૨૪ કલાકમાં કોરોનાના ૫૦ હજાર નવા દર્દી, ૭૭૫ મોત

દેશભરમાં ચેપગ્રસ્તોની કુલ સંખ્યા ૧૫.૮૩ લાખ
કોરોના બેકાબુ : દેશમાં કુલ મતાંક ૩૫ હજાર પર પહોંચ્યો, વાયરસને મ્હાત કરીને કુલ ૧૦ લાખ લોકો સાજા થયા
(સંપૂર્ણ સમાચાર સેવા)
નવી દિલ્હી, તા. ૩૦
ભારતમાં મહામારીએ દેખા દીધાના ત્રણ માસ બાદ સ્થિતિ કાબુમાં આવવાના બદલે વકરતી જતી જોવા મળી રહી છે. દેશમાં ગુરુવારે સૌપ્રથમવાર છેલ્લા ૨૪ કલાકમાં કોવિડ-૧૯ના ૫૨ હજાર ૧૨૩ નવા ચેપગ્રસ્તો નોંધાયા છે. તેમજ એક જ દિવસમાં ૭૭૫ દર્દીઓએ જીવ ગુમાવ્યો છે. તેની સાથે દેશમાં કુલ પોઝીટીવ દર્દીઓની સંખ્યા ૧૫ લાખ ૮૩ હજાર ૭૯૨ થઈ છે. તો અત્યાર સુધીમાં ૩૪ હજાર ૯૬૮ દર્દીઓના મોત નિપજ્યા છે. ભારતમાં ખતરનાક વાયરસથી મૃત્યુ પામનારાઓની સંખ્યા ૩૫ હજાર પર પહોંચી છે. તેની સાથે રાહતની વાત એ છે કે દેશમાં સંક્રમણને મ્હાત કરનારાઓની સંખ્યામાં પણ વધારો થઈ રહ્યો છે. છેલ્લા ૧૫૦ દિવસમાં ૧૦ લાખથી વધુ લોકો કોરોનાની સારવાર બાદ સાજા થઈ ચૂક્યા છે. વાયરસને મ્હાત કરીને સાજા થનારા લોકોની સંખ્યા પણ ૧૦ લાખ ૨૦ હજાર ૫૮૨ પર પહોંચી છે. તે સંકટના કાળમાં આંશિક રાહતની વાત છે. દેશમાં હાલ રિકવરી રેટ ૬૪.૪૩ ટકા જોવા મળી રહ્યો છે. તેની સામે હાલ પોઝીટીવિટી રેટ ૧૧.૬૭ ટકા છે. એટલે કે જેટલા પણ સેમ્પલનું ટેસ્ટીંગ થઈ રહ્યું છે, તેમાંથી ૧૧.૬૭ ટકા કેસ સંક્રમિત આવી રહ્યા છે. ટેસ્ટીંગની વાત કરીએ તો ૨૯મી જુલાઈએ દેશમાં કુલ ૪ લાખ ૪૬ હજાર ૬૪૨ સેમ્પલનું ટેસ્ટીંગ કરાયુ હતુ. તેની સાથે મહામારીએ દેખા દીધા બાદથી ૨૯મી જુલાઈ સુધીમાં ૧ કરોડ ૮૧ લાખ ૯૦ હજાર ૩૮૨ સેમ્પલના ટેસ્ટીંગ થઈ ચૂક્યા છે. છેલ્લા ૨૪ કલાકમાં દેશના ૫ રાજ્યોમાં સ્થિતિ ચિંતાજનક જોવા મળી છે. કુલ ચેપગ્રસ્તોમાંથી ૬૬ ટકા દર્દીઓ આ રાજ્યોમાંથી નોંધાયા છે. જેમાં આંધ્રપ્રદેશમાંથી ૧૦,૦૯૩ દર્દીઓ, મહારાષ્ટ્રમાં ૯૨૧૧, તામિલનાડુમાં ૬૪૨૬, કર્ણાટકમાં ૫૫૦૩ અને ઉત્તરપ્રદેશમાંથી ૩૩૮૩ દર્દીઓનો સમાવેશ થાય છે. જ્યારે એક જ દિવસમાં થયેલા કુલ મૃત્યુ આંકમાંથી ૭૫ ટકા મૃત્યુ આ રાજ્યોમાં નોંધાયા છે. જેમાં મહારાષ્ટ્રમાં ૨૯૮ લોકોએ, કર્ણાટકમાં ૯૨, તામિલનાડુમાં ૮૨, આંધ્રપ્રદેશમાં ૬૫ અને પશ્ચિમ બંગાળમાં ૪૧ લોકોએ જીવ ગુમાવ્યો છે. ભારત કોરોના પ્રભાવિત દેશોની યાદીમાં ત્રીજા નંબર પર છે. પ્રથમ સ્થાને અમેરિકા છે, અહીંયા કોરોનાના ૪૫ લાખથી વધુ કેસ સામે આવ્યા છે અને ૧.૫૦ લાખથી વધુ લોકોના મૃત્યુ થયા છે. તો બીજા નંબર પર બ્રાઝિલ છે, અહીંયા કોરોનાના અત્યાર સુધીમાં ૨૫ લાખથી વધુ કેસ આવ્યા છે અને ૯૦ હજારથી વધુ લોકોએ જીવ ગુમાવ્યો છે.

 
latest news
મંદિર સંપૂર્ણ શ્રાવણમાં ખુલ્લું રાખવામાં આવશે

સોમનાથ ટ્રસ્ટ દ્વારા મહત્વનો નિર્ણય
(સંપૂર્ણ સમાચાર સેવા)
અમદાવાદ...

વધારાની ફાજલ જાહેર કરેલી જમીન અંગે સત્તાનું વિકેન્દ્રીકરણ

શહેરી જમીન ટોચ મર્યાદા હેઠળ
જમીન સંપાદનના વળતર સંબંધી રેફરન્સ કેસોન...

કોરોના ફરીવખત ૧૧૦૦નો આંકડો પાર કરી ૧૧૫૯ કેસ

છેલ્લા ૨૪ કલાકમાં ૨૨ લોકોનાં મૃત્યુ
અત્યાર સુધીમાં ૪૪૦૭૪ લોકોને ડિસ...

Top News
Today’s Headlines
Opinion Poll

Who is next CM of Gujarat?

View Results

Loading ... Loading ...
today’s market
today’s weather
today’s horoscope
મીન (દ,ચ,ઝ,થ) : કનિષ્ઠ દિવસ, સામાજીક બાબતો દોડધામમય, આર્થિક બાબતો ખર્ચાળ રહે, મહિલાવર્ગને સંભાળવું....Read More