંત તેના પિતા એકલા રહેતા હોવાથી ખૂબ ચિંતા કરતો હતો. સુશાંતે પહેલા લક્ષ્મી સાથે વાત કરી. તેણે કહ્યું, દીદી તું સારી રહે અને મારા પપ્પાની સારી સંભાળ લે. તે સમયે લક્ષ્મી કૃષ્ણકુમાર સિંહ માટે રસોઇ બનાવતી હતી. તેણે સુશાંતને કહ્યું, આ પણ કંઈક કહેવાની વાત છે. હવે તમારા પપ્પા સાથે વાત કરો કારણ કે હું રસોઈ બનાવી રહી છું. ત્યારે સુશાંતે હસતા-હસતાં કહ્યું હતું કે, તમારી પાસે મારી સાથે વાત કરવાનો વધુ સમય નથી. તેના પિતાએ વૃદ્ધાવસ્થામાં તેમનો સહારો ગુમાવી દીધો હતો. રવિવારે બપોરે બે વાગ્યે સુશાંતના બહેનનો ફોન આવ્યો. બહેને લક્ષ્મીને સુશાંતની આત્મહત્યાની જાણકારી આપી હતી. કૃષ્ણ કુમાર સિંહ તે સમયે જમતા હતા. તેઓને આખી વાત ખબર ન હતી. પરંતુ તેના મગજમાં કંઈક ચાલતું હતું. તેણે જમતી વખતે લક્ષ્મીને અવાજ આપ્યો અને કહ્યું, મહેરબાની કરીને ટીવી ચાલુ કરો. લક્ષ્મી ઈચ્છતી હતી કે સુશાંતના પિતા જમી લે તે પછી હકીકત જણાવશે. તેણે કહ્યું, તમે ખાઈ લો અને પછી ટીવી ખોલો. પરંતુ તેણે જલ્દી જ ટીવી ખોલવાનું કહ્યું. તેના હાથ ધ્રુજતા હતા. ટીવી ચાલુ થતાં જ સુશાંતની આત્મહત્યાના સમાચાર આવવા લાગ્યા. કૃષ્ણકુમારસિંહ આઘાતમાં ડૂબી ગયા. ઘણા વ્રત રાખ્યા બાદ એક પુત્રનો જન્મ થયો હતો. તેમણે વિચાર્યું કે હવે તેની આખી જિંદગી તેના પુત્રના સહારે વિતી જશે. પરંતુ તેણે પણ છેલ્લી ઘ઼ડીએ વૃદ્ધાવસ્થામાં તેમનો સાથ છોડી દીધો. ભાજપના ધારાસભ્ય નીરજકુમાર બબલુ સુશાંતના પિતરાઇ ભાઇ છે. નીરજ બબલુ સુપૌલમાં ઉમપુરના ધારાસભ્ય છે. સુશાંતનું નીરજ બબલુ સાથે ખૂબ સારું ટયુનિંગ હતું. સુશાંતે ૨૦૧૯ માં પૂર્ણિયાની મુલાકાત લીધી હતી, ત્યારે તે સહર્ષમાં નીરજ બબલુના ઘરે પણ ગયો હતો. ત્યાં તેણે એમ.એસ. ધોનીઃ ધ અનટોલ્ડ સ્ટોરી ફિલ્મના અનેક દ્રશ્યોને રજૂ કર્યા. નીરજ બબલુના ઘરે ખુરશીને સ્ટંપ બનાવીને ક્રિકેટ રમ્યો હતો. ત્યારબાદ તે ધોની જેવી બાઇક પર સહર્ષની શેરીઓમાં ફર્યો હતો.
Loading ...
