નેપાળમાં ભૂસ્ખલનમાં ૧૨નાં મોત,૧૯ લાપતા

નેપાળમાં મૂશળધાર વરસાદ

(સંપૂર્ણ સમાચાર સેવા) કાઠમંડુ,તા.૧૦
નેપાળમાં ભૂસ્ખલનને લીધે ૧૨ લોકોનાં મોત થયાં છે જ્યારે ૧૯થી વધારે લોકો લાપતા થયા છે. આ દુર્ઘટના પશ્ચિમ નેપાળના પોખરા શહેરની નજીક સર્જાઈ છે. પોલીસના જણાવ્યાં મુજબ પાંચ લોકો શુક્રવારે પોખરામાં સાપંગકોટ વિસ્તારમાં મકાન ભૂસ્ખલનને કારણે માર્યા ગયા હતા, જ્યારે અન્ય ૧૦ લોકો ઇજા પામ્યા હતા. આ પહેલાં ગુરુવારે ભૂસ્ખલનની બે અલગ-અલગ દુર્ઘટનાઓમાં એક પરિવારના ત્રણ લોકોના મોત થયા હતાં. જ્યારે ત્રણ મકાનો તણાઇ જતા કુલ ૧૯ લોકો એકસાથે ગુમ થયા હતા. પશ્ચિમ નેપાળમાં વિતેલા ૪૮ કલાકથી મૂશળાધાર વરસાદ વરસી રહ્યો છે જેને કારણે પૂર જેવી ગંભીર સ્થિતિ પેદા થઇ છે, ભૂસ્ખલનને લીધે અહીંનો રાજ્યમાર્ગ પર બંધ થયો છે. ભારે વરસાદને કારણે નેપાળની નારાયણી અને દેશની અન્ય પ્રમુખ નદીઓના જળસ્તર વધ્યું છે.