સુપ્રીમ કોર્ટમાંથી સ્પીકર જોશીએ અરજી પરત ખેંચી

હાઈકોર્ટના ચુકાદાને પડકાર્યો હતો
(સંપૂર્ણ સમાચાર સેવા)
નવી દિલ્હી, તા. ૨૭
રાજસ્થાનમાં રાજકીય ઘટનાક્રમમાં રોજ નવા વળાંક આવી રહ્યા છે. સ્પીકર સીપી જોશીએ હાઈકોર્ટના આદેશની વિરુદ્ધ સુપ્રીમ કોર્ટમાં દાખલ કરેલી અરજીને પરત ખેંચી લીધી છે. સુપ્રીમ કોર્ટમાં સીપી જોશની વકીલ કપિલ સિબ્બલે કોર્ટને જણાવ્યું કે, રાજસ્થાન હાઈકોર્ટે ૨૪ જુલાએ એક નવો આદેશ આપ્યો હતો જેમાં ૧૦મી અનુસૂચિની વ્યાખ્યા સહિત અનેક અન્ય મુદ્દા ઉઠાવ્યા હતા. સિબ્બલે જણાવ્યું હતું કે તેઓ કાયદાકીય વિકલ્પોની શોધ કરશે. વિધાનસભા સ્પીકર સીપી જોશીએ ફરિયાદ કરી હતી કે હાઈકોર્ટના આદેશ તેમના અધિકાર ક્ષેત્રમાં આવતો નથી. આ મામલે સુપ્રીમ કોર્ટમાં સોમવારે ૧૧ વાગ્યે સુનાવણી થવાની હતી જો કે તેના પહેલા જ સીપી જોશીએ તેમની અરજી પરત ખેંચી લીધી છે. રાજસ્થાન હાઈકોર્ટે સચિન પાયલટ સહિત ૧૯ ધારાસભ્યોને વિધાનસભા અધ્યક્ષ દ્વારા મોકલવામાં આવેલી અયોગ્યતાની નોટિસ પર સ્થિતિ જાળવી રાખવાનો શુક્રવારે આદેશ આપ્યો હતો.