All posts by Sampurna Samachar

શંકરસિંહ હવે ચૂંટણી જીતી તથા જીતાડી શકે તેમ નથી

ગુજરાતના ભૂતપૂર્વ મુખ્યમંત્રી તથા છેલ્લા લગભગ ૨૦ વર્ષ સુધી કોંગ્રેસમાં રહ્યાં બાદ કોંગ્રેસમાંથી રાજીનામુ આપીને નવા રાજકીય પક્ષ જન વિકલ્પ નામના પક્ષની સ્થાપના કરનાર શંકરસિંહ વાઘેલા હવે ત્રીજા મોરચાના નામે ગુજરાતમાં ચુંટણી લડવા માંગે છે તેમણે જન વિકલ્પ નામના પક્ષની સ્થાપના કરી છે અને એ જાહેરાત કરી હતી કે અમારો પક્ષ અન્ય બીજા પક્ષો સાથે મોરચો બનાવીને ગુજરાતની બધી ૧૮૨ બેઠકો ઉપર ચુંટણી લડીશું.પરંતુ શંકરસિંહ વાધેલાના નવા પક્ષ જન વિકલ્પના કોઇ ઉમેદવાર ચુંટાઇ શકે તેમ નથી તથા શંકરસિંહ વાધેલા દ્વારા આ ઉમેદવારોને જીતાડી શકાય તેમ નથી.તેવું એક કોંગ્રેસના આગેવાને જણાવ્યું હતું. આ આગેવાને વધુમાં જણાવ્યું હતું કે ગુજરાતમાં ઘણા મુખ્યમંત્રીઓએ ત્રીજા પક્ષની રચના કરી હતી પરંતુ ગુજરાતમાં ભાજપ અને કોંગ્રેસ સિવાય કોઇ ત્રીજો પક્ષ સત્તા પર આવી શકયો નથી અત્યાર સુધીમાં ભૂતપૂર્વ મુખ્યમંત્રીઓમાં ચિમનભાઇ પટેલના કિમલોપ પક્ષને ૧૪ બેઠકો મળી હતી. ગુજરાતમાં ભૂતપૂર્વ મુખ્યમંત્રી શ્રી ચિમનભાઇ પટેલે કોંગ્રેસમાંથી અલગ થઇ ગયા બાદ કિસાન મજદુર લોક પક્ષ કિમલોપ પક્ષની સ્થાપના કરી હતી તેમને ૧૯૭૫ની સાલમાં થયેલી ચુંટણીમાં માત્ર ૧૪ બેઠકો મળી હતી.આવી જ રીતે મુખ્યમંત્રી રહી ચુકેલા શંકરસિંહ વાઘેલાએ ભારતીય જનતા પક્ષમાંથી છુટા પડીને રાષ્ટ્રીય જનતા પાર્ટી રાજપા પક્ષની સ્થાપના કરી હતી.આ પક્ષને વિધાનસભાની ચુંટણીમાં માત્ર ૪ બેઠકો જ મળી હતી. આવી જ રીતે ભૂતપૂર્વ મુખ્યમંત્રી શ્રી કેશુભાઇ પટેલે ભાજપમાંથી છુટા પડીને ગુજરાત પરિવર્તન પાર્ટી નામના પક્ષની સ્થાપના કરી હતી. તેમને ગઇ ૨૦૧૨ની વિધાનસભાની ચુંટણીમાં માત્ર બે બેઠકો જ મળી હતી. આવી જ રીતે મુખ્યમંત્રી નહીં રહેલા પરંતુ મંત્રીમંડળમાં બીજા ક્રમાંકનું સ્થાન ભોગવનાર અને મુખ્યમંત્રી જેવી જ કામગીરી કરનાર રતુભાઇ અદાણીએ કોંગ્રેસમાંથી છુટા થઇને અલગ પક્ષની સ્થાપના કરી હતી. તેના પક્ષને માત્ર સાત બેઠકો મળી હતી.આ કોંગ્રેસી આગેવાને જણાવ્યું હતું કે હજુ એક દોઢ મહીના પહેલા કોંગ્રેસમાંથી છુટા થયેલા શંકરસિંહ વાઘેલા પોતે ચુંટણી જીતી શકે તેમ નથી તેમણે છેલ્લી ત્રણ લોકસભાની બેઠકો ગુમાવી હતી. વર્ષ ૨૦૧૪ની ચુંટણીમાં લોકસભાની સાબરકાંઠા બેઠક પરથી શંકરસિંહ વાધેલા ચુંટણી લડયા હતાં પણ હારી ગયા હતાં. તે અગાઉ ગોધરામાંથી કોંગ્રેસના ઉમેદવાર તરીકે ચુંટણી લડયા હતાં પરંતુ વર્ષ ૨૦૦૯ની ચુંટણીમાં તેઓ હારી ગયા હતાં. તે અગાઉ પણ લોકસભાની ચુંટણીમાં તેઓ હારી ગયા હતાં. વાધેલા માત્ર રાજયસભામાં એકવાર ચુંટાયા હતાં અને એકવાર લોકસભાની બેઠક પરથી જીત્યા હતાં. આ ઉપરાંત વર્તમાન વિધાનસભામાં વર્ષ ૨૦૧૨માં કપડવંજથી ચુંટણી લડયા હતાં અને કોંગ્રેસના ઉમેદવાર તરીકે વિધાનસભામાં ચુંટાઇ આવીને વિરોધ પક્ષ કોંગ્રેસ પક્ષના નેતા રહ્યાં હતાં. આ અગાઉ જયારે તેમણે ભાજપની સામે બળવો પોકાર્યો હતો અને રાજપા પક્ષની સ્થાપના કરી હતી ત્યારે રાજપા પક્ષ તરફથી રાધનપુરમાંથી પેટાચુંટણી લડીને વિધાનસભામાં ચુંટાઇ આવ્યા હતાં અને મુખ્યમંત્રી બન્યા હતાં. પરંતુ તેઓ ભાજપ અને કોંગ્રેસ સામે અવારનવાર બળવો કરે છે ત્યારે તેઓ ભાજપ કે કોંગ્રેસ સિવાયના કોઇ પક્ષમાંથી ચુંટાઇ આવતા નથી તથા તેમના પક્ષના બીજા ઉમેદવારોને જીતાડી શકતા નથી. આ વર્ષે થનારી વિધાનસભાની ચુંટણીમાં પણ આવી પરિસ્થિતિ ઉત્પન્ન થશે જન વિકલ્પ પક્ષમાંથી કોઇ ઉમેદવાર જીતી શકે તેમ નથી. કે સંકરસિંહ દ્વારા આ ઉમેદવારોને જીતાડી શકાય તેમ નથી. રાજપા પક્ષની સ્થાપના કરી હતી ત્યારે આ પક્ષના અધ્યક્ષ તરીકે આદિવાસીઓમાં આંદોલન ચલાવનાર મધુસુદન મિસત્રી ને રાજપા પક્ષના અધ્યક્ષ બનાવ્યા હતાં મધુસુદન મિસત્રી ૨૦ વર્ષ પહેલા શંકરસિંહ વાધેલા સાથે કોંગ્રેસમાં જાડાયા હતાં પરંતુ તેઓ અત્યારે સંકરસિંહે કોંગ્રેસમાંથી રાજીનામુ આપ્યું છે ત્યારે તેઓ કોંગ્રેસ પક્ષમાં ચાલુ રહ્યાં છે. આ કોંગ્રેસી આગેવાને વધુમાં જણાવ્યું હતું કે શંકરસિંહનો હવે કોઇ વિશ્વાસ રાખી શકે તેમ નથી તેઓ તો નવા પક્ષની સ્થાપના કરીને ડુબે છે પરંતુ બીજાને પણ ડુબાડે છે.આથી તેમની સાથે કોંગ્રેસમાંથી કોઇ મોટા માથા નિકળીને જન વિકલ્પ પક્ષમાં જાડાયા નથી.આમ વાઘ કે સિંહના નખ અને દાંત તુટી પડે છે ત્યારે દાંત અને નખ વગરના વાઘ કે સિંહ શિકાર કરી શકે તેમ નથી. તેવી જ રીતે શંકરસિંહ હવે દાંત અને નખ વગરના સિંહની જેમ કોઇને જીતાડી શકે તેમ નથી. આથી તેમની સાથે જન વિકલ્પ પક્ષમાં કોઇ મોટા માથા કોંગ્રેસમાંથી જાડાયા નથી.
 

ઓબીસી અનામત : ક્રિમિલેયરની આવક મર્યાદા ૮ લાખ કરી દેવાઈ

એક મહત્વપૂર્ણ ઘટનાક્રમમાં નાણામંત્રી અરુણ જેટલીએ આજે એક મોટી જાહેરાત કરી દીધી હતી. આના ભાગરુપે કેન્દ્ર સરકારે ઓબીસી અનામત માટે ક્રિમિલેયરની આવક મર્યાને વધારી દીધી છે. હવે આઠ લાખ રૂપિયા સુધી વાર્ષિક કમાણી કરનાર અન્ય પછાત જાતિ (ઓબીસી) ક્રિમિલેયરમાં આવશે. પહેલા આ મર્યાદા છ લાખ રૂપિયા હતી. સરકારના આ નવા નિર્ણયના પરિણામ સ્વરુપે હવે ઓબીસી વર્ગમાં વધુ લોકોને નોકરી અને ભરતીમાં અનામતના લાભ મળી શકશે. જેટલીએ કહ્યું હતું કે, ઓબીસીની યાદીમાં સબ કેટેગરી બનાવવા માટેની દિશામાં એક પંચની રચના કરવા માટે રાષ્ટ્રપતિની પાસે ભલામણ મોકલવામાં આવી છે. આનાથી લાભથી વંચિત રહી ગયેલા લોકોને પણ સામેલ કરી શકાશે. હજુ સુધી છ લાખ રૂપિયા અથવા તો તેનાથી વધુની વાર્ષિક આવક ધરાવનાર ઓબીસી પરિવારનો લાભ મેળવનારની યાદીથી દૂર કરીને ક્રિમિલેયરમાં રાખવામાં આવ્યા હતા. આ આવક વર્ગના ઓબીસીને કોઇ પ્રકારના લાભ મળી રહ્યા ન હતા. અત્રે નોંધનીય છે કે, કેન્દ્ર સરકારે ક્રિમિલેયરની પરિભાષા ફરીવાર નક્કી કરવા તૈયારી કરી છે. વધુ જરૂરિયાતવાળા લોકોને તથા સમાજના નિચલા વર્ગના લોકોને અનામતના લાભ મળી શકે તે દિશામાં પહેલ થઇ રહી છે. ઓબીસી અનામત માટે છેલ્લી સમીક્ષા ૨૦૧૩માં કરવામાં આવી હતી. અરુણ જેટલીએ આજે આ જાહેરાત કર્યા બાદ તેનો સીધો ફાયદો સામાન્ય લોકોને મળી શકે છે. જેટલીએ આજે કહ્યું હતું કે, સરકાર દ્વારા અન્ય પછાત જાતિ અથવા તો ઓબીસીની પેટા કેટેગરીની ચકાસણી કરવા એક કમિશનની રચના કરશે. ઓબીસી ક્રિમિલેયરની મર્યાદાને છ લાખથી વધારીને હવે આઠ લાખ કરી દેવામાં આવી છે. આ કમિશન ચેરમેનની નિમણૂંકના ૧૨ સપ્તાહની અંદર અહેવાલ સુપરત કરશે. નેશનલ કમિશન ફોર બેકવર્ડ ક્લાસ (એનસીબીસી)એ તેના અહેવાલમાં ત્રણ કેટેગરીની અંદર પેટા કેટેગરી બનાવવા માટે સરકારને ભલામણ કરી હતી. એનસીબીસીએ ઓબીસીની અંદર પેટા કેટેગરીની ભલામણ કરીને આમા સૌથી પછાત જાતિ (ગ્રુપએ), વધુ પછાત વર્ગ (ગ્રુપ બી), પછાત વર્ગ (ગ્રુપ સી)ની વાત કરી હતી. એવી ભલામણ પણ કરવામાં આવી હતી કે, સૌથી પછાત જાતિઓને અલગગ્રુપમાં રાખવામાં આવે તે જરૂરી છે. આનાથી તેમને વધુ સુવિધા આપી શકાશે. ઓબીસી અનામતના સંદર્ભમાં આજે કરવામાં આવેલી જાહેરાતને ખુબ મોટી જાહેરાત તરીકે ગણવામાં આવે છે. આનાથી ઓબીસી વર્ગના વધુ લોકોને નોકરી અને ભરતીમાં સીધો ફાયદો થશે.
 

મેકડોનાલ્ડના રેસ્ટોરન્ટ હવે બંધ થાય તેવી પ્રબળ શક્યતા

મેકડોનાલ્ડ ઇન્ડિયાએ આજે જાહેરાત કરી હતી કે, તે વિક્રમ બક્ષીની કોનોટ પ્લાઝા રેસ્ટોરન્ટ સાથે તેની ફ્રેન્ચાઈઝ સમજૂતિનો અંત લાવી ચુકી છે. ૧૬૯ રેસ્ટોરન્ટ હાલમાં ઓપરેટેડ હતા જે હવે ૧૫ દિવસની અંદર મેકડોનાલ્ડના નામનો ઉપયોગ કરી શકશે નહીં. કોનોટ પ્લાઝા રેસ્ટોરન્ટ પ્રાઇવેટ લિમિટેડ મેકડોનાલ્ડના ઉત્તર અને પૂર્વીય ભારતમાં આઉટલેટ ચલાવે છે. આજે સીપીઆરએલ બોર્ડને નોટિસ આપીને આ અંગેની જાણ કરી દેવામાં આવી છે. આ સંદર્ભમાં તમામ પ્રકારની વિગતો ઉપલબ્ધ કરાવવામાં આવી રહી છે. સમાજના દરેક વર્ગમાં મેકડોનાલ્ડ જેવી બ્રાન્ડ જાણિતી બની ચુકી છે. મેકડોનાલ્ડ રેસ્ટોરન્ટ હવે હાઉસફુલની સ્થિતિમાં રહે છે. મેકડોનાલ્ડે સીપીઆરએલ લાયસન્સને રદ્દ કરી દેતા ઉત્તર પૂર્વમાં ૧૬૯ આઉટલેટ બંધ થવાની સ્થિતિમાં આવી ગયા છે. ફ્રેન્ચાઈઝી એગ્રીમેન્ટનો અંત લાવી દેવામાં આવ્યો છે. ઉત્તર અને પૂર્વ ભારતમાં કોનોટ પ્લાઝા રેસ્ટોરન્ટ પ્રાઇવેટ લિમિટેડ દ્વારા મેકડોનાલ્ડના રેસ્ટોરન્ટ ચલાવવામાં આવી રહ્યા હતા જેમાં તમામ રેસ્ટોરન્ટનો સમાવેશ થાય છે. મેકડોનાલ્ડના ફેમિલી રેસ્ટોરન્ટ વધારે જાણિતા રહ્યા છે. એક નિવેદન જારી કરીને કહેવામાં આવ્યું છે કે, ૨૯મી જૂનના દિવસે કંપનીએ દિલ્હીમાં તેના ૪૦ રેસ્ટોરન્ટમાં ઓપરેશનને બંધ કરવાની જાહેરાત કરી હતી. અનેક આઉટલેટના ઇટિંગ હાઉસ લાયસન્સની અવધિ પૂરી થઇ ગઇ હતી જેના પરિણામ સ્વરુપે સીપીઆરએલને મેકડોનાલ્ડ સિસ્ટમનો ઉપયોગ કરવાથી રોકે છે. મેકડોનાલ્ડ દ્વારા આ સંદર્ભમાં પ્રતિક્રિયા આપી દેવામાં આવી છે. આ જાહેરાત ખુબ જ મહત્વપૂર્ણ છે કારણ કે, નેશનલ કંપની લો ટ્રીબ્યુનલે ૧૩મી જુલાઈનાદિવસે સીપીઆરએલના મેનેજિંગ ડિરેક્ટર તરીકે વિક્રમ બક્ષીને યથાવત રાખ્યા હતા. એમઆઈપીએલને બક્ષી વચ્ચે સંયુક્ત સાહસ છે જે ૫૦-૫૦ છે. બક્ષીને ઓગસ્ટ ૨૦૧૩માં એમડી તરીકે દૂર કરવામાં આવ્યા હતા.
 

પર્સનલ લોન ઉપર પ્રોસેસિંગ ફીમાં ભારે છુટછાટનો નિર્ણય

રિટેલ લોન પોર્ટફોલિયોને પ્રોત્સાહન આપવાના હેતુસર દેશની સૌથી મોટી ધિરાણ આપતી બેંક સ્ટેટ બેંક ઓફ ઇન્ડિયાએ પોતાની અનેક રિટેલ લોન ઉપર પ્રોસેસીંગ ફીમાં ધરખમ રાહતો આપી દીધી છે. બેંકે આજે એક નિવેદન જારી કરીને કહ્યું હતું કે, કાર લોન, પર્સનલ લોન અને પર્સનલ ગોલ્ડ લોન પર પ્રોસેસિંગ ફીમાં ૧૦૦ ટકાની છુટછાટ આપવામાં આવશે. આ ફી માફી બીજી બેંકોની હોમ લોનને ટેકઓવર કરવા ઉપર મળનાર છુટછાટ સિવાયની છે. બેંક દ્વારા જાહેર કરવામાં આવેલા તહેવારના ઉત્સવની યોજનાના ભાગરુપે આની જાહેરાત કરવામાં આવી છે. તહેવારની સિઝન માટે આ અંગેની જાહેરાત કરવામાં આવ્યા બાદ સામાન્ય લોકોને મોટી રાહત મળી શકે છે. હોમલોનના ટેકઓવર પર જાહેરક્ષેત્રોની બેંકોએ અગાઉ પ્રોસેસીંગ ફી માફી કરી હતી. કાર લોન ઉપર પ્રોસેસિંગ ફી એવા ગ્રાહકોને માફી મળશે જે ૩૧મી ડિસેમ્બર ૨૦૧૭ સુધી અરજી કરી શકશે. એટલે કે ૩૧મી ડિસેમ્બર ૨૦૧૭ સુધી કાર લોન ઉપર સમગ્ર પ્રોસેસિંગ ફી માફી રહેશે. આવી જ રીતે ૩૧મી ઓક્ટોબર ૨૦૧૭ સુધી પર્સનલ ગોલ્ડ લોન ઉપર અડધી પ્રોસેસિંગ ફી રહેશે. ૩૦મી સપ્ટેમ્બર ૨૦૧૭ સુધી ગ્રાહક એક્સપ્રેસ ક્રેડિટ પર્સનલ લોન ઉપર પ્રોસેસિંગ ફીમાં ૫૦ ટકાની છુટછાટ મેળવી શકે છે. કંપનીએ આ જાહેરાત સેવિંગ્સ એકાઉન્ટમાં જમા કરવામાં આવેલી રકમ ઉપર વ્યાજદરમાં ઘટાડો કરવામાં આવ્યાના ત્રણ સપ્તાહ બાદ કરી છે. ત્યારબાદ રિઝર્વ બેંક ઓફ ઇન્ડિયાએ પણ વ્યાજદરમાં ૫૦ બેઝિક પોઇન્ટનો ઘટાડો કર્યો હતો. અધિકારીઓના કહેવા મુજબ આ મહિનાના અંત સુધીમાં એસબીઆઈ સમીક્ષા દરમિયાન એમસીએલઆરના દરોમાં કાપ મુકી શકે છે. એમસીએલઆર શું છે તેને લઇને હમેશા ચર્ચા રહે છે. હકીકતમાં માર્જિનલ કોસ્ટ ઓફ ફંડ પર આધારિત ધિરાણ દર છે જે લોન નક્કી કરતી વેળા બેંકોની ફોર્મ્યુલા તરીકે છે. એમસીએલઆર, ધિરાણના દર, ડિપોઝિટના દરના આધારે નક્કી કરવામાં આવે છે. માર્જિનલ કોસ્ટ ઓફ ફંડિંગના આધાર પર દરો નક્કી કરવાના પરિણામ સ્વરુપે હવે બેંકોને એક દિવસથી લઇને એક વર્ષની અવધિ માટે પાંચ બેંચમાર્ક રેટ નક્કી કરવામાં આવશે. બેંકો દ્વારા હાલની હિલચાલને મહત્વપૂર્ણ ગણવામાં આવી રહી છે. એસબીઆઈના રિટેલ એડવાન્સનો આંકડો એક વર્ષના આધાર પર ૧૩.૩૧ ટકા રહ્યો છે. જુન ૨૦૧૬માં આ આંકડો ૪૩૨૪૫૫ કરોડનો હતો જે વધીને જુન ૨૦૧૭માં ૪૯૦૦૦૫ કરોડ થઇ ગયો છે. જૂન ૨૦૧૬માં બેંકની હોમ લોનનો આંકડો ૨૪૮૭૦૯ કરોડ રૂપિયા હતો જે એક વર્ષ અગાઉ ત્રિમાસિક ગાળામાં ૨૮૩૩૩૧ કરોડ રૂપિયાનો હતો. આમા વાર્ષિક આધાર પર ૧૩.૯૨ ટકાનો નોંધપાત્ર વધારો થયો છે. એસબીઆઈ દ્વારા પર્સનલ લોન પર પ્રોસેસિંગ ફીમાં જંગી રાહતો આપવામાં આવ્યા બાદ આગામી દિવસોમાં આનો લાભ ઉઠાવવા માટે ગ્રાહકોનો જારદાર ધસારો રહે તેવી શક્યતા દેખાઈ રહી છે.
 

તુટેલા રસ્તા મામલે ઈજનેરો દ્વારા કોઇ તપાસ કરાઈ નથી

અમદાવાદ શહેરમાં ગત જુલાઈ માસમાં પડેલા ભારે વરસાદને પગલે શહેરના વિવિધ વિસ્તારોમાં કુલ મળીને ૨૦૨ કિલોમીટરના રસ્તાઓ તુટી જવા પામ્યા છે આ તુટેલા રસ્તાઓ મામલે થયેલા એક ચોંકાવનારા ઘટસ્ફોટમાં કહેવામા આવ્યુ છે કે જે સમયે શહેરના કોઈ પણ વિસ્તારમાં રસ્તો બની રહ્યો હોય એ સમયે મ્યુનિ.તંત્રમા ફરજ બજાવતા એડીશનલ ઈજનેર સહીત કુલ છ અધિકારીઓની એ સંયુકત જવાબદારી બનતી હોય છે કે તેઓ એ બાબતની ચકાસણી કરે કે રોડ ગુણવત્તા મુજબ બન્યો છે કે કેમ.સત્તાવારસૂત્રોના કહેવા મુજબ છેલ્લા બે વર્ષ દરમિયાન આવી કોઈ ચકાસણી કરવામા આવી જ ન હતી. આ અંગે મળતી માહિતી અનુસાર,અમદાવાદ શહેરમાં જુલાઈ માસ દરમિયાન પડેલા ૩૪ ઈંચ જેટલા ભારે વરસાદને પરીણામે શહેરના વિવિધ વિસ્તારોમાં બનાવવામા આવેલા કુલ મળીને ૨૦૨ કિલોમીટરના રસ્તાઓ તુટી જવા પામ્યા છે.મ્યુનિસિપલ કોર્પોરેશનના સત્તાવાર સૂત્રોમાંથી મળતી વિગતો અનુસાર,નિયમ અનુસાર અમદાવાદ શહેરમાં કોઈ પણ વિસ્તારમાં જે સમયે રોડ બની રહ્યો હોય એ સમયે મ્યુનિસિપલ કોર્પોરેશનના જે તે ઝોનના એડીશનલ ઈજનેર ઉપરાંત આસીસ્ટન્ટ ઈજનેર સહીતની કુલ છ અધિકારીઓને રોડ યોગ્ય ગુણવત્તા વાળો બનાવવામા આવ્યો છે કે કેમ તેનુ સ્થળ તપાસ કરીને નિરીક્ષણ કરવાનુ હોય છે. આ સાથે જ એક આસીસ્ટન્ટ ઈજનેરને પેવર પ્લાન્ટ ઉપર ફરજ સોંપવામા આવતી હોય છે જે પ્લાન્ટમાં રોડ તૈયાર કરવા માટે તૈયાર કરવામા આવેલુ મિશ્રણ બરોબર તૈયાર કરવામા આવ્યુ છે કે કેમ તેની ચકાસણી કરતા હોય છે.દરમિયાન રોડ બનતો હોય એ સમયે જે પણ રિપોર્ટ તૈયાર કરવામા આવે તેને એડીશનલ ઈજનેર સમક્ષ મુકવામા આવતો હોય છે.એડીશનલ ઈજનેર આ રિપોર્ટને જાયા બાદ સ્થળ તપાસ કરતા હોય છે એ પછી જ જે તે કોન્ટ્રાકટરના બીલને આગળની કાર્યવાહી માટે મોકલવામા આવતા હોય છે. અમદાવાદ શહેરમાં છેલ્લા બે વર્ષમાં માત્ર થર્ડ પાર્ટી ઈન્સપેકશનના નામે બધુ લોલમલોલ ચાલ્યુ હોવાના કારણે રસ્તાઓ તુટવા પામ્યા છે. વિપક્ષનેતા શર્માએ રસ્તાઓના મામલે મ્યુનિ. અધિકારીઓને છાવરવામા આવી રહ્યા હોવાનો આક્ષેપ લગાવ્યો છે.તો સ્ટેન્ડિંગ કમિટી ચેરમેન પ્રવિણ પટેલ દ્વારા તપાસ પુરી થયા બાદ કોઈને પણ છોડવામાં નહી આવે એમ ફરી થી કહ્યુ છે.ઉલ્લેખનીય છે કે,આગામી ૧૧ સપ્ટેંબરે હાઈકોર્ટ દ્વારા મ્યુનિ.કમિશનરને રસ્તાઓ મામલે રિપોર્ટ રજુ કરવા આદેશ કર્યો છે.
 

મંગળવારે હડતાળ પર જવા બેંકોની ધમકી : સેવા ઠપ થશે

મંગળવારના દિવસે હડતાળ ઉપર જવાની બેંકોએ ધમકી આપી દીધી છે જેના પરિણામ સ્વરુપે બેંકિંગ સેવા સંપૂર્ણપણે ઠપ થઇ જાય તેવા સંકેત મળી રહ્યા છે. સરકારની સૂચિત હિલચાલ સામેના વિરોધમાં બેંકિંગ કર્મચારીઓએ હડતાળ પર જવાનો નિર્ણય કર્યો છે. જાહેર ક્ષેત્રની બેંકોની સેવા મંગળવારના દિવસે ઠપ રહેશે. કારણ કે, યુએફબીયુના છત્ર હેઠળ તમામ યુનિયનો હડતાળ પર જવાની ધમકી આપી દીધી છે. મોટાભાગની બેંકોએ તેમના કસ્ટમરોને પહેલાથી જ સૂચના આપી દીધી છે કે, બ્રાન્ચો અને ઓફિસોમાં કામગીરી જા હડતાળ પડશે તો ખોરવાશે. બીજી બાજુ આઈસીઆઈસીઆઈ બેંક, એચડીએફસી બેંક, એક્સિસ બેંક, કોટક મહિન્દ્રા જેવી ખાનગી બેંકોમાં ઓપરેશન ચેક ક્લીયરન્સમાં વિલંબ સિવાય સામાન્ય રહે તેવી શક્યતા છે. ઓલ ઇન્ડિયા બેંક ઓફિસર્સ કન્ફડરેશન, ઓલ ઇન્ડિયા બેંક એમ્પ્લોઇઝ એસોસિએશન, નેશનલ ઓર્ગેનાઇઝેશન ઓફ બેંક વર્કર્સ સહિત નવ યુનિયનોની છત્ર સંસ્થા યુનાઈટેડ ફોરમ ઓફ બેંક યુનિયન હેઠળ યુનિયનો હડતાળ ઉપર જવાના છે. ચીફ લેબર કમિશનર સાથેની તેમની મિટિંગ ફ્લોપ થઇ છે જેના પરિણામ સ્વરુપે હડતાળ ઉપર જવા સિવાય તેમની પાસે કોઇ વિકલ્પ રહ્યો નથી. એઆઈબીઓસીના જનરલ સેક્રેટરી ડીટી ફ્રેન્કો દ્વારા આજે આ મુજબની માહિતી આપવામાં આવી હતી. તેમણે કહ્યું હતું કે, યુનિયનો દ્વારા ઉઠાવવામાં આવેલી માંગણીઓનો ઉકેલ લાવવા માટે તમામ પ્રયાસો કરવામાં આવી ચુક્યા છે પરંતુ પરિણામો મળ્યા નથી જેના લીધે હવે યુનાઇટેડ ફોરમ ઓફ બેંક યુનિયને ૨૨મી ઓગસ્ટના દિવસે હડતાળ પાડવાનો નિર્ણય લેવામાં આવ્યો છે. હડતાળના પરિણામ સ્વરુપે બેંકિંગ સેવા ખોરવાઈ જાય તેવી શક્યતા છે. યુએફબીયુ ૧૦ લાખ બેંકોની મેમ્બરશીપ ધરાવતી હોવાનો દાવો કર્યો છે.
 

જીયોના ફોરજી ફીચર ફોનનું પ્રિ-બુકિંગ : લોકો ભારે ઉત્સુક

રિલાયન્સ જીયોના ફોરજી ફિચર ફોનના બીટા ટેસ્ટિંગ માટેની પ્રક્રિયા શરૂ થઇ ચુકી છે. હવે માત્ર આ ફોરજી ફિચર ફોનના બીટા ટ્રાયલની શરૂઆત થઇ છે. સામાન્ય ગ્રાહકો માટે આ ફોન હાલ ઉપલબ્ધ કરાવવામાં આવશે. બીટા ટ્રાયલનો હેતુ સામાન્ય ગ્રાહકોને ફોન આપતા પહેલા તેના સોફ્ટવેર અને હાર્ડવેરમાં રહેલી ખામીઓને શોધી કાઢવાનો રહેલો છે. જા કે, જીયો ફોનની સત્તાવાર બુકિંગની પ્રક્રિયા ૨૪મી ઓગસ્ટથી શરૂ થશે. દિલ્હી-એનસીઆરના પસંદગીના રિટેલ સ્ટોરે ઓફલાઈન આ હેન્ડસેટ માટે પ્રી ઓર્ડર લેવાની શરૂઆત કરી દીધી છે. હેન્ડસેટના ઓનલાઈન બુકિંગની શરૂઆત ૨૪મી ઓગસ્ટ માયજીયો એપ મારફતે થશે. આ ઉપરાંત એસએમએસથી પણ જીયો ફોરજી ફોન માટે બુકિંગની શરૂઆત થશે. આ ફોનને માયજીયોએપ અને ઓફલાઇન માધ્યમથી બુક કરાવી શકાયછે. અધિકૃત જીયો રિટેલરને આધાર કાર્ડની એક ફોટો કોપી આપવાની રહેશે. રિલાયન્સ જીયો આઉટલેટમાં પણ આધાર કાર્ડ વગર જીયો ફોન માટે બુકિંગ કરી શકાશે નહીં. આધાર કાર્ડની નકલ આપવામાં આવ્યા બાદ અનેક માહિતી સોફ્ટવેરમાં અપલોડ કરવામાં આવશે. ત્યારબાદ એક ટોકન નંબર આપવામાં આવશે. આ ટોકન નંબર ફોન લેતી વેળા કામ આવશે. હાલ દેશભરમાં એક આધાર નંબર પણ જ ફોનના બુકિંગની પ્રક્રિયા ચાલી રહી છે. એક આધાર નંબર પર જ ફોન મળશે. જીયો ફોન એક રીતે મફતમાં ઉપલબ્ધ કરાવવામાં આવનાર છે પરંતુ શરૂઆતમાં સિક્યુરિટી તરીકે ૧૫૦૦ રૂપિયા જમા કરાવવાના રહેશે. જીયોના કહેવા મુજબ ૩૬ મહિના ઉપયોગ કરવામાં આવ્યા બાદ ગ્રાહક આ રકમને પરત મેળવી શકે છે. સૌથી પહેલા કંપનીની વેબસાઇટ ઉપર જઇને નામ, ઇ-મેઇલ આઈડી, એરિયા પીનકોડ અને ફોન નંબરની નોંધણી કરાવી પડશે.
 

નવી હજ નીતિ : વારંવાર હજ યાત્રાએ જવા પર બ્રેક મુકાશે

સરકાર નવી હજનીતિ બનાવવા જઇ રહી છે જેમાં એકથી વધુ વખત હજ યાત્રા કરી ચુકેલા લોકો પર પ્રતિબંધ મુકવામાં આવી શકે છે. નવી હજનીતિ ૨૦૧૮નું કામ અંતિમ તબક્કામાં પહોંચી ગયું છે અને આગામી વર્ષથી હજ યાત્રા આ નવી હજ નીતિ હેઠળ આયોજિત કરવામાં આવશે. નવી હજ નીતિના મહત્વપૂર્ણ મુદ્દાઓમાં દરિયાઈ માર્ગથી પણ હજ યાત્રાને બીજી વખત શરૂ કરવાના વિકલ્પ ઉપર વિચારણા ચાલી રહી છે. નવી નીતિમાં આ બાબત ઉપર ખાસ ધ્યાન આપવામાં આવી રહ્યું છે કે, વારંવાર હજ યાત્રા કરનાર લોકો ઉપર રોક મુકવામાં આવશે. જીવનમાં એક જ વખત હજ યાત્રા પર જવાની જાગવાઈ કરવામાં આવી શકે છે. લઘુમતિ બાબતોના મંત્રાલયના સુત્રોએ કહ્યું છે કે, નવી હજ નીતિના સંદર્ભમાં જુદા જુદા સંબંધિત લોકો સાથે વાતચીત કરવામાં આવી ચુકી છે. સુપ્રીમ કોર્ટના વર્ષ ૨૦૧૨ના આદેશ મુજબ આ નીતિ લાગૂ કરવામાં આવનાર છે જે હેઠળ હજ યાત્રાને સરળ, સસ્તી અને પારદર્શી બનાવવામાં આવશે. ગરીબ લોકોને પણ હજયાત્રાની તક મળી શકે તેનો હેતુ રહેલો છે. ગરીબ લોકો વારંવાર હજ યાત્રાથી વંચિત રહી જાય છે. આવી સ્થિતિમાં નવી હજ નીતિમાં આ દરખાસ્તને પણ મહત્વ આપવામાં આવી રહ્યું છે. અમીર લોકો વારંવાર હજ યાત્રા ઉપર પહોંચી જાય છે. આના બદલે હવે જીવનમાં એક જ વખત હજ યાત્રા પર જવાની જાગવાઈ કરવામાં આવે તેવીશક્યતા છે. આનો મુખ્ય હેતુ ગરીબથી ગરીબ લોકો પણ હજ યાત્રાની તક આપવાનો છે. હજ સબસિડીને ખતમ કરવા સાથે સંબંધિત જુદા જુદા પાસાઓ ઉપર પણ ગંભીરતાપૂર્વક વિચારણા ચાલી રહી છે. લઘુમતિ બાબતોના પ્રધાન મુખ્તાર અબ્બાસ નકવીનું કહેવું છે કે, હજ નીતિ ૨૦૧૮ નક્કી કરવા માટે ઉચ્ચ સ્તરીય કમિટિ પોતાના રિપોર્ટને તૈયાર કરવાને લઇને અંતિમ તબક્કામાં છે. નવી નીતિને આ મહિનાના અંત સુધી જારી કરી દેવામાં આવશે. નવી હજ પોલિસીનો ઉદ્દેશ્ય હજની સંપૂર્ણ પ્રક્રિયાને વધુ સરળ અને પારદર્શી બનાવવાનો છે. હજ યાત્રા માટે જુદી જુદી સુવિધાઓને ખાસ ધ્યાનમાં લેવામાં આવશે. દરયાઈ માર્ગથી હજ યાત્રા શરૂ કરવામાં આવનાર છે. હજ યાત્રીઓને મુંબઈથી દરિયાઈ માર્ગ મારફતે જિદ્દાહ જવાનો સિલસિલો ૧૯૯૫માં રોકી દેવાયો હતો. હજ યાત્રીઓને દરિયાઈ માર્ગથી મોકલવા પર યાત્રા સંબંધિત ખર્ચમાં ઘટાડો થશે. જહાજમાં જવાથી સમયમાં એક સાથે ચારથી પાંચ હજાર લોકોને લઇ જવાશે. નકવીએ કહ્યું હતું કે, મુંબઈથી જિદ્દાહ વચ્ચે ૨૩૦૦ નોટિકલ માઇલના અંતરને એક બાજુના અંતરને બે ત્રણ દિવસમાં પૂર્ણ કરી શકાય છે જ્યારે જુના જહાજથી જવામાં ૧૦થી ૧૫ દિવસ લાગતા હતા. દરિયાઇ માર્ગથી હજ યાત્રા શરૂ કરવાના સંદર્ભમાં ૨૮મી ઓગસ્ટના દિવસે ઉચ્ચ સ્તરીય બેઠક થશે. કેન્દ્રીય પ્રધાન નીતિન ગડકરીના નેતૃત્વમાં મહત્વપૂર્ણ બેઠક મળશે. જેમાં લઘુમતિ મંત્રાલયના ટોપ અધિકારીઓ સામેલ થશે. નકવીએ કહ્યું હતું કે, દરિયાઈ માર્ગથી હજ યાત્રાના સંદર્ભમાં સાઉદી અરબની સરકાર સાથે પણ વાતચીત ચાલી રહી છે. હજ ૨૦૧૭ માટે હાજીઓના જથ્થાને રવાના કરવાની પ્રક્રિયા ૨૪મી જુલાઈના દિવસે શરૂ કરવામાં આવી હતી. સઉદી અરબ દ્વારા ક્વોટામાં વધારો કરવામાં આવ્યા બાદ હજ કમિટિ ઓફ ઇÂન્ડયાના માધ્યમથી ૧૨૫૦૨૫ હજ યાત્રા પર જઈ રહ્યા છે. ૪૫૦૦૦ હજ યાત્રી પ્રાઇવેટ ટુર ઓપરેટરના માધ્યમથી હજ ઉપર જઈ રહ્યા છે. આ વર્ષે ભારતમાં કુલ ૨૧ કેન્દ્રોથી કુલ ૧૭૦૦૨૫ હજ યાત્રી જઇ રહ્યા છે. હજુ સુધી પ્રથમ તબક્કામાં ૬૫૦૦૦ હજ યાત્રી રવાના થઇ ચુક્યા છે. પ્રથમ તબક્કામાં દિલ્હી, ગોવા, ગુવાહાટી, કોલકાતા, લખનૌ, શ્રીનગર વારાણસીથી યાત્રી સાઉદી જવા રવાના થઇ ચુક્યા છે. બીજા તબક્કામાં હાજી બેંગ્લોર, ભોપાલ, રાંચી, નાગપુર, મુંબઈ, જયપુર, હૈદરાબાદ, કોચી, ઔરંગાબાદ, અમદાવાદથી રવાના થઇ રહ્યા છે. બીજા તબક્કાની પૂર્ણાહૂતિ ૨૬મી ઓગસ્ટના દિવસે થશે.
 

સ્વાઈન ફ્લુનો હાહાકાર : વધુ ૧૨ના મોત, મૃતાંક ૨૨૦ થયો

કિલર સ્વાઈન ફ્લુનો આતંક રાજ્યભરમાં જારી રહ્યો છે. સ્વાઈન ફ્લુના કારણે વધુ મોતના પરિણામ સ્વરુપે ખળભળાટ મચી ગયો છે. મોતનો આંકડો રાજ્યમાં રોકેટગતિએ વધીને ૨૨૦ ઉપર પહોંચ્યો છે. રાજ્યભરમાં સ્વાઈન ફ્લુથી વધુ ૧૨ લોકોના મોત સાથે આતંક જારી રહ્યો છે. નવા આંકડા મુજબ સારવાર લઇ રહેલા લોકોની સંખ્યા ૧૧૨૯ નોંધાઈ છે જ્યારે સારવાર બાદ સ્વચ્થ થઇ ચુકેલા લોકોની સંખ્યા ૭૪૬ નોંધાઈ છે. આંકડા દર્શાવે છે કે, કુલ કેસોની સંખ્યા ૨૦૯૫ નોંધાઈ ચુકી છે. નવા કેસોની સંખ્યા આજે ૨૧૨ નોંધાઈ હતી જે પૈકી અમદાવાદ મ્યુનિસિપલ કોર્પોરેશન હેઠળના વિસ્તારોમાં નોંધાયેલા કેસોની સંખ્યા ૯૧ નોંધાઈ છે જ્યારે વડોદરા મ્યુનિસિપલ કોર્પોરેશન હેઠળના વિસ્તારોમાં નોંધાયેલા કેસોની સંખ્યા ૩૧, સુરતમાં ૧૫, ગાંધીનગરમાં ૯, કચ્છમાં ૮, વડોદરા, મહેસાણામાં છ-છ, જુનાગઢ, આણંદ અને પાટણ અને બનાસકાંઠામાં ૩-૩ કેસો સપાટી ઉપર આવ્યા છે. એએમસીમાં નવા કેસોની સંખ્યા ૯૧ નોંધાઈ છે. જ્યારે આજે સ્વાઈન ફ્લુના કારણે વધુ ૧૨ લોકોના મોત થયા હતા જે પૈકી એએમસીમાં ૦૪ અને અમદાવાદમાં બે મોતનો સમાવેશ થાય છે. આવી જ રીતે એસએમસી, કચ્છ, ગિર સોમનાથ, બીએમસી, ભાવનગર, નવસારીમાં એક-એક વ્યક્તિનું મોત થયું છે. સ્વાઈન ફ્લુનો આતંક યથાવતરીતે જારી રહ્યો છે. મોતનો આંકડો વધીને ૨૨૦ ઉપર પહોંચી ગયો છે. આગામી દિવસોમાં સ્વાઈન ફ્લુ હાલ કાબુમાં આવે તેવી શક્યતા ઓછી દેખાઈ રહી છે. સ્વાઈન ફ્લુથી ગ્રસ્ત વિસ્તારોમાં સૌરાષ્ટ્ર વિસ્તારનો સમાવેશ થાય છે. આ ઉપરાંત સુરત, રાજકોટ, અમદાવાદમાં પણ મોટાપાયે કેસો નોંધાયા છે. સ્વાઈન ફ્લુનો આતંક જારી રહેતા તંત્ર દ્વારા પણ સાવચેતીના તમામ પગલા લેવામાં આવી રહ્યા છે. પોઝિટિવ કેસોની સંખ્યામાં પણ ઝડપથી વધારો થયો છે. તંત્રના તમામ દાવા પોકળ સાબિત થઇ રહ્યા છે. ખુદ સરકારના આંકડા પ્રમાણે, રાજયભરમાં અત્યારસુધી સ્વાઇન ફલુના કારણે ૨૨૦થી વધુ લોકોના મોત થયા છે, જા સરકારનો આંકડો આટલો મોટો હોય તો, રાજયનો સ્વાઇન ફલુ પોઝીટીવના અને મૃત્યુનો આંક કેટલો ઉંચો હોઇ શકે તે સ્વાભાવિક રીતે સમજી શકાય એમ છે. સ્વાઇન ફલુના ભરડામાં અમદાવાદ, વડોદરા, મહેસાણા, જુનાગઢ, આણંદ, પાટણ સહિતના વિસ્તારો આવી ગયા છે. નવા વિસ્તારો પણ ઉમેરાઈ રહ્યા છે. રાજયના જુદા જુદા શહેરો અને વિસ્તારોમાં મૃત્યુઆંક વધવાનો દોર આજે પણ જારી રહ્યો હતો. તો, સ્વાઇન ફલુના કારણે વધતા જતાં મૃત્યુ આંક વચ્ચે સ્વાઇન ફલુ પોઝીટીવના દર્દીઓની સંખ્યા પણ ચિંતાજનક રીતે વધી રહી છે. રાજયમાં સૌથી વધુ મોત અત્યાર સુધીમાં રાજકોટ-સૌરાષ્ટ્રમાં નોંધાયા છે. સ્વાઇન ફુલના ભયાનક સ્વરૂપને જાતાં આજે રાજયના મુખ્યમંત્રી વિજયભાઇ રૂપાણીએ તમામ જિલ્લા કલેકટરો, મ્યુનિસિપલ કમિશનરો, જિલ્લા વિકાસ અધિકારીઓ અને આરોગ્ય અધિકારીઓ સાથે વીડિયો કોન્ફરન્સ કરી તાજી પરિસ્થિતિ જાણી હતી અને સ્વાઇન ફલુની સારવાર અને તેને નિયંત્રણ સંબંધી જરૂરી સૂચનો પણ કર્યા હતા.
 

રાજયભરમાં કૃષ્ણમંદિરોમાં જન્માષ્ટમી ઉત્સવ ઉજવાયો

અમદાવાદ સહિત રાજયભરમાં ગઇકાલે ભગવાન શ્રીકૃષ્ણના જન્મના પવિત્ર પર્વ જન્માષ્ટમી મહોત્સવની ભારે હર્ષોલ્લાસ અને ભકિતભાવ સાથે ઉજવણી કરવામાં આવી હતી. બરોબર રાત્રિના ૧૨ વાગ્યે રાજયભરના કૃષ્ણમંદિર સહિતના મંદિરો કૃષ્ણ કનૈયાલાલ કી જય, નંદ ઘેર આનંદ ભયો, જય કનૈયાલાલ કી, હાથીઘોડા પાલખી-જય કનૈયાલાલ કીના ભકિતનાદ સુધી ગુંજી ઉઠયા હતા. પવિત્ર યાત્રાધામ ડાકોર, દ્વારકા અને શામળાજીમાં લાખોની સંખ્યામાં શ્રધ્ધાળુ ભકતોનું ઘોડાપૂર ઉમટયું હતું તો, બીજીબાજુ, શહેરના જગન્નાથજી મંદિર, સોલા ભાગવત ખાતેના રસરાજપ્રભુજીના મંદિર, ઇસ્કોન ખાતે રાધાકૃષ્ણ મંદિર, ભાડજના હરેકૃષ્ણ મંદિર, આશ્રમરોડ પરના વલ્લભસદન સહિતના કૃષ્ણમંદિરોમાં પણ લાલાના દર્શન માટે ભકતોએ રીતસરની પડાપડી કરી હતી. જન્માષ્ટમીને લઇ મોડી રાત સુધી કૃષ્ણમંદિરોમાં શ્રધ્ધાળુ ભકતોની ભારે ભીડ જાવા મળી હતી. જન્માષ્ટમી મહોત્સવને લઇ શહેર સહિત રાજયભરમાં કૃષ્ણભકિતનો ભકિતરસનો માહોલ છવાયો હતો. જન્માષ્ટમી નિમિતે ડાકોરના સુપ્રસિધ્ધ રણછોડરાયજી મંદિરમાં રાત્રે ૧૨-૦૦ વાગ્યે ભગવાનને પંચામૃત સ્નાન કરાવાયું હતું, ત્યારબાદ રણછોડરાયજીને ભવ્યાતિભવ્ય આભૂષણો, દર-દાગીના પહેરાવી અદ્‌ભુત સાજ શણગાર કરાયા હતા. જન્માષ્ટમીના પ્રસંગે રણછોડરાયને ખાસ રત્નજડિત મુગટ પહેરાવાયો હતો અને પછી લાલાને સોનાના પારણે ઝુલાવવામાં આવ્યો ત્યારે મંદિર અને મંદિર પરિસરમાં ઉમટેલા લાખો શ્રધ્ધાળુઓ નંદ ઘેર આનંદ ભયો, જન કનૈયાલાલ કી, હાથી ઘોડા પાલખી, જય કનૈયાલાલ કી, કૃષ્ણ કનૈયાલાલ કી જયના જારદાર ભકિતનારા લગાવ્યા હતા. આજે વહેલી પરોઢે પાંચથી ૫-૩૦ મહાભોગની આરતી થશે અને નોમનો પવિત્ર દિવસ હોઇ લાલાને પારણામાં ઝુલાવવાની સાથે નંદમહોત્સવની ભવ્ય ઉજવણી કરવામાં આવી હતી. દરમ્યાન જગપ્રસિધ્ધ દ્વારકા ખાતે જન્માષ્ટમીની વહેલી સવારે આઠ વાગ્યે દ્વારકાધીશજીને ખુલ્લા પડદે પંચામૃત સ્નાન કરાવાયું હતું. જે આખા વર્ષમાં જન્માષ્ટમીના એક જ દિવસે ખુલ્લા પડદાની સ્નાનવિધિ હોય છે. ત્યારબાદ આરતી અને દર્શન, બપોરે ૧૨-૦૦ વાગ્યે રાજભોગ, સાંજે પાંચ વાગ્યાથી દર્શન, સંધ્યા આરતી સહિત નવ વાગ્યા સુધી દર્શન ખુલ્લા રહ્યા હતા. બરોબર રાત્રે ૧૨.૦૦ વાગ્યે દ્વારકાધીશજીની આરતી ઉતારી સામે દેવકીમંદિરમાં જ્ન્મોત્સવની ભવ્ય ઉજવણી કરવામાં આવી હતી. દ્વારકાધીશની જય, બાળગોપાલ લાલજીની જય સહિતના ભકિતનારા મંદિર પરિસરમાં ગુંજી ઉઠતાં ભકિતનો માહોલ છવાયો હતો. દ્વારકાધીશજી(ઠાકોરજી)ને જન્માષ્ટમીને લઇ વિશેષ સાજ-શણગાર કરવામાં આવ્યો હતો. લાખો શ્રધ્ધાળુઓની ભીડને લઇ મોડી રાત સુધી દ્વારકા મંદિર ખુલ્લુ રખાયું હતું. આજે વહેલી સવારથી નોમના પારણામાં લાલાને બહુ વ્હાલ અને હેતથી ઝુલાવવામાં આવ્યો હતો. આ જ પ્રકારે શામળાજી મંદિરમાં પણ જન્માષ્ટમીના તહેવાર અને કૃષ્ણ જન્મોત્સવની ભવ્ય ઉજવણી કરવામાં આવી હતી. શામળિયા ઠાકરનો જન્માષ્ટમી નિમિતનો ભવ્ય સાજ શણગાર અત્યંત મનમોહક અને સાક્ષાત્‌ જણાતો હતો. ડાકોર, દ્વારકા અને શામળાજી ત્રણેય મંદિરોને ઝળહળતી રોશનીઓ, ફુલ-હાર, આસોપાલવ તોરણો અને અનેક આકર્ષણોથી સજાવવામાં આવ્યા હતા.જન્માષ્ટમીના તહેવારને લઇ શહેરના જગન્નાથજી મંદિર, સોલા ભાગવત ખાતેના રસરાજપ્રભુના મંદિર, ઇસ્કોન, ભાડજ ખાતેના હરેકૃષ્ણ મંદિર, આશ્રમરોડના વલ્લભસદન સહિતના કૃષ્ણ મંદિરોમાં પંચામૃત સ્નાન, આરતી, ભવ્ય શૃંગાર, કૃષ્ણજન્મોત્સવ, પારણાં અને આજે નંદ મહોત્સવ સહિતની ભકિતસભર ઉજવણી કરવામાં આવી હતી. મોડી રાત સુધી શહેર સહિત રાજયભરના તમામ કૃષ્ણમંદિરો સહિતના મંદિરોમાં શ્રધ્ધાળુ ભકતોએ ભગવાન શ્રીકૃષ્ણ(લાલા)ના દર્શન માટે ભારે પડાપડી કરી હતી. કૃષ્ણમંદિરો જય રણછોડ, માખણચોર, નંદ ઘેર આનંદ ભયો, જન કનૈયાલાલ કી, મંદિરમાં કોણ છે, રાજા રણછોડ છે ને ભકિતનારાઓથી ગુંજી ઉઠતાં ભકિતનો માહોલ છવાયો હતો.