અભ્યાસને છોડીને એક્ટિંગમાં કારકિર્દી પસંદ કરી
તે ફિઝિક્સમાં નેશનલ ઓલમ્પિયાડ વિજેતા પણ હતો
(સંપૂર્ણ સમાચાર સેવા) મુંબઈ, તા. ૧૫
રવિવારે આપણાથી અણધારી વિદાય લેનારાં બૉલિવૂડના જાણીતા એક્ટર સુશાંત સિંહે પોતાના ઉત્કૃષ્ટ પર્ફોમન્સથી આપણા સૌનું ઘણું મનોરંજન કર્યું છે. તેની એક્ટિંગને ઘણી પસંદ કરવામાં આવી. પરંતુ શું તમને ખબર છે કે સુશાંત અભ્યાસમાં પણ ઘણા સારા હતા. તેઓએ એન્જિનિયરિંગના અભ્યાસને છોડીને એક્ટિંગમાં કારકિર્દી પસંદ કરી હતી. પરંતુ એવું નહોતું કે તેઓ અભ્યાસમાં સરેરાશ હતા.
સુશાંતે વર્ષ ૨૦૦૩માં દિલ્હી કૉલેજ ઓફ એન્જિનિયરિંગ પ્રવેશ પરીક્ષામાં ઓલ ઈન્ડિયા સાતમો રેન્ક મેળવ્યો હતો. ત્યારબાદ સુશાંતસિંહે દિલ્હીની કૉલેજ ઓફ એન્જિનિયરિંગ (હવે દિલ્હી ટેક્નીકલ યુનિવર્સિટી)થી મિકેનિકલ એન્જિનિયરિંગનો અભ્યાસ શરૂ કર્યો પરંતુ કોર્સના ત્રીજા વર્ષે તેમણે અભ્યાસ છોડીને એક્ટિંગ શરૂ કરી દીધી. તે ફિઝિક્સમાં નેશનલ ઓલમ્પિયાડ વિનર પણ હતા.
ૈંજીસ્ ધનબાદ સહિત તેઓએ લગભગ ૧૧ એન્જિનિરિંગ પરીક્ષાઓ પાસ કરી હતી. તેઓએ થિયેટર અને ડાન્સ જોઇન કર્યા બાદ અભ્યાસનો સમય મુશ્કેલીથી મળી શકતો હતો તેથી તેઓએ ડ્ઢ્ેં છોડી દીધું.