શરદ પવારે મુખ્યમંત્રી ઉદ્ધવ ઠાકરેની સાથે મુલાકાત કરી

બીએમસીએ કંગનાની ઓફિસ તોડી પાડી હતી
ઉદ્ધવ ઠાકરે અને પવાર વચ્ચેની બેઠકમાં કંગના રનૌતના મામલાને વધુ મહત્ત્વ ન આપવામાં આવે એવી ચર્ચા થઈ
(સંપૂર્ણ સમાચાર સેવા)
મુંબઈ,તા.૧૦
બીએમસી તરફથી બુધવારે કરવામાં આવેલી કાર્યવાહીમાં બૉલિવૂડ એક્ટ્રેસ કંગના રનૌટની ઓફિસમાં તોડફોડ કરવામાં આવી છે. આ કાર્યવાહી બાદથી કંગના રનૌટે મહારાષ્ટ્ર સરકાર અને મુખ્યમંત્રી ઉપર આકરા આક્ષેપો કર્યા છે. બુધવારે કંગનાએ મુખ્યમંત્રી ઉદ્ધવ ઠાકરેને પણ વીડિયો જાહેર કરી સંદેશ આપ્યો હતો. ત્યારબાદ એનસીપી અધ્યક્ષ શરદ પવાર અને શિવસેના પ્રમુખ તથા સીએમ ઉદ્ધવ ઠાકરે સાથે બેઠક કરી. આ બેઠકમાં શિવસેનાના પ્રવક્તા સંજય રાઉત પણ ઉપસ્થિત રહ્યા. આ દરમિયાન તમામ મુદ્દાઓની સાથે જ કંગના રનૌટ મામલા ઉપર પણ ચર્ચા થઈ. મળતી જાણકારી મુજબ, બેઠકમાં કંગના મામલા પર કહેવામાં આવ્યું છે કે આ કાર્યવાહી બીએમસી તરફથી કરવામાં આવી છે. તેમાં મહારાષ્ટ્ર સરકારનો કોઈ સંબંધ નથી. એવામાં આ મામલાને વધુ મહત્ત્વ ન આપવામાં આવે. નોંધનીય છે કે, બીએમસીની કાર્યવાહી બાદ શિવસેના લોકોને નિશાન પર આવી ગઈ છે. એનસીપી પ્રમુખ શરદ પવારે પણ બીએમસીની આ કાર્યવાહીને બિનજરૂરી જણાવી છે. એનસીપી અધ્યક્ષ શરદ પવારે મહારાષ્ટ્રના મુખ્યમંત્રી ઉદ્વવ ઠાકરેથી તેમના સરકારી નિવાસ ‘વર્ષા’ પર મુલાકાત કરી. રાજ્યના સત્તારૂઢ ગઠબંધનથી બંને સહયોગીઓની વચ્ચે ૫૦ મિનિટ સુધી બેઠક ચાલી. આ બેઠક હાઈકોર્ટ દ્વારા શિક્ષણ અને નોકરીઓમાં મરાઠીઓને અનામત આપવા સંબંધિત રાજ્યના ૨૦૧૮ના કાયદાનું ક્રિયાન્વયન પર રોક લગાવવાની પૃષ્ઠભૂમિમાં થઈ. બીએમસીએ બુધવારે અભિનેત્રી કંગના રનૌટના બાંદ્રા સ્થિત ઓફિસના ગેરકાયદેસર હિસ્સાને ધ્વસ્ત કરી દીધો. ત્યારબાદ હિમાચલ પ્રદેશથી મુંબઈ પહોંચેલી કંગનાએ અનેક ટિ્‌વટ કર્યા અને વીડિયો જાહેર કરીને શિવસેના અને મહારાષ્ટ્રના મુખ્યમંત્રી ઉદ્ધવ ઠાકરે પર પર જોરદાર બળાપો કાઢ્યો હતો.