વીવીઆઈપી માટે રિઝર્વ ફેસિલિટીમાં રખાયા
શાહની તબિયત લથડતાં શનિવાર મોડીરાત્રે એઇમ્સમાં દાખલ, હોસ્પિટલ દ્વારા કોઈ પુષ્ટિ કરવામાં આવી નથી
(સંપૂર્ણ સમાચાર સેવા)
નવી દિલ્હી,તા.૧૩
કેન્દ્રીય ગૃહમંત્રી અમિતશાહને ફરી એકવાર શ્વાસ લેવામાં તકલીફ પડતાં ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સીસમાં દાખલ કરાયા છે. જણાવી દઈએ કે શાહને ૧૫ દિવસ પહેલા જ હોસ્પિટલમાંથી ડિસ્ચાર્જ કરાયા હતા. જોકે, ફરીથી તબિયત લથડતાં શનિવારે મોડીરાત્રે તેમને એમ્સમાં દાખલ કરાયા છે. જોકે, હોસ્પિટલ દ્વારા કોઈ પુષ્ટિ કરવામાં આવી નથી. સૂત્રોએ જણાવ્યું છે કે શાહને શનિવારે રાત્રે ૧૧ વાગ્યાની આસપાસ દાખલ કરવામાં આવ્યા હતા. સૂત્રોના જણાવ્યા મુજબ, તેમને કાર્ડિયો ન્યૂરો ટાવરમાં રાખવામાં આવ્યા છે, જે વીવીઆઈપી માટે રીઝર્વ ફેસિલિટી છે. શાહ એઈમ્સના ડિરેક્ટર ડો રણદીપ ગુલેરિયાની દેખરેખમાં સારવાર હેઠળ છે. તેમની હાલત સ્થિર હોવાનું જાણવા મળ્યું છે.
ભૂતકાળમાં કોરોના સંક્રમણથી સ્વસ્થ થવા છતાં કેન્દ્રીય ગૃહ પ્રધાન અમિત શાહ આરોગ્યની સમસ્યાઓ સાથે સંઘર્ષ કરી રહ્યા છે. તેમને ફરી એક વખત દિલ્હી સ્થિત છૈૈંંસ્જીમાં દાખલ કરવામાં આવ્યા છે. એવું કહેવામાં આવી રહ્યું છે કે કોરોનાથી સ્વસ્થ થયા પછી તેમને શ્વસનની સમસ્યાઓનો સામનો કરવો પડી રહ્યો છે. અગાઉ તેમને કોરોનાથી સ્વસ્થ થયા પછી પોસ્ટ-કોવિડ સારવાર માટે એઈમ્સમાં દાખલ કરવામાં આવ્યા હતા અને ૩૧ ઓગસ્ટે તેમને રજા આપવામાં આવી હતી.

મુંબઈને POK કહેનારી પર અક્ષય કુમાર કેમ ચુપ?
દુનિયાભરના અમીરોના ઘર મુંબઈમાં છે, જ્યારે અપમાન થાય છે તો બધા ગર્દન નમાવી બેસી જાય છેઃસંજય રાઉત
(સંપૂર્ણ સમાચાર સેવા)
મુંબઈ,તા.૧૩
સામના દ્વારા રોજ શિવસેના દ્વારા કંગના રનૌતને નિશાન બનાવવામાં આવી રહી છે. ફરી એકવાર સામનામાં કંગના પર વિવાદિત ટિપ્પણી કરવામાં આવી છે. સંજય રાઉતના લેખમાં કંગનાને નટી (અભિનેત્રી) બનાવવામાં આવી છે. જેમાં લખવામાં આવ્યું છે કે મુંબઈના મહત્વને ઓછું કરવાનો યોજનાબદ્ધ પ્રયાસ કરવામાં આવી રહ્યો છે. મુંબઈની સતત બદનામી એ ષડ્યંત્રનો ભાગ છે. મુંબઈને પાકિસ્તાન કહેનારી એક નટીની પાછળ કોણ છે? આ સિવાય સંજય રાઉતે અન્ય ફિલ્મી કલાકારોને કંગના સામે ના બોલવા અંગે પણ ખરું-ખોટું સંભળાવ્યું છે. સંજય રાઉતે કહ્યું કે મહારાષ્ટ્રની રાજધાની મુંબઈને ગ્રહણ લગાવવાનો પ્રયાસ ફરી એકવાર શરુ થયો છે. આ ગ્રહણ બહારના (કંગના) લોકો લાગી રહ્યા છે. પરંતુ તેમને મજબૂત બનાવવા માટે પરંપરા અનુસાર આપણા જ ઘરમાં ભેદી આગ લગાવી રહ્યા છે. મુંબઈનું અપમાન કરનારી નટી (કગનાને ઉલ્લેખીને)ના ગેરકાયદેસર નિર્માણ મહાનગરપાલિકા દ્વારા કાર્યવાહી કરાયા બાદ મનપાનો ઉલ્લેખ “બાબર” તરીકે કરાયો. શિવસેનાના પ્રવક્તાએ કહ્યું કે નટી મુંબઈમાં બેસીને મહારાષ્ટ્રના મુખ્યમંત્રી પ્રત્યે તૂ-તારી ભાષા બોલે છે. પડકાર આપવાની વાત કરે છે. આ કેવી એક તરફી આઝાદી છે? તેના ગેરકાયદેસર નિર્માણ પર હથોડા ચાલ્યા, તો એ મારું મંદિર હતું, એવું નાટક શરુ કર્યું. મુંબઈને પાકિસ્તાન કહેવું અને તે જ “પાકિસ્તાન”માં સ્થિત ગેરકાયદેસર નિર્માણ પર સર્જિકલ સ્ટ્રાઈકની છાતી પીટવી, આ કેવો ખેલ છે? સામનામાં લખાયું છે કે સંપૂર્ણ નહીં, પરંતુ ઓછામાં ઓછા અડધા ફિલ્મ જગતે તો મુંબઈના અપમાનના વિરોધમાં આગળ આવવું જોઈતું હતું. કંગનાનો પત આખા ફિલ્મ જગતનો મત નથી, એવું કરવા જેવું હતું. અક્ષય કુમાર જેવા મોટા નેતાઓએ તો સામે આવવું જોઈતું હતું. મુંબઈએ તેમને પણ ઘણું આપ્યું છે. મુંબઈએ બધાને આપ્યું છે, પરંતુ મુંબઈના સંદર્ભમાં આભાર વ્યક્ત કરવામાં કેમ ઘણાંને તકલીફ થાય છે? રાઉતે લખ્યું છે કે દુનિયાભરના અમીરોના ઘર મુંબઈમાં છે. મુંબઈનું જ્યારે અપમાન થાય છે તો બધા ગર્દન નમાવીને બેસી જાય છે. મુંબઈનું મહત્વ માત્ર પૈસા કમાવવા માટે નથી. આ બધાએ એ વાત યાદ રાખવી જોઈએ કે “ઠાકરે”ના હાથમાં મહારાષ્ટ્રની કમાન છે. મુંબઈ દેશનું હોય કે દુનિયાનું પણ તેના પર પહેલો હક મહારાષ્ટ્રનો છે. જ્યારે જ્યારે મુંબઈને દબાવવામાં આવ્યું ત્યારે-ત્યારે મહારાષ્ટ્રે પ્રતિકાર કર્યો. આમાં કશું ખોટું થાય છે તો વડાપ્રધાન મોદીએ જ જણાવવું જોઈએ. મુંબઈને પહેલા પાકિસ્તાન પછી બાબર કહેનારા લોકોની પાછળ મહારાષ્ટ્રી ભાજપની પાર્ટી ઉભી છે, આ દુર્ભાગ્ય જ કહેવાય. મુંબઈના વિરોધમાં ૬૦-૬૫ વર્ષ પહેલા કોંગ્રેસના કેટલાક નેતાઓએ યોજનાબદ્ધ રીતે ષડ્યંત્ર રહ્યું હતું. એ ષડ્યંત્રકારોની છાતી પર પગ મૂકીને ભૂમિપુત્રોએ સંયુક્ત મહારાષ્ટ્રમાં ભગવો ઝંડો લહેરાવ્યો હતો. હવે તો કોઈ પણ ઉઠે છે અને મુંબઈ પર કિચડ ઉછાડે છે, હવે તો તેના પર રોક લાગવી જોઈએ. દિલ્હી અથવા મહારાષ્ટ્રમાં સરકારે કોઈને પણ કોઈ અજ્ઞાત શક્તિ આપણા મુંબઈના વિરોધમાં યોજનાબદ્ધ રીતે ષડ્યંત્ર કરતા રહે છે, પરંતુ સંયુક્ત મહારાષ્ટ્ર માટે જેલના દરવાજા પર લાઈન લગાવનારા “વીર” આજે કુંઠીત થઈ ગયા છે? ભૂમિપુત્રો તથા મરાઠી સ્વાભિમાનને યોજનાબદ્ધ રીતે દમન કરવાનો પ્રયાસ થઈ રહ્યો છે. મહારાષ્ટ્રના લોહીથી મરાઠી કોશિકાઓને ખતમ કરવાનું ષડ્યંત્ર થઈ રહ્યું છે. મુંબઈને પાકિસ્તાન અને મ્સ્ઝ્રને બાબરની સેના કહેનારા પાછળ મહારાષ્ટ્રના પ્રમુખ વિરોધી પક્ષ ઉભો છે, આ અજીબ છે. પરંતુ સુશાંત અને કંગનાને સમર્થન આપીને તેમને બિહારની ચૂંટણી જીતવી છે. બિહારના ઉચ્ચ વર્ગીય રાજપૂત, ક્ષત્રિય મતને મેળવવાનો પ્રયાસ થઈ રહ્યો છે. તેના માટે મહારાષ્ટ્રનું અપમાન થાય તો પણ ચાલશે. આ નીતિને ’રાષ્ટ્રીય’ કહેનારાને શોભા નથી આપતું. મહારાષ્ટ્રનું અપમાન કર્યું તેના વિરોધમાં એક પણ મરાઠી કેન્દ્રીય મંત્રીને ખોટું નથી લાગ્યું. તેના પર ગુસ્સે થઈને રાજીનામુ વગેરેની વાત જ છોડો.

ત્રીજા ભાગની વેક્સિન બની શકે તેટલી ક્ષમતા
દુનિયામાં વૈજ્ઞાનિકો અને રસી બનાવતી કંપનીઓ દિવસ રાત કોરોનાની રસી બનાવવા માટે ખુબ મહેનત કરી છે
(સંપૂર્ણ સમાચાર સેવા)
હૈદરાબાદ,તા.૧૩
આંતરરાષ્ટ્રીય વેક્સિન કંપનીઓ અને શૈક્ષણિક સંસ્થાઓ કોરોના વાયરસની સુરક્ષિત રસી વિશ્વને આપવા માટે દિવસ-રાત મહેનત કરી રહી છે ત્યારે સૌની નજર ભારત પર છે, જ્યાં વિશ્વની ૬૦ ટકા રસી તૈયાર થાય છે. ભારતમાં પણ જો કોઈ એક સ્થળ એવું હોય જે રસીનું સીધું સરનામું છે તો એ છે હૈદરાબાદ. આ શહેરમાં દુનિયાની ત્રીજા ભાગની રસી બનાવવામાં આવે છે. કોરોના સામે લડવા ભારતની પહેલી સ્વદેશી રસી ર્ઝ્રદૃટ્ઠટૈહ હોય કે રશિયાની જીેંહૈા ફ કે પછી જ્હોન્સન એન્ડ જ્હોન્સનની છઙ્ઘ૨૬.ર્ઝ્રદૃ૨.જ કે હ્લઙ્મેય્ીહની ર્ઝ્રર્િહ્લઙ્મે અથવા સનોફીની વિકસી રહેલી સંભવિત રસી જ કેમ ના હોય, તમામનો હૈદરાબાદ સાથે સંબંધ છે. કોરોનાની સફળ રસી હૈદરાબાદમાં શોધાય કે ના શોધાય પરંતુ તેનું નિર્માણ અહીં જ થશે. દુનિયાના કોઈપણ છેડે રસી કેમ ના શોધાઈ હોય તેનું નિર્માણ હૈદરાબાદમાં જ થશે, તેમ શાંતા બાયોટેક્નિક્સ લિમિટેડના ફાઉન્ડર અને ચેરમેન ડૉ. વારાપ્રસાદ રેડ્ડીએ જણાવ્યું. ડૉ. રેડ્ડીએ કહ્યું, હૈદરાબાદમાં આવેલી વેક્સિન કંપનીઓ પાસે મજબૂત મેન્યુફેક્ચરિંગ ટેક્નોલોજી છે અને સારી ગુણવત્તાના લાખો ડોઝનું ઉત્પાદન કરવાની ક્ષમતા છે. ઉલ્લેખનીય છે કે, ૨૦૨૧ના પ્રારંભિક મહિનાઓમાં સનોફીની સંભવિત વેક્સીન શોધાઈ જશે અને તેનું ઉત્પાદન હૈદરાબાદમાં થવાની અપેક્ષા છે. સનોફીએ ૨૦૦૯માં શાંતા બોયટેકને ખરીદી હતી. બાયોલોજીકલ ઈ લિમિટેડના મેનેજિંગ ડાયરેક્ટર મહિમા દાતલાનું કહેવું છે કે, કોવિડ-૧૯ મહામારી સામેની જંગમાં હૈદરાબાદનો મહત્વનો ફાળો રહેશે કારણકે અહીં વેક્સિનની ઉત્પાદન ક્ષમતા ખૂબ વધારે છે. જણાવી દઈએ કે, બાયોલોજીકલ ઈ લિમિટેડે ટેક્સાસની બાયલર કોલેજ ઓફ મેડિસિન સાથે રસી વિકસાવવા માટે ટાઈ-અપ કર્યું છે. સાથે જ જ્હોન્સન એન્ડ જ્હોન્સનની રસીના ભારતમાં ઉત્પાદન માટે પણ જોડાણ કર્યું છે.

આ રસી ૨૦૨૦ના અંત સુધીમાં આવી શકે છે
ઓક્સફર્ડ અને એસ્ટ્રાઝેનેકાની કોરોના વેક્સીનના છેલ્લા તબક્કાની ટ્રાયલને યુકેમાં શરૂ : ઓક્સફર્ડના વૈજ્ઞાનિકોએ રસીની સફળતા અંગે ખાતરી આપી
(સંપૂર્ણ સમાચાર સેવા)
નવી દિલ્હી, તા.૧૩
ઓક્સફર્ડ અને એસ્ટ્રાઝેનેકાની કોરોના વેક્સીનના છેલ્લા તબક્કાની હ્યુમન ટ્રાયલને યુકેમાં ફરીથી શરૂ કરી દેવાઈ છે. એસ્ટ્રાઝેનેકાએ જણાવ્યું હતું કે બ્રિટનની મેડિસીન્સ હેલ્થ રેગ્યુલેટરી ઓથોરિટીએ સમગ્ર મામલાની તપાસ કર્યા બાદ વેક્સીન સલામત હોવાનું સામે આવ્યું છે. જે બાદ તેના ક્લિનિકલ ટ્રાયલને મંજૂરી આપવામાં આવી છે. વોલયન્ટિયર પર ગંભીર અસર દેખાતા વેક્સીનની ટ્રાયલ અટકાવી દેવામાં આવી હતી. એસ્ટ્રાઝેનેકાના સીઇઓ પાસ્કલ સૉરિયટને વેક્સીન ટૂંક સમયમાં જ ઉપલબ્ધ થશે તેવી અપેક્ષા છે. તેમનું કહેવું છે કે આ રસી આ વર્ષના અંતમાં અથવા આવતા વર્ષના પ્રારંભમાં આવી શકે છે. સૉરિયટે કહ્યું કે આ રસીના ટ્રાયલ પર આખું વિશ્વ નજર રાખી રહ્યું છે, તેથી તેની ખૂબ ચર્ચા થઈ રહી છે. તેઓએ આશા વ્યક્ત કરી છે કે વર્ષના અંત સુધીમાં રેગ્યુલેટરી અપ્રુવલ માટે ડેટા મેળવી શકાશે. રસીની ટ્રાયલના ત્રીજા તબક્કા દરમિયાન એક વોલન્ટિયરમાં ટ્રાંસવર્સ મેલિટીસની સ્થિતિ વિકસિત થઈ ગઈ હતી. જેથી કરોડરજ્જુમાં સોજો આવે છે જે ચેપને કારણે થઈ શકે છે. વિશ્વભરમાં આ ટ્રાયલમાં ૫૦ હજારથી વધુ લોકોએ ભાગ લીધો છે. હાલમાં જે રસી ચાલી રહી છે તે ટ્રાયલ પસાર કર્યા પછી, સલામતી અને અસરના ડેટાને મંજૂરી મેળવવા માટે કાર્ય કરવામાં આવશે. આ વેક્સીન વાયરલ વેક્ટર પર આધારિત છે. ટીમે એસએઆરએસ-સીઓવી-૨ના સ્પાઈક પ્રોટીન (જેની સાથે કોરોના વાયરસ સેલને ચેપ લગાવે છે)ને નબળા ટ્ઠઙ્ઘીર્હદૃૈિેજ (સામાન્ય શરદી પેદા કરનાર વાયરસ)માં ટ્રાન્સફર કર્યો હતો. જ્યારે આ એડેનોવાયરસ મનુષ્યમાં ઇન્જેક્ટ કરવામાં આવ્યો ત્યારે, રોગપ્રતિકારક શક્તિએ પ્રોટીનને ઓળખીને પ્રતિક્રિયા આપી. પ્રથમ બે ક્લિનિકલ ટ્રાયલનાં પરિણામો એન્ટિબોડીઝ અને ટી-સેલ ઉત્પન્ન જોવા મળ્યા અને નાના-મોટા સાઈડ ઈફેક્ટ્‌સ પણ જોવા મળ્યા છે. ઓક્સફોર્ડ વૈજ્ઞાનિકો માત્ર રસી ઝ્રરછર્ઙ્ઘંટ૧ હર્ઝ્રફ-૧૯ની સંપૂર્ણ સફળતા અંગે ખાતરી આપી છે. એટલું જ નહીં, તેમણે ૮૦% સુધી વિશ્વાસ પણ છે કે રસી સપ્ટેમ્બર સુધીમાં મળી જશે. ઓક્સફર્ડ રસી એસ્ટ્રાઝેનેકા દ્વારા બનાવવામાં આવશે. આ રસી ઝ્રરછર્ઙ્ઘંટ૧ વાયરસથી બનેલી છે, જે સામાન્ય શરદી પેદા કરતા વાયરસનું નબળું સ્વરૂપ છે. તેને જેનેટિકલી બદલી દેવાઈ છે જેથી લોકોમાં ઈન્ફેક્શન ફેલાતું નથી. ઓક્સફર્ડ યુનિવર્સિટી અને એસ્ટ્રાઝેનેકા તરફથી કોરોના વાયરસ સામે વિકસિત રસી એઝેડ૧૨૨૨ની ટ્રાયલ ભારતમાં ફરી શરૂ થઈ શકે છે. વેક્સીન પ્રોજક્શન માટે એસ્ટ્રાઝેનેકાની ભાગીદાર ભારતીય કંપની સીરમ ઇન્સ્ટિટ્યૂટ ઓફ ઈન્ડિયાએ જણાવ્યું હતું કે ડ્રગ કંટ્રોલ જનરલ ઓફ ઈન્ડિયા દ્વારા મંજૂરી મળતાં જ તેની ટ્રાયલ ફરીથી શરૂ કરવામાં આવશે. ખરેખર, એઝેડ૧૨૨૨ના ટ્રાયલ બાદ એક વોલન્ટિયરમાં ટ્રાંસવર્સ મેલિટીસની સ્થિતિ વિકસિત થઈ ગઈ હતી. જેના કારણે તેની ટ્રાયલ રોકી દેવામાં આવી હતી. જોકે, હવે તેની ટ્રાયલ ફરીથી શરૂ કરી દેવામાં આવી છે.