કંગના હંમેશાં મોટી મોટી વાતો કરતી રહે છે : સની લિયોની

સની લિયોનીએ લાજવાબ પોસ્ટ કરી
બોલિવૂડમાં ડ્રગ્સના ઉપયોગ અને સ્ટાર્સ વિરુદ્ધ નિવેદનો પર જયા બચ્ચને અભિનેત્રી કંગના રનૌતની ટીકા કરી હતી
(સંપૂર્ણ સમાચાર સેવા)
મુંબઈ, તા.૧૯
સોશિયલ મીડિયા પર પોતાના બિન્ધાસ્ત નિવેદનો માટે જાણીતી અને છેલ્લા કેટલાક સમયથી સતત વિવાદોમાં રહેલી કંગના રનૌતે પોતાની એક ટિ્‌વટમાં સન્ની લિયોનનો ઉલ્લેખ કર્યો. હકીકતમાં, કંગનાએ ઉર્મિલા માતોંડકર વિશે ’સોફ્ટ પોર્ન એક્ટ્રેસ’ હોવા અંગેના તેના નિવેદનની સ્પષ્ટતા કરતી વખતે સની લિયોનીનો ઉલ્લેખ કર્યો હતો. હવે સની લિયોનીએ પણ એક પોસ્ટ મુકી છે, જેમાં તેનો ઈશારો સ્પષ્ટ રીતે કંગનાની કમેન્ટ તરફ જોવા મળી રહ્યો છે. એડલ્ટ ફિલ્મ ઇન્ડસ્ટ્રીને બાય બાય કરીને ઘણા સમય પહેલા ફિલ્મ ઈન્ડસ્ટ્રીમાં એન્ટ્રી કરનાર સની લિયોની લાંબા સમયથી બોલિવૂડમાં એક્ટિવ છે. સની લિયોનીએ કંગનાને નિશાન બનાવતાં પોસ્ટ કરી હતી કે, ” એ ફની છે કે લોકો તમારા વિશે ઓછું કેવી રીતે જાણે છે અને હંમેશાં મોટી મોટી વાતો કરે. હકીકતમાં, બોલિવૂડમાં ડ્રગ્સના ઉપયોગ અને સ્ટાર્સ વિરુદ્ધ નિવેદનો પર જયા બચ્ચને કંગનાની ટીકા કરી હતી. જે પછી તેણે જવાબમાં ઘણી વાતો કહી હતી. આ પછી ઘણા સેલેબ્સે જયા બચ્ચનને ટેકો આપવાનું શરૂ કર્યું. ઉર્મિલા માતોંડકર પણ જયા બચ્ચનના સમર્થનમાં આવી હતી અને કંગનાને તે ગમ્યું નહીં. કંગનાએ ઉર્મિલાનો ઉલ્લેખ પણ સોફ્ટ પોર્ન સ્ટાર તરીકે કર્યો હતો. ઉર્મિલાએ કંગનાને નિશાન બનાવતા કહ્યું કે, કંગના બોલીવુડમાં ડ્રગ્સ માફિયાઓનું નામ એનસીબીમાં જણાવવા માટે મુંબઈ આવી હતી, પરંતુ તેણે કોઈનું નામ લીધું નથી માત્ર ફિલ્મ માફિયા કહીને લોકોને બદનામ કરી રહી છે. ઉર્મિલાએ કહ્યું હતું કે, જો કંગનાએ લોકોના નામ જાહેર કર્યા તો તે તેમનું સમર્થન કરશે પરંતુ તે કોઈનું નામ લેતી નથી, આ શું સાબિત કરે છે. કંગનાએ ટાઇમ્સ નાઉને આપેલા ઇન્ટરવ્યુમાં કહ્યું હતું કે, ઉર્મિલા એક્ટિંગ માટે જાણીતી નથી, તે સોફ્ટ પોર્ન સ્ટાર છે. તેના નિવેદનની ટીકા થતાં કંગનાએ તરત જ અન્ય ટ્‌વીટ કર્યું કે, “જ્યારે ઉર્મિલા મને રૂદાલી અને પ્રોસ્ટિટ્યૂટ કહેતી ત્યારે તમારુ ફેમિનિઝમ ક્યાં ગયું હતું. બીજી એક ટિ્‌વટમાં કંગનાએ લખ્યું કે, ’લિબરલ બ્રિગેડે એક વખત વર્ચુઅલ લિંચિંગ દ્વારા એક જાણીતા લેખકને શાંત કરાવી દીધો કારણકે તેમણે કહ્યું હતું કે સની લિયોન આપણી રોલ મોડેલ ન હોવી જોઈએ. સની લિયોનને ઈન્ડસ્ટ્રીમાં એક કલાકાર તરીકે સ્વીકારવામાં આવે છે અને નકલી ફેમિનિસ્ટ્‌સ પોર્ન સ્ટાર્સ સાથેની સરખામણીને અચાનક જ અપમાન ગણાવે છે.’ સની લિયોનીએ કંગનાની આ જ વાત પર પોતાની પ્રતિક્રિયા વ્યક્ત કરી છે.