હાઇકોર્ટમાં બુધવારે અરજીની સુનાવણી
૧૧ સપ્ટેમ્બરે એડિશનલ સેશન્સ જજ એસએચ પટેલે શ્વેતાની નિયમિત જામીન માટેની અરજી ફગાવી દીધી હતી
(સંપૂર્ણ સમાચાર સેવા)
અમદાવાદ, તા.૨૨
સસ્પેન્ડેડ પીએસઆઈ શ્વેતા જાડેજાએ તેના અને સહ આરોપી દેવેન્દ્ર ઓડેદરા સામે લાંચ કેસમાં સ્પેશિયલ એન્ટિ-કરપ્શન કોર્ટે જામીન પર મુક્ત થવાનો ઇનકાર કર્યા પછી નિયમિત જામીન મેળવવા ગુજરાત હાઇકોર્ટનો દરવાજો ખખડાવ્યો હતો. બુધવારે હાઇકોર્ટે તેની અરજીની સુનાવણી સંભળાવશે. જાડેજાએ અગાઉ જામીન માટે હાઈકોર્ટનો સંપર્ક કર્યો હતો પરંતુ ચાર્જશીટ ફાઇલ કર્યા પછી જ નવી જામીન અરજી દાખલ કરવા માટે તેણીની અરજી પાછી ખેંચી લીધી હતી. ૧૧ સપ્ટેમ્બરના રોજ એડિશનલ સેશન્સ જજ એસએચ પટેલે શ્વેતા જાડેજાની નિયમિત જામીન માટેની અરજીને ફગાવી દીધી હતી અને કહ્યું હતું કે, આરોપી છેલ્લા ચાર વર્ષથી પોલીસ વિભાગમાં કામ કરે છે, અને જે રીતે તેણે તેના સહ આરોપીની મદદથી ગુનો કર્યો હતો તે ક્રિમિનલ મેન્ટાલિટી દર્શાવે છે. તાજેતરમાં ક્રાઈમ બ્રાંચના સ્પેશિયલ ઓપરેશન ગ્રુપ (એસઓજી)એ પીએસઆઈ શ્વેતા જાડેજા અને સહ આરોપી દેવેન્દ્ર ઓડેદરા સામે પ્રિવેન્શન ઓફ એન્ટિ-સોશિયલ એક્ટિવિટિજ હેઠળ કાર્યવાહી કરવાથી બચાવવા માટે બે ભાઈઓ પાસેથી ૩૫ લાખ રૂપિયાની લાંચ સ્વીકારવા બદલ ચાર્જશીટ દાખલ કરી છે. સ્પેશિયલ એન્ટિ-કરપ્શન કોર્ટ સમક્ષ રજુ કરેલી ચાર્જશીટમાં તપાસ એજન્સીએ ફરિયાદી કેનલ શાહ અને તેના ભાઈ ભાવેશ શાહ સહિત ૪૭ સાક્ષીઓને ટાંક્યા હતા. શાહ બંધુઓ પાસેથી ૩૫ લાખથી વધુ કઢાવવા અને બળાત્કારના આરોપી કેનલ શાહ સામે પાસા હેઠળ કાર્યવાહી ન કરવા માટે ૫૦ લાખની માંગણી કરવા બદલ જાડેજા પર ભ્રષ્ટાચારના આરોપો છે. જાડેજા તે સમયે મહિલા પોલીસ સ્ટેશન (પશ્ચિમ)ના પ્રભારી પોલીસ નિરીક્ષક હતા, એમ ઈન્વેસ્ટિગેશન રિપોર્ટમાં જણાવવામાં આવ્યું હતું. ચાર્જશીટમાં આરોપીની મહિલા કર્મચારી જૈનાલી શાહની સાક્ષીની યાદી છે. તેણે કથિત રીતે લાંચનો મોટો હિસ્સો આંગડિયા કંપનીઓ દ્વારા ઓડેદરાને મોકલ્યો હતો. આંગડિયા દ્વારા કથિત રૂપે મોકલાયેલા હપ્તા ઉપરાંત જાડેજા પર ભાવેશ શાહના નિવાસ સ્થાને ૪ લાખ રૂપિયા રોકડ સ્વીકારવાનો આરોપ છે. આરોપીએ સસ્પેન્ડ પોલીસ અધિકારી દ્વારા ઉપયોગમાં લેવાયેલા મોબાઇલ ફોનની ચુકવણી પણ કરી હતી.
latest news
ભૂતપૂર્વ મુખ્યમંત્રી કેશુભાઈ પટેલનું ૯૨ વર્ષની વયે નિધન
કોરોનાની સારવાર બાદ રિપોર્ટ નેગેટિવ આવ્યો હતો
શ્વાસ લેવામાં તકલિફ ...
સભા પહેલા નાયબ મુખ્યમંત્રી નીતિન પટેલનો ભારે વિરોધ
ભાજપ અબડાસામાં ચારેબાજુથી ભીંસાયું
ચૂંટણીની જાહેરાત થઈ છે ત્યારથી ...
દેશની છેવાડા સુધીની વ્યક્તિને કોરોનાની રસી અપાશે : મોદી
કોરોનાની વેક્સિનને લઈને વડાપ્રધાનનું દેશને આશ્વાસન
દેશના ખૂણે ખૂણ...
Top News
Today’s Headlines
Opinion Poll
Loading ...